ENTE BHRANTHUKAL (എന്റെ ഭ്രാന്തുകൾ)

ഇരന്നുകിട്ടിയ കല്ലുംകരടുമേറിയ നെല്ലിടിച്ച് അവലാക്കി..! പൊതിഞ്ഞുകെട്ടിയത് വിപ്രപത്നിയുടെ മുഷിഞ്ഞ ചേലയുടെ  അഗ്രം കീറിയെടുത്ത്...!?. ഉൽപത്തിയും വൃത്തിശുദ്ധിയുമൊന്നും നോക്കാതെ ഭഗവാൻ അവൽപൊതിയഴിച്ച് ഭുജിച്ചു...! ഭഗവാനത് വിശിഷ്ട നേദ്യമായി.. അതുപോലെ അവനവന്റെ സത്വത്തിലാണ് ഭഗവാന് മുന്നിലെത്തേണ്ടത്.. ഇല്ലാത്തവൻ ഉള്ളവനായി ചമഞ്ഞോ .. ഉള്ളവൻ ഇല്ലാത്തവനായി ചമഞ്ഞോ അല്ല.. അവനവന്റ അവസ്ഥയിലാണ് ഭഗവത് സേവ ചെയ്യേണ്ടത്. കാരണം ഭഗവാന് അറിവുള്ളതാണ് നാമോരോരുത്തരുടെയും നേർചിത്രം. പ്രാർത്ഥനയുടെ മനശുദ്ധിയാണ് ഭവാൻ ശ്രവിക്കുക.. ശ്രദ്ധിക്കുക... അല്ലാതെ നമ്മുടെ ദേഹശുദ്ധിയും മോടിയുമല്ല... അതിനുദാഹരണമാണ് കുചേലകഥ... അതിലൂടെ  നാം സ്വാംശീകരിക്കേണ്ടത് ഭഗവാനെ ഉപാസിക്കേണ്ടത് എങ്ങനെ എന്നുതന്നെയാണ്. 

തൃശ്ശൂർ സാഹിത്യ അക്കാദമിയിൽവച്ച് മിഴിപബ്ളിക്കേഷൻ-മൊഴിമുറ്റം പ്രസിദ്ധീകരിച്ച കവിതാസമാഹാരത്തിലെ എന്റെ ഒരു കവിത ചിലതുമാത്രം ചിലപ്പോൾ.  ചില പ്രണയങ്ങൾ  ഇങ്ങനെയാണ്... ഇന്നലെവിരിഞ്ഞ ചെമ്പനീർപ്പൂവുപോലെ, ഒന്നുതൊടാനായുമ്പോൾ ഞെട്ടടർന്ന് വീഴാറുണ്ട്... ചില സങ്കടങ്ങൾ ഇങ്ങനെമാത്രമാണ്... ഒരാശ്വാസക്കാറ്റിനുമുമ്പ്, തണുത്തനിശ്വാസത്തിൽ തുള്ളിയടർന്ന് വീഴാറുണ്ടവ.. ചില പിണക്കങ്ങൾ ഇങ്ങനെയാണ്.. ഒരുനിറകൺചിരിക്കുമുമ്പേ  ഒരു മിഴിത്തലോടലിൽ വെമ്പിവിതുമ്പി,  അലിഞ്ഞുപോകുന്നു.. ചില കാത്തിരിപ്പുകൾ  അമ്മക്കിളിദു:ഖങ്ങളാണ്. ആരോ ചുട്ടുതിന്ന മുട്ടകളുടെ സ്വപ്നങ്ങൾക്കുമേലത് അടയിരിക്കയാണ് നിത്യം. #sree.25.10.22

വാക്കുവാസനിച്ചീടുവാൻ തക്കതായ്, വാസനതൈലമല്ലെന്റെ പാനകം. കൂർത്തചിന്തകൾ ചിന്തേരുതീർത്തിട്ടു പ്രാർത്ഥനയ്ക്കായ് വിരിഞ്ഞതുമല്ലവ. കാരിരുമ്പുപോൽ കാഠിന്യമേറിയ കാരണങ്ങളിൽ വെന്തുപുളഞ്ഞതിൻ കാര്യമാകാമൊരിക്കലുമായവ സ്നേഹഭാഷണത്തിന്നുമനർത്ഥമായ്. നൽഗതിക്കു പിറക്കുവാൻ വാവിട്ട് ചില്ലുകൂട്ടിപ്പറഞ്ഞവീൺവാക്കുകൾ ഒന്നുപാഞ്ഞതുപിന്നെത്തിരിഞ്ഞെന്നെ കൊന്നുവീഴ്ത്തുവാനായി ഫണംകാട്ടേ ചുണ്ടടർത്തിപ്പുലമ്പിയതൊക്കെയും വൻവിഷക്കാറ്റുതീർത്തതറിഞ്ഞു ഞാൻ.. ചുണ്ടടയ്ക്കണം നാവിൻ തടങ്കലാം ദന്തവൻമതിൽ കെട്ടിലൊതുക്കണം ഭൂവിണ്ഡലം കെട്ടടങ്ങും വിഷജ്വര വാക്കുകൾ പുറന്തള്ളാതിരിക്കുവാൻ. .....#ശ്രീ....

വലനെയ്തുനാമിന്നുമേറെയേറെയായ് കന്നിമാവിന്റെ ചില്ലയിൽ കണിമുല്ലയിൽ... തേൻനുകർന്നുവന്നൊരാ വണ്ടറിഞ്ഞില്ലയീവല... രതിയറിഞ്ഞുമയങ്ങിയനാളിലെൻ ഉടലുമുയിരും കാർന്നുതിന്നെന്തിനായ്... പ്രണയമായിരുന്നെൻഹൃത്തിലപ്പൊഴും ലഹരിമാത്രമാണപ്പൊഴും കൺകളിൽ.. രുചിയറിഞ്ഞു ഭുജിച്ചനിൻ കൺകളിൽ തരിയുമുണ്ടായതില്ലെന്റെയോർമ്മകൾ..! വലകൾ നെയ്യവേ ഒളികണ്ണിനിമകളിൽ കരുതിയേകിയ കരിനോട്ടമെങ്ങുപോയ് രതിരഹസ്യത്തിനാരംഭദശകളിൽ നിറയെവഴിയുന്ന മിഴിലാസ്യമെങ്ങുപോയ്.. പുകയുകയായിരുന്നുനിൻ കണ്ണുകൾ പകയെവെല്ലുന്ന ജഠരാഗ്നിതൻകനൽ.. കനലണഞ്ഞുനീയിനിനിദ്രപൂകുക, ഒരുസമാധിയിലടയിട്ടുണർത്തുക അരുമയാംമുട്ടവിടരുംവരെയെന്റെ, രുധിരമോജസ്സുപകരട്ടെജീവനിൽ... ഒരുപുലർവെട്ടമഞ്ഞിൻകണങ്ങളിൽ അടയിരുന്ന നിൻ മോഹം തളിർക്കട്ടെ. #ശ്രീ . 19-10-20

അനുവാദം ചോദിക്കാതെ കയറിച്ചെല്ലാനൊരിടം... അതമ്മക്കൂടായിരുന്നു.. അച്ഛനെന്ന മഹാവൃക്ഷത്തിലെ അരുമക്കൂട്.... കൊടിയ വേനലിലും   കൊടും കാലവർഷത്തിലും നെടിയ പത്രങ്ങളാൽ അച്ഛൻ കാത്തൊരമ്മക്കൂട് കൊടുങ്കാറ്റിലും അമ്മക്കിളി, അടയിരുന്ന കൂട്... എത്രയകലേക്ക് പറന്നകന്നാലും തിരികെവന്നണയാൻ ഒരു പിൻവിളിപോലെ.., അതെന്നുമെന്നും തണലൊരുക്കിയിരുന്നു പ്രാർത്ഥനകളാലും.. "കൂടടർന്നുവീണ മഹാവൃക്ഷമാകിലും തരുത്തണലില്ലാത്ത കിളിക്കൂടാകിലും  പൂർണ്ണമാകില്ലതന്നെ..." ഇരുകരുതലുമില്ലാതെയെങ്കിലോ...? പണ്ഡിതനിലെ  ചിന്തകൾ പോലും ശൂന്യതയിലവസാനിക്കും പാമരനിലെ സങ്കടങ്ങളെന്നും അനാഥത്വം പേറി മൃതിതേടും.. കൂടണയാക്കിളിയ്ക്കുപോലും അമ്മകൂടുണ്ടെന്നൊരു ചിന്ത, കൂടുതൽ പാറിനടക്കാൻ കൂട്ടായിരിക്കും...  ©️sree. 26.8.22

ചിറകുമുളയ്ക്കുന്നു, ഭാവന കടംതന്ന നാലു കുഞ്ഞുകവിതകൾ....   1️⃣ (പ്രഭാതം) കിഴക്കു മഞ്ഞിന്റെ പുതപ്പുമാറ്റി പുറത്തു മിഴിനീട്ടിനോക്കുംപ്രഭാതം.  തുടുത്ത പെണ്ണിന്റെ കവിൾത്തടത്തിൽ നനഞ്ഞ പൂഞ്ചേല പുതച്ചപോലെ... 2️⃣ (കോഫി) ചുണ്ടിനും കപ്പിനുമിടയിൽ നാം നിത്യവും  ഊതിപ്പറത്തുന്നതാണ് ജീവിതം .. 3️⃣ (രാത്രി) രാത്രിതൻ മൂർച്ഛയിൽ വാളോങ്ങി നിൽക്കുന്നു താത്രിതൻ സ്വപ്നംപോലീയിളം ചന്ദ്രിക.. 4️⃣ (പാതിരാവ്) പെയ്തൊഴിഞ്ഞ  പാതിരാ മഴയുടെ ഇരമ്പം...  മുഴങ്ങുന്നുണ്ടിപ്പൊഴും എവിടെ നിന്നോ... തമസ്കരിക്കപ്പെടുന്നുണ്ട് ഭൂമി, മരംപെയ്യുന്ന നിസ്വനം.                  

ചിറകുമുളയ്ക്കുന്നു, ഭാവന കടംതന്ന നാലു കുഞ്ഞുകവിതകൾ....   1️⃣ (പ്രഭാതം) കിഴക്കു മഞ്ഞിന്റെ പുതപ്പുമാറ്റി പുറത്തു മിഴിനീട്ടിനോക്കുംപ്രഭാതം.  തുടുത്ത പെണ്ണിന്റെ കവിൾത്തടത്തിൽ നനഞ്ഞ പൂഞ്ചേല പുതച്ചപോലെ... 2️⃣ (കോഫി) ചുണ്ടിനും കപ്പിനുമിടയിൽ നാം നിത്യവും  ഊതിപ്പറത്തുന്നതാണ് ജീവിതം .. 3️⃣ (രാത്രി) രാത്രിതൻ മൂർച്ഛയിൽ വാളോങ്ങി നിൽക്കുന്നു താത്രിതൻ സ്വപ്നംപോലീയിളം ചന്ദ്രിക.. 4️⃣ (പാതിരാവ്) പെയ്തൊഴിഞ്ഞ  പാതിരാ മഴയുടെ ഇരമ്പം...  മുഴങ്ങുന്നുണ്ടിപ്പൊഴും എവിടെ നിന്നോ... തമസ്കരിക്കപ്പെടുന്നുണ്ട് ഭൂമി, മരംപെയ്യുന്ന നിസ്വനം.                  

മൂന്ന് "അ" കളിലാണ് ഒരു "വലിയ" രാജ്യത്തിന്റെ സാമ്പത്തികശാസ്ത്രമെന്നത് അത്യന്തം ശോചനീയമായൊരവസ്ഥയാണ്.. സ്വന്തമായി വരുമാന സംരംഭകങ്ങളോ കാർഷിക/കാർഷികേതര വരുമാനമോ ഇല്ലാത്താണ് മുഖ്യവിഷയം എന്നത് സമ്മതിക്കില്ലാന്ന്...  (വലിയരാജ്യം എന്നുപറയാൻ കാരണം ആകെ ജനസംഖ്യയെക്കാൾ കൂടുതൽ സൈബർപോരാളികളുള്ളതുകൊണ്ടാണ്) തീർച്ചയായും മൂന്ന് "അ" കളെന്നാൽ അവ #ആർത്തി, #ആസക്തി, #അലംഭാവം എന്നിവയാണ്... അവയുടെ വ്യക്തതയിലേക്ക് വരാം 1. ആർത്തി - മനുഷ്യന്റെ ധനാർത്ഥിയാണ് ലോട്ടറിയുടെ ലാഭം 2. ആസക്തി- മനുഷ്യന്റെ മദ്യപാനാസക്തിയാണ് ബീവറേജിന്റെ ലാഭം. 3. അലംഭാവം- ട്രാഫിക്/റോഡ് നിയമങ്ങൾ പാലിക്കുന്നതിലുള്ള മനുഷ്യന്റെ അലംഭാവമാണ് ഓരോ പോലീസ് സ്റ്റേഷനും പ്രതിദിന ടാർജറ്റ് തികയ്ക്കാനാകുന്നത്. (അതിനുദാഹരണമാണല്ലോ റോഡിന്റെ മുക്കിലും മൂലയിലും ഇ-പോസ് മെഷീനുമായി പോലീസ് ഓഫീസർമാരെ predatory birds നെപ്പോലെ നിന്നു വെയിലുകൊള്ളിക്കുന്നത്.. ലോകത്ത് ഒരുരാജ്യത്തും ഇതുപോലെ ആണെന്ന് തോന്നുന്നില്ല) #അനുബന്ധം-  10 September 2022 ലെ വാർത്തയാണ് ചുവടെ.  Liquor and lottery are among the major revenue earners for the state. According

മുഴുത്ത സ്തനങ്ങളാൽ നീയൊരാകർഷണം  തീർക്കുമ്പോൾ ഞാനോർക്കുക.., അവയ്ക്കുള്ളിലൊരുപക്ഷേ നീണ്ടകാലുകളമർത്തിനോവിക്കാൻ ജീവനങ്കുരിക്കുന്ന ഞണ്ടൊന്നിനെയാണ്... വലിയനിതംബചലനത്താൽ നീ നീണ്ടസദസ്സിളക്കിമറിക്കുമ്പോൾ ഞാൻ ഓർത്തിരിക്കുക, "മാമാ സാറാ ബാൾട്ട്മാനെ" അല്ലെങ്കിൽ വൈദ്യശാസ്ത്രം പറഞ്ഞ Steatopygia യെയാണ്....

ഒരു ലളിതഗാനമാണ്... ഹരിയുടെ ഗീതങ്ങൾ പാടാനിരുന്നുഞാൻ അരികിലണഞ്ഞുനീ ഈറനായീ..... കരിമുകിൽ മുടിതുമ്പിലൂർന്നുനിൽക്കും കൃഷ്ണ, തുളസീദളമാകെനനഞ്ഞിരുന്നു ചെറു മഴയേറ്റപോൽ നീയിരുന്നു... (ഹരിയുടെ.... "കണ്ണിനുകണ്ണു, മനമാകും കണ്ണതിനു"- മെന്നതുചൊല്ലിയിരിക്കേ... കണ്ണുകളാൽ നീ..യെന്നയുഴിഞ്ഞതു, മനകണ്ണാലെ ഞാനുമറിഞ്ഞൂ...  മനമെന്തിനോ തുടികൊട്ടിനിന്നൂ..... (ഹരിയുടെ...) ഒരുജലദളമാലെ, തിരിയണച്ചുയരും നിൻ മിഴികളിലൊരു നാളമുണർന്നൂ... നറുമിഴിപീലികൾ പിടയുന്ന നയനങ്ങൾ വെറുതേ വിളിച്ചെന്നു തോന്നിയെന്നിൽ.. ഒരുവിളിയൊച്ച കൊതിച്ചു ഞാനും...    (ഹരിയുടെ.....                    ശ്രീ..

അമ്മയ്ക്കെത്ര വയസ്സായീ പൊന്നുണ്ണിക്കൊരു സന്ദേഹം ഉണ്ണിജനിക്കുമുന്പേയെങ്ങാൻ അമ്മജനിച്ചതുമെന്നാണോ..? ഉണ്ണിജനിച്ചൊരുനാളിൽ ജനിച്ചു അമ്മയുമെന്നതുമറിയുക നീ ഉണ്ണിവളർന്നിടുമെന്നാലെന്നും അമ്മ ജനിച്ചതുപോൽ തുടരും അമ്മയ്ക്കാവില്ലൊരുനാളും നിന്നെ മറന്നുവളർന്നീടാൻ.. ഉണ്ണീയറിയുകയമ്മയ്ക്കില്ലൊരു നാളിലുമേറില്ലാ പ്രായം എന്നായാലും എപ്പോഴാലും അമ്മയ്ക്കൊരുമനമൊരുവയസ്സ്. അച്ഛനൊരാൽമരമായീടും അമ്മയതിൻ നറുതണലാകും അമ്മയുമച്ഛനുമൊത്തുചമയ്ക്കും കുഞ്ഞൊരു കൂട്ടിൽ നീ വളരും വാനം നിറയെ വളർന്നച്ഛൻമര- മാവോളം നിൻ തണലാകും താഴെ മരത്തിൻ ചില്ലയിലമ്മ ച്ചിറകുകളിൽ നീ കളിയാടും. നാളെ വളർന്നൊരു തരുവാകും നീ കൂടുചമയ്ക്കും പുതുതായി അരുമക്കിളിയും അവളുടെയോമൽ നറുനാമ്പുകളും നിൻസ്വന്തം.. എങ്കിലുമോർക്കുക നിൻതണലായി നിന്നുടെ പിമ്പേയൊരുജന്മം നീന്തിനടന്നു തളർന്നുമടങ്ങിയ അമ്മയുമച്ഛനുമൊരു പുണ്യം #ശ്രീ.

നിൻസൗഹൃദം ഭയന്നാണ് ഞാനെന്റെ ഹൃദയം അത്തിമരക്കൊമ്പിലെ പൊത്തിലൊളിപ്പിച്ചത്... ആരുടെയാർത്തി തീർന്നാലാണ് എനിക്കതെന്റെ നെഞ്ചോട് ചേർത്തുവയ്ക്കാനാകുക... നീയീ അത്തിമരച്ചുവട് ഒഴിഞ്ഞകന്ന് നീന്താൻ കാത്തിരിക്കയാണ് ഞാൻ  എനിക്കന്നോരമൊരു  പെരുമഴയായി പെയ്തുതീരണം എന്നിലുണർന്ന നിന്നോടുള്ള  വിശ്വാസമത്രയും തണുത്തുപൊഴിയണം.. ഉയിരിലേറ്റിയ  ജീവന്റെ ധാന്യം  വെന്തരിമണിയായി  തീർന്നാലുടൻ. നിനക്കുമാ മഴനനഞ്ഞിരിക്കാം.., കോൺകടലാസിൽ പകർന്ന് കൊറിച്ചുതുപ്പാം.. സ്മൃതികൾ  മഴയിരമ്പലിൽ മറക്കാം... #ശ്രീ. 

#ഇടവഴിയിലെ_അവസാനത്തെ_വീട്ടുകാർ " ഗോവിന്ദാ.. നീയിതെന്താ കാട്ടണത്....? മഴയും വരണുണ്ട് ഇറങ്ങിവരണുണ്ടോ നീയ്യ്.. " ആൾക്കൂട്ടത്തിനു മുന്നിൽനിന്ന് കാളിപ്പാറയച്ഛൻ ഉറക്കെ നിലവിളിച്ചിട്ടും ഫലമുണ്ടായില്ല എന്നുമാത്രമല്ല നാട്ടാരുടെ "കോവിന്നൻ" ഒന്നു തിരിഞ്ഞുനോക്കുകകൂടി ചെയ്തില്ല..!! തൊട്ടാൽ ചൊറിയുന്ന ചാരുമരത്തിലേറി അതിലാകെ പടർന്നുപന്തലിച്ച വള്ളിയിലെ ചുവന്നുതുടുത്ത കൊറണ്ടിപ്പഴം പൊട്ടിച്ചെടുത്ത് പിന്നെയും പിന്നെയും അയാൾ കള്ളിമുണ്ടിന്റെ മടക്കിക്കുത്തിനുള്ളിലേക്കിട്ടുകൊണ്ടിരുന്നു.. ഇടയ്ക്കിടെ ഇലയോടെ കൈയിൽനിന്നൂർന്ന പഴങ്ങൾ താഴെ കാളിപ്പുഴയിൽ വീണുപോകുന്നു..., താഴെ വീണവ കാളിപ്പുഴയുടെ ചുഴിയിൽ രണ്ടുവട്ടംചുറ്റിക്കറങ്ങി പിന്നെ ചുഴിയുടെ ആഴങ്ങളിലേക്ക് കൂപ്പുകുത്തുന്നത് കോവിന്ദൻ കണ്ടു.. പിന്നെയും പുഴയുടെ മാറിലേക്ക് ചാഞ്ഞ വള്ളികളിൽനിന്ന് കോവിന്ദൻ ആവേശത്തോടെ കൊറണ്ടിപ്പഴമടർത്തി.... "ഇനിയെന്താ വഴി അവനെ നെലത്തെറക്കണം.. പെരേലൊന്നിനെ പൊതച്ചുകിടത്തിയിട്ട് ഇവനെന്നാത്തിന്റെ കേടാ കർത്താവേ...?" കാളിപ്പാറയച്ഛൻ കർത്താവിനോടെന്നപോലെ ആകാശത്തുനോക്കി പുലമ്പി.. "അച്ഛനെ കേട്ട ആകാശത്ത

ഒരു മുതിര്‍ന്ന പെൺകുട്ടി അവളുടെ പിതാവിന്റെ മാറിൽ മുഖമമർത്തി പരസ്യമായൊരിടത്തിരുന്നു വിതുമ്പണമെങ്കിൽ.... അവളെത്ര ഹതഭാഗ്യയായിപ്പോയ നിമിഷമാകുമത്... അവളുടെ ചുടുകണ്ണുനീർ ആ പിതാവിന്റെ മാറിൽ ചൂടു ലാവയൊഴുക്കിയിട്ടും  അയാളിങ്ങനെ നിസ്സഹായനായെങ്കിൽ...  ചിന്തിച്ചുനോക്കൂ...  ഏതു നിയമത്തിനാകും ഇരുഹൃദയങ്ങളിലുയിർകൊണ്ട നിരാശയുടെയുടെ ആഴമടയ്ക്കാൻ..  ഏതു നഷ്ടപരിഹാരത്തിനാകും   അവളുടെ ആത്മാഭിമാനത്തിന്റെ ആണിക്കല്ലുറപ്പിക്കാൻ.... നാണിക്കുന്നുഞാൻ... #യോനീമുഖമതിലുതീർത്തഭിരമിച്ചതിന്.. #മലകയറാനോടിയവളുടെ മുലച്ചന്തത്തിന് ലൈക്കും കമന്റുമിട്ട് നവോത്ഥാനം വരുന്നെന്നുറക്കെ നട്ടപ്പാതിരയ്ക്ക് കൂകിവിളിച്ചതിന്....  നാണിക്കുന്നുഞാൻ... സ്വീകരണമുറിയിലിരുന്ന് വീഡിയോ ഗയിംകാണുന്നപോലെ ചാനലുകളുടെ അന്തി ശർദ്ദി വാർത്തയിലതു കണ്ടിരിക്കാൻ....  #പൊള്ളുന്നുണ്ടെനിക്ക്_എന്റെമകൾ_അടുത്തുവന്നു_അച്ഛനെന്നു_വിളിക്കുമ്പോൾ... മറക്കാനാകുന്നില്ലീ ചിത്രം... 

കണ്ണടച്ചുകിടക്കുമ്പോൾ കാഴ്ചകളുടെ പൂരം... ജനാലപ്പുറം കുഞ്ഞുമൊട്ടിനെ മുത്തിമുത്തിയുണർത്തുന്ന, വെള്ളിച്ചിറകുള്ള കുഞ്ഞുമാലാഖ..!!!  അവൾക്കുചുറ്റും നിറമേഴും മിന്നിച്ചുകൊണ്ട് പാറിപ്പറക്കുന്ന കുഞ്ഞുപ്രാണികൾ..  ഇളംതണുപ്പ് ഉടലിലാകെ നിറയ്ക്കുന്ന മഞ്ഞിന്റെ ഒരാവരണം..   മധുരമായ ഒരനുഭൂതിപകരുന്ന സംഗീതം അലയടിക്കുന്നു...  ആ മാലാഖക്കുഞ്ഞിനെ വാരിയെടുക്കാനുണരുമ്പോൾ ജനാലപ്പുറം കാഴ്ചകൾ മാറുന്നു.. ഇളവെയിലേറ്റുണങ്ങിയ പച്ചിലത്തണ്ടുകളും മഞ്ഞവെയിലും മാത്രം... ശരീരമാകെപ്പടരുന്ന വേദനയും... (വൈറൽഫീവർ തരുന്ന അനുഗ്രഹങ്ങളാണ്.. ഇന്ന് നാലാം ദിനം)

ഗാർഡിയൻ & വാർഡ് രജിസ്റ്റർ "നോക്കൂ... കുട്ടികളെ ഏൽപിക്കാനും തിരികെ വിളിക്കാനുമൊക്കെയുള്ള സമയം അഞ്ചുമണിവരെയാണ് നിങ്ങളൊക്കെ വൈകിയാൽ ഞങ്ങൾക്ക് വീടുകളിലേക്ക് പോകാനാവില്ല.. ഞങ്ങൾക്കും വീട്ടിൽ കുട്ടികളുണ്ട്.. അഞ്ചുമണികഴിഞ്ഞാൽ ഞങ്ങൾ പൂട്ടിയിട്ട് പോകും കേട്ടോ...." ഗാർഡിയൻ & വാർഡ് രജിസ്റ്ററിൽ ഒപ്പുവച്ച് മകളുമായി പുറത്തിറങ്ങാൻ നേരം കോടതിജീവനക്കാരന്റെ പതിവു നിർദ്ദേശത്തിന് ചെറിയൊരു പുഞ്ചിരിയാൽ മറുപടി നൽകിയിറങ്ങി.. ഓരോരുത്തരോടും അയാൾ അത് ആവർത്തിക്കുന്നുണ്ടാകും പാവം., ഒരുദിവസംപോലും മകളെ തിരികെ ഏൽപിക്കേണ്ടസമയം താമസിപ്പിച്ചിട്ടില്ല എല്ലാ രണ്ടാമത്തെ വെള്ളിയാഴ്ചയും വൈകീട്ടു അഞ്ചുമണിക്കാണ് മകളുടെ കസ്റ്റഡി വിട്ടുകിട്ടുക.. ഞായറാഴ്ച 4.30 നും 5 നുമിടയിൽ മടക്കിയേൽപ്പിക്കണം മകളെ പിരിയാൻ മനസ്സനുവദിക്കില്ല എങ്കിലും കോടതിയുത്തരവ് ഇതുവരെയും കൃത്യമായി പാലിച്ചിട്ടുണ്ട് കഴിഞ്ഞനാലുവർഷമായി..... മ്യൂസിയം കോമ്പൗണ്ടിലെ വൃക്ഷച്ചുവട്ടിലിരുന്നു മകൾ ഐസ്ക്രീം നുണയുന്നതു നോക്കിയിരിക്കെ ചിന്തകൾ കാടുകയറി... കുടുംബജീവിതത്തിന്റെ ഇഴകൾ പൊട്ടിത്തുടങ്ങിയതെപ്പോഴാണ് അവൾക്ക് ജോലി കിട്ടിയപ്പോഴോ... അതോ സിറ്റിലൈഫ് നമുക്കാവ

തിരുവോണനാളിന്റെ തിരുമുറ്റത്തൊരുതുമ്പ, ത്തണൽതേടിവന്നൊരു പൂത്തുമ്പീ... മധുവുണ്ടമനമാലെ നല്ലോണശീലിന്റ പതിരുള്ള പദമൊന്നുപാടാമോ... പ്രിയമോടെ കൈരളി മുറ്റത്തുതിർത്ത അരിയപൂക്കളമൊന്ന് കാണാമോ.. #ശ്രീ...

 കാര്‍ഷിക സമൃദ്ധിയുടെ ഒളി മങ്ങാത്ത ഓര്‍മകളുമായെത്തുന്ന ഓണനാളുകളിലെ സവിശേഷ ദിനമാണ് ഉത്രാടം. ഓരോ ഉത്രാടനാളും മലയാളികള്‍ക്ക് സമ്മാനിക്കുന്നത് വ്യത്യസ്തമായ ആഘോഷത്തിന്റെ ഓണമാണ്. കാണം വിറ്റും ഓണം ഉണ്ണണം എന്നാണ് പഴമക്കാര്‍ പറയാറുള്ളത്. അതിനെ അന്വര്‍ത്ഥമാക്കുന്ന തരത്തില്‍ ഉത്രാടനാൾ സാധനസാമഗ്രികളും സസ്ത്രവുമൊക്കെ വാങ്ങാൻ മലയാളികള്‍ ഓട്ടത്തിലായിരിക്കും. ഉത്രാടരാത്രി മധുമഴപോലമ്പിളി വാനിലിന്നൊ- രുത്രാടരാത്രി ചമച്ചിടുമ്പോൾ.. ഹൃദയാങ്കണങ്ങളിൽ ആമോദമുണരുന്ന തിരുവോണപ്പുലരിയടുത്തിടുമ്പോൾ.. ചെറുമലർപൂക്കളെപ്പോലെ കിടാങ്ങളീ മലർവാടിയിലൂഞ്ഞലാടിടുമ്പോൾ മനമൊരുപൊന്നോണരഥമേറിയേറെ അകലെയകലെയായോടിടുന്നു ഞാനും, ചെറുബാല്യകാലത്തിലെത്തിടുന്നു..... #ശ്രീ.

പൂരാടത്തിനൊരു പാട്ട് പൂരാടരാത്രിയിൽ പൂമാലക്കാവിൽ പൂരവിളക്കു തൊഴാൻപോകാം.... പൂക്കൈതപ്പൂചൂടി പുളിയിലക്കസവിന്റെ പുടവതരാംനീ കുളിച്ചുവായോ...    (പൂരാടരാത്രിയിൽ.... പുലരുന്നനേരംവരെ- പ്പൂരമാണെടി, പകുതിയിൽപ്പോരേണ- മെന്റെപെണ്ണേ... പറനിറയഞ്ഞാഴി പതിരളക്കുന്നേരം പതിവുപങ്കേൽക്കുവാൻ പോയിടേണം....        (പൂരാടരാത്രിയിൽ.... പുലികളികണ്ടുനടക്കേണമമ്പല, തിരുനടയിൽ കൈകൾ കൂപ്പേണം തൊഴുതുമടങ്ങുമ്പോളേകിടാമോമനേ മഴവില്ലുതോൽക്കുന്ന പൊൻവളകൾ.....           (പൂരാടരാത്രിയിൽ....

മൂലംനാളുപിറന്നു....!! ദാ നോക്കൂ...., തൊടിയിലെ മാവിൻചോട്ടിൽ ഊഞ്ഞാലൊരുങ്ങി.. ഇനി മാഞ്ചോട്ടിലാണോണം... ഊഞ്ഞാലിൽ അല്പം അലസമായാടി കാറ്റുകൊണ്ടിരിക്കണമെന്ന് കൗമാരക്കാരിക്കും മോഹമുണ്ട്.. പക്ഷെ പിള്ളാരൊഴിയണ്ടേ... ഇന്നുമുതൽ ചെറിയ സദ്യയാണല്ലോ... ഇനി ഉച്ചയൂണിന് ശേഷം കുട്ടികൾ വിശ്രമിക്കുമ്പോഴാണ് അവളുടെ ഊഴം...!! ഊഞ്ഞാലുവന്നു...!!!!  #ഇന്നത്തെ_പാട്ട്_കുട്ടികൾക്കാകട്ടെ... #ഊഞ്ഞാൽപ്പാട്ട്. മൂലംനാളുപിറന്നതറിഞ്ഞോ മൂവാണ്ടൻ മാവേ... മാമൻ നിന്നുടെ കൊമ്പിൽചാർത്തി ഓണപ്പിള്ളേർക്കൂഞ്ഞാല്. പൂവോ പൂപൊലി പാടിയപെണ്ണും പൂഹോ ആർപ്പുവിളിച്ചവരും മാവിൻചോട്ടിലണഞ്ഞതുകണ്ടോ ഊഞ്ഞാലാട്ടം പൊടിപൂരം.. ആയംവെട്ടിയാടും ചെക്കന് ഊഞ്ഞാലിൽ ചെറുതഭ്യാസം ആയംകൂട്ടാതാടും പെൺമണി മൂളിപ്പാടും ശ്രീരാഗം.. പൊത്തിലിരിക്കും തത്തമ്മക്കിളി കണ്ടോ ഞങ്ങടെയൂഞ്ഞാല് ചിത്രപതംഗം പാറണപോലെ ആഹാ കുഞ്ഞലപാവാട... അണ്ണാർക്കണ്ണാ നീകണ്ടില്ലേ മാവിൻചോട്ടിലെയാഘോഷം "ചിൽചില്ലെ"ന്നൊരു പാട്ടുംപാടി കൂടെച്ചേരാണയൂനീ... കൂടെച്ചേരാണയൂനീ... www.sreesreekumar.blogspot.com 4.9.22

തൃക്കേട്ടപ്പെണ്ണ് തൃക്കേട്ട കുളിച്ചവളിന്ന് തൃക്കാക്കര തൊഴുതവളിന്ന് തൃക്കോവിൽ  വലംവച്ചപ്പോൾ ചാട്ടുളിനോട്ടം തന്നവള്.... തൃക്കോവിൽ തുറന്നൊരുദേവി തൃക്കണ്ണിണ  പാർത്തതുപോലെ, പൊന്നോണക്കോടി പുതച്ചേ... പെണ്ണാളവളൊരു ദേവതപോലെ... കണ്ണാലവൾ തന്നൊരുനേദ്യം മെയ്യാകെ കുളിരലതീർക്കേ..., കണ്ണൊന്നുചിമിഴ്ന്നു തുറന്നേ പെണ്ണാളവൾ പോയിമറഞ്ഞേ... ഇന്നാണീ തൃക്കേട്ടയ്ക്ക് പൊന്നോണമെനിക്കെടിപെണ്ണേ എന്നാളും കാത്തിട്ടിന്ന് നിന്നാലൊരു മറുപടിവന്നേ..... #Sree. 3.9.22

നാലുനാൾ പിന്നിട്ടു.. ഇനി അനിഴം.. ഈ നക്ഷത്രദിനത്തിലാണ് ആറന്‍മുളവള്ളംകളിക്ക് തുടക്കം കുറിക്കുന്നത്. വളരെയധികം ചരിത്ര പ്രാധാന്യമുള്ള ഈ ആഘോഷത്തിന് അനിഴം നക്ഷത്രം വളരെയധികം പ്രാധാന്യം നല്‍കുന്നു. ഈ ദിനത്തില്‍ എന്ത് ചെയ്യുന്നതും നിങ്ങള്‍ക്ക് മികച്ച മാറ്റങ്ങള്‍ ജീവിതത്തില്‍ കൊണ്ട് വരും എന്നാണ് സൂചിപ്പിക്കുന്നതും അര്‍ത്ഥമാക്കുന്നതും. അനിഴം ദിനത്തിന് ഓണദിനങ്ങള്‍ക്കിടയില്‍ വളരെയധികം പ്രാധാന്യം അതുകൊണ്ട് തന്നെ നമ്മള്‍ ഇപ്പോഴും നല്‍കുന്നു. ഇന്നത്തെ ഗാനമിതാ... അനിഴപ്പൂവ് അല്ലിമലർക്കൊടീ അനിഴപ്പൂവേ... അല്ലിത്തേനാരെടീ മുത്തിത്തോർത്തീ.. പൂതേടുമുണ്ണിക്കിടാ- വെത്തിടുംമുമ്പ് തേനല്ലിയുണ്ട- മധുപനാരോ...? കാതരനായൊരു കാറ്റുവന്നപ്പോഴോ കാർനിറവണ്ടിന്റെ ഈണംകേട്ടോ...? നാണിച്ചുനമ്രയായ് നീനിന്നനേരത്തോ പൂനുള്ളിയാർത്ത- വരങ്ങുവന്നൂ... ആകയാവാമതു കൊണ്ടത്രേ പൂക്കളം ഈ നിറചാരുത മുറ്റിനിൽപ്പൂ.... #Sree. 2.9.22.

പ്രിയരേ.. ഇന്ന് വിശാഖം_നാളാണ്... നാലാം ദിവസമായ വിശാഖത്തിന് മലയാളികൾ ഓണസദ്യയ്‌ക്ക് വേണ്ടി തയ്യാറെടുക്കാൻ തുടങ്ങുന്ന ദിവസം കൂടിയാണ്. പുതുവർഷത്തിലെ ആദ്യത്തെ വിളകൾ വീടുകളിൽ സംഭരിച്ചുകൊണ്ട് വ്യത്യസ്തമായ വിഭവങ്ങൾ ഉപയോഗിച്ച് ഓണദിനങ്ങൾ വിഭവസമൃദ്ധമാക്കാൻ  കുടുംബങ്ങൾ കാത്തിരിക്കും. ഇന്നത്തേയ്ക്ക് ഒരു ലളിതഗാനമാണ്... #വിശാഖഗാനം വിശാഖമലരുകൾ വിടരുന്നൂ... വിഷാദമകലുന്നൂ.. തുമ്പത്തളിരിലിരിക്കും തുമ്പികൾ ഇമ്പം ചേർന്നുപറക്കുന്നൂ തുമ്പിതുള്ളിപ്പാറുന്നൂ...     (വിശാഖമലരുകൾ....) വിലോലരാഗം ഉണരുന്നൂ ഊഞ്ഞാൽ പാട്ടുകളിൽ... വിലയം ചെയ്യും ഓണസുഗന്ധം വരവറിയിക്കുന്നൂ, മാവലി, വരവറിയിക്കുന്നൂ...    (വിശാഖമലരുകൾ...) വിടരുംവാടികളോരോന്നിലുമായ് വിലസിനടക്കുന്നെൻ ഭാവന, ചിറകുവിരിക്കുന്നൂ... തൃക്കാക്കരയുടെ അപ്പനുനെയ്യട, നേദ്യമൊരുക്കുന്നൂ മനസ്സിൽ നന്മനിറയ്ക്കുന്നൂ....    (വിശാഖമലരുകൾ....) Sree. 01.09.22

പ്രിയരേ... ഇന്ന് ചോതിനാളാണ്.... ചോതിനാളിൽ കൊയ്ത്തുകഴിഞ്ഞ പാടത്തിന്റെ വരമ്പത്തുകൂടി ഓണക്കോടി ഉടുത്ത് ക്ഷേത്രത്തിലേക്ക് പോകുന്ന മങ്കമാരും കുട്ടികളുമെല്ലാം പഴമക്കാരുടെ മനസ്സിലെ മായ്ക്കാന്‍ കഴിയാത്ത ചിത്രങ്ങളാണ്. പൂവിളിയും പൂവടയും ഓണപ്പുടവയും ഓണപ്പൂക്കളവും തൂശനിലയിലെ സദ്യയുമെല്ലാം മനസില്‍ സൂക്ഷിക്കാന്‍ കഴിയുമ്പോഴേ നാം മലയാളികളാകൂ... പഴമക്കാർ ഇന്നുമുതലാണ് ഓണക്കോടിയും ഓണസാധനങ്ങളും വാങ്ങാനിറങ്ങുന്നത്... പലഹാരനിർമ്മാണവും ഇന്നുമുതലാണ്. അതിനാലാണ് "ചോതിമുതൽ ധനംവേണമെന്ന് പറയുന്നത്".  ഇന്നത്തെ കവിത 👇 ചോതിപ്പൂക്കൾ  മഞ്ഞണിപ്പൂക്കൾ കുഞ്ഞു തൊങ്ങലും ചാർത്തി നിൽപ്പൂ ചിങ്ങമിങ്ങെത്തി പൂക്കൾ  കിള്ളുന്ന കരം തേടി.. ചോതിക്കളം തീർത്തീടുവാൻ  മതിയാവതില്ലായെങ്കിൽ വിടരുവാനിനിയുമെന്നൊ രുപാട് കുസുമങ്ങൾ.. വരിചേർന്നു നിൽപ്പിതാ സ്വയമർച്ചനയ്ക്കായി പ്രിയമഹാബലിതന്റെ വരവിനു കാതോർത്തു. അത്തംനാൾ മുതലെന്നും  കൃത്യമായ് പൂത്തീടുന്നൂ ചിത്തമോദം തീർക്കുന്ന പൂക്കളത്തിനു ചേരാൻ ..      പൂവിളിയും ചിങ്ങപ്പൂവെയിലും കരിപ്പൂവണ്ടും സുമങ്ങളും മധു, നുകരും ശലഭവും.. കണിയായ് തിരുമുറ്റ മുണർന്നു ചമയവേ, ഹൃദയം നിറയുന്നു  ഓർമ്മതൻ പൊന്നോണങ്

പ്രിയരെ_ഇന്ന്_ചിത്തിരയാണ്  ചാണകം മെഴുകിയ പൂമുറ്റത്ത് രണ്ടുവരി തുമ്പപ്പൂകൊണ്ട് ഒരത്തക്കളം...!! ഓർമ്മകളിൽ ഓട്ടവീഴുന്നുണ്ടെങ്കിലും അതിലൂടെ അരിച്ചെത്തുന്നുണ്ടിന്നുമാകാലം.. മഴതെളിഞ്ഞ ആകാശവും തുമ്പപ്പൂ നിറഞ്ഞ പറമ്പുകളും...  നഷ്ടബാല്യത്തിന്റെ ശിഷ്ടച്ചിന്തുകളിൽ ഏറ്റവും പ്രധാനമാണ് ഓണം... അവസാനം വരെ ഓർമ്മിക്കാൻ കാലം മലയാളമുറ്റത്തു നട്ട നന്മമരമാണത്...   (നഷ്ടപ്രതാപത്തിന്റെ കഥപറയുന്നൊരു പൂക്കളക്കവിതയാണിത്) എന്റെ_പൂക്കളം  °°°°°°°°°°°°°°°°°°°°° അരളി, പിച്ചിയ ചേമന്തിയാറിനം മുല്ലവാടാത്തതായിട്ട് രണ്ടിനം പിന്നെയഞ്ചാറ് പേരില്ലാപ്പൂവുകൾ എന്തു ഭംഗിയെൻ പൂക്കളം നോക്കണേ.. തൊട്ടുനോക്കിയാലപ്പോഴെ വാടുന്ന കൊച്ചുപൂവിനെ തൊട്ടതേയില്ല ഞാന്‍..  കൃഷ്ണഗന്ധികൾ പൂക്കാലമോർക്കാതെ കൃഷ്ണ കൃഷ്ണാ ജപിച്ചു മയക്കമായ്..  ചെമ്പരത്തികളെത്ര നിറങ്ങളിൽ ചന്തമോടൊരു പൂവുംകനിഞ്ഞില്ല‍, കൈത പൂത്ത വരമ്പിന്റെയോരത്തെ- കാക്കണം പൂവടർത്താൻ മറന്നുപോയ് തോട്ടുവക്കിലെ ആമ്പലടർത്തി- യില്ലാമനോഹരി തുമ്പയെ കണ്ടീല.. (തുമ്പി പാറുന്ന വാനവും കണ്ടീല) രാജമല്ലികൾ പൂക്കാത്ത മുറ്റത്ത്, മഞ്ഞ മന്ദാരമില്ലാത്തൊടികളിൽ പൂവിളിയോടെ പാറിനടക്കുവാൻ പൂവടർത്തിയാ കൂട നിറയ്കുവാ

#ഇന്ന്_അത്തംനാൾ മൂന്നു കുഞ്ഞിക്കവിതകൾ .1. ഒരു നുളളു പരിഭവമുണ്ടീ മഴയോടെനിക്ക്.. ഒരു മാത്ര മുൻപേ വിരിയുവാനാകാത്തതിൽ.. അരുതാത്ത കാലത്തവൻ പൊഴിയാതിരുന്നെങ്കിൽ ഒരു കളം നിറയ്കാനവർ എന്നെയും കൂട്ടിയേനെ.... .2. ഒരുകളം തീർക്കുവാൻ  മതിയാവതില്ലെങ്കിൽ വിടരുവാനിനിയുമിന്നൊ രുപാട് കുസുമങ്ങൾ വരിചേർന്നു നിൽപ്പിതാ സ്വയമർച്ചനയ്ക്കായി പ്രിയമഹാബലിതന്റെ വരവിനു കാതോർത്തു..     *3* പൂതേടുമുണ്ണിക്കിടാവെന്റെ പിമ്പേ അമോദമേറിപ്പറക്കാൻ കൊതിക്കേ ദൂരേയ്ക്കു ദൂരേയ്ക്കു കൂട്ടീട്ടവനെ.. പൂ കാട്ടിനൽകുന്നതാണെൻ വികൃതി.     #ശ്രീ.

വിടരുവാൻ വെമ്പുകയായിരുന്നിതുവരെ പൊഴിയുവാനതിദൂരമില്ലെന്നറിയാതെ... നറുകണം ചൂടിയീയവനിയിൽ മധുവുമായ് അണയുന്ന ചേതസ്സീ നയനാമൃതം... ദിനകരൻ വിടപറഞ്ഞീടുവാനധിനേര- മിനിയുമുണ്ടാകിലും ഹാ സൂനമേ, ഹൃദയശൂന്യം നിന്റെ തണ്ടുലച്ചൂഴിയിൽ- പൊഴിയിക്കുമനിലനോടൊന്തപരാധി നീ..? .... sreesreekumarblogspot.com

ഒരു നദി ഉത്ഭവിക്കുന്നതു കണ്ടിട്ടില്ലേ... ഒരു മലഞ്ചെരുവിലെങ്ങാണ്ട് നിന്ന് തുള്ളികളായാരംഭിച്ച്... പതിയെപ്പതിയെ ഒഴുകി.. പരിസരങ്ങളിൽനിന്നും ജലാംശങ്ങളെ ആവാഹിച്ചുൾക്കൊണ്ട് പതിയെ ഗതിവേഗംപൂണ്ടങ്ങനെ ഒരരുവിയായി... പിന്നെ മറ്റരുവികളെച്ചേർത്തണച്ചൊരു പുഴയായി ഒടുവിൽ വളർച്ചയുടെ ഉത്തുംഗത്തിലെത്തി മഹാസമുദ്രമെന്ന നിത്യത പ്രാപിക്കുന്നു... അതുപോലെയാണ് മനുഷ്യനും. ജനനംമുതൽ ഒടുക്കം വരെ മനുഷ്യജീവിതം ഒരു നദിയുടെ ജീവക്രമവുമായി ഉപമിക്കാം. കുഞ്ഞുങ്ങൾ ജലത്തുള്ളികളാണ് അവയുടെ ഒത്തുചേരലും വികാസവും നദിയുടേതെന്നപോലെ പ്രകൃതിനിയമാനുസരണമാണ്. എന്നാൽ ഒരു നദിയുടെ ഗതിയെ തടയണകളാൽ നിയന്ത്രിക്കയോ പരിവർത്തനത്തിന് ശ്രമിക്കയോ ചെയ്യുമ്പോൾ അവ സ്വാഭാവിക സ്വാതന്ത്ര്യ വികാസത്തിലെത്തിലെത്തിച്ചേരുന്നില്ല. മാത്രമല്ല അവ ഒഴുക്ക് നിലച്ചൊരു മലിനജലാശയമായി പരിവര്‍ത്തനം ചെയ്യപ്പെടുന്നു. അതുപോലെയാണ് നാം കുഞ്ഞുങ്ങളിലേൽപിക്കുന്ന നിയന്ത്രണങ്ങളും. അതുപാടില്ല, ഇതുപാടില്ല, അങ്ങനെ സംസാരിക്കരുത്, അവരോട് കൂടരുത്, ഇങ്ങനെ ഇങ്ങനെ നാം നമ്മുടെ കുട്ടികളോട് പ്രതിദിനം പത്തിരുപത് പ്രാവശ്യമെങ്കിലും നിയന്ത്രണത്തിന്റെ വാക്ശരങ്ങൾ തൊടുക്കുന്നു. കാരണം നമ്മൾ അറിഞ്ഞോ അറിയ

. മഴ,... ഒരുപാട് കുഞ്ഞൊച്ചകളുടെ ആകെത്തുകയാണത്...! ഇളം തളിരുകളിൽ, വേലിപ്പടർപ്പിൽ, വൈക്കോൽ തുറുവിൽ, വെളിയിറമ്പിൽ, വടക്കേത്തൊടിയിൽ, വാഴക്കൂട്ടത്തിൽ, കരിങ്കൂവളമലരിൽ, കാട്ടുവേപ്പിൽ... മറകെട്ടിയൊതുങ്ങാത്ത സകലതിലും തിമിർത്താടിമറിഞ്ഞ് മൃദുസ്വരങ്ങൾ തീർക്കുന്നു. ചെറുജലകണങ്ങൾ തീർക്കുന്ന കുഞ്ഞുശബ്ദങ്ങൾ  ഒന്നിച്ചൊരു ഹുങ്കാരമാകുന്നു സമരകാഹളംപോലെ...! പെരുമഴയെന്ന് പേരേറ്റെടുത്ത് പലസ്വരങ്ങളെയാവാഹിച്ച് മഴയൊരു വൻശബ്ദമാകുന്നു തളർച്ചയുടെ സുഷുപ്തിക്കുമുമ്പ് ചേർത്തെടുത്ത സ്വരങ്ങളെ സ്വതന്ത്രമാക്കിയടങ്ങുന്നു... ഒടുവിൽ... മരംപെയ്യുന്ന സ്വനം ബാക്കി..            #ശ്രീ

കാമനല്ലാത്തൊരു ദേവനുണ്ടെങ്കിലെൻ പ്രേമരൂപൻ ഭവാനയ്യനല്ലോ കുന്നിൻ മുകളിൽ വസിക്കുന്നൊരെൻപ്രിയൻ കുഞ്ഞുമനസ്സിനും തോഴനല്ലോ... കാനനംപുല്കുവോൻ മാനസശുദ്ധിതൻ കാരണവൻ ഭവാനെന്റെ ദേവൻ കാമിനിയായ് വന്ന ദേവിയെ ചാരത്ത് സോദരിയായ് ചേർത്ത ദേവദേവൻ വൻപുലിക്കൂട്ടങ്ങൾ താവളമാക്കുമെൻ നെഞ്ചകം വേട്ടയ്ക്കൊരുക്കേണമേ.. വൻപുലിപ്പാൽ ചുരത്തീടുന്നപോലെന്നിൽ തത്വമസീപ്പൊരുളേകേണമേ എന്റെ, ചിന്തയെ സാന്ത്വനം ചെയ്യേണമേ..  #ശ്രീ

ഒരുകവിൾ ലഹരിയിൽ നുരയുന്ന പതകളിൽ കരുതണം നീ നിന്റെ പെറ്റമ്മയെ, മുലകളിലൂറിയ നറുപാൽ നുകർന്നനീ ചെറുവായിലമ്മേ വിളിച്ചതല്ലേ, ഒരുപുകച്ചുരുളിലെ ലഹരി നീ നുണയുമ്പോൾ കരുതണം നീ നിന്റെ പെറ്റമ്മയെ, നിൻ മുഖം കാണലാണമ്മതൻ ലഹരിയതറിയണം നീ നിത്യമോർക്കവേണം. ഒരുവിരൽ തുമ്പിൽ നീ തൂങ്ങിനടന്നതും ഒരുപാടുനോവുകളിൽ കൂട്ടായിരുന്നതും ഒരുകനവു കാണാൻ നിന്നെ ക്ഷണിച്ചതും ഒരുപേരിൽ നീ നിന്നെയറിയുന്നതും അറിയുക അമ്മതൻ ദാനമാണൊക്കെയും ഒരുജന്മമൊക്കുമോ പകരമാകാൻ. ലഹരിയിലഭിരമിക്കുന്നനീ അറിയുക, അമ്മയെ വെല്ലുന്ന ലഹരിയുണ്ടോ?. ഒരുവേള പിന്തിരിഞ്ഞൊന്നുനോക്കൂ- പിഞ്ഞിമുറുകിദ്രവിച്ചമ്മ മനമോർക്ക നീ, പെറ്റമ്മതൻ ഹൃത്തുവെട്ടിനശിപ്പിച്ച്- ഇട്ടവിത്തൊന്നും മുളയ്ക്കുകില്ല. പോകുക മകനേ നിനക്കിതുപോരെങ്കിൽ പോകുമ്പോളൊരുകൈ സഹായമേകൂ... നിന്നെ ജനിപ്പിച്ച ദുഖഭാരം തീണ്ടും അമ്മ മനസ്സിനായ്  ഒന്നുചെയ്യൂ.. ചെല്ലുക നല്ലിരുമ്പാലൊരു ചങ്ങല ചെന്നുപറഞ്ഞു പണിഞ്ഞുകൊൾക. ഉന്മാദിയാകുമാ അമ്മക്കണങ്കാലിൽ ചെമ്മേയണിയു നിൻ പാദസരം അമ്മയ്ക്കു ഭ്രാന്തിന്റെ ചങ്ങല നൽകീ നീ വെന്നിപ്പറക്കുക ലഹരിതേടീ.. #sree

കരിമേഘമില്ലാതെ പൊഴിയേണമൊരുമഴ, കുടചൂടിമുറ്റത്തു നിന്നു നനയണം..! കുളിരട്ടെ മനമതിലേറിയ താപത്താലുരുകിക്കരിഞ്ഞൊരു കരളും കിനാക്കളും. കുളിരേറ്റു തളിരുടൽ പിന്നെയും നനയണം മഴയാർത്തു പെയ്യുമ്പോൾ പൂമേനി പുണരണം.. അവളെത്ര ധന്യയായ് മഴയുമിന്നുന്മത്ത മദിരാക്ഷിസേവിച്ച പോലാഞ്ഞുതുള്ളണം മദനോത്സവമവൾ- ക്കതികാലം കാത്തതിൻ ശുഭപര്യവസാനമാകണം  സുദിനവും.      - by sree

"ശാന്തിചെയ്തു പുലർത്തുവാനായിട്ടു സന്ധ്യയോളം വിയർക്കുന്നിതു ചിലർ"" കേട്ടിട്ടുണ്ടോ ശേഖരൻകുട്ടീദ്...?, ജ്ഞാനപ്പാനയിലേതാ.. ഭഗവാന് ശാന്തിചെയ്തു പുലരുന്നവരുടെ അവസ്ഥ ഇന്ന് എങ്ങനാണെന്ന് പറഞ്ഞിട്ടുവേണോ ശേഖരന്.. ?..  നിവൃത്തിയില്ല.., കുലത്തൊഴിലുവിട്ടു മറ്റൊന്നിനും.  ഭഗവതി കോപിക്കുമോന്ന് ഭയന്നല്ലാ ശേഖരാ..  മറ്റൊരു തൊഴിലും നിക്കറീല കുട്ട്യോളെ പുലർത്താൻ..... നാരായണൻ നമ്പൂതിരിയത് പറയുമ്പോൾ കണ്ഠമിടറുന്നുണ്ട്..  തിരുമേനി ഇന്ന് നേരത്തെ നടയടച്ചു വന്നിരിക്കയാണ്.. എന്നും തൃസന്ധ്യ കഴിഞ്ഞാലും ശേഖരൻകുട്ടി മുറുക്കാൻ പീടിക പൂട്ടാറില്ല. പെട്രോമാക്സ് കെടുത്തി, ചെറിയൊരു റാന്തൽ കൊളുത്തി പീടികയുടെ നിരപ്പലകകളിൽ രണ്ടെണ്ണംമാത്രം ഇടാൻ അവശേഷിപ്പിച്ച് എല്ലാമൊതുക്കിയിരിക്കും. പുഴക്കരയിലെ ചെറിയ ക്ഷേത്രത്തിലെ ശാന്തിപ്പണികഴിഞ്ഞ് നാരായണൻ നമ്പൂതിരിയെക്കാത്ത്.. !, നമ്പൂതിരിക്കൊരു മുറുക്കാനും കൂട്ടിവച്ചുകൊണ്ട്. ചെറിയൊരു കൊതുമ്പുകീറിൽ തുണിചുറ്റിയത് കത്തിച്ചുപിടിച്ച്, ഇടതുകൈയിൽ ചെറിയ ഓട്ടുരുളിയുമായി പുഴയോരം നടന്ന് നമ്പൂതിരിയെത്തിയാൽ ഒരു മുറുക്കാൻ വായിലാക്കും ശേഷം ശേഖരൻ കടപൂട്ടി രണ്ടുപേരുമായി ശേഖരന്റെ മൂന്ന്ബാറ്ററി

ഉത്തുംഗപദസഞ്ചയം കൃത്യം ചേർത്തൊഴുകുംനദി, നിലാവിലെന്നപോൽ വൃത്തം രസം ഭംഗിനിറയുംകൃതി, കൃത്യം നൽവായനയ്ക്കുതകുംസുഖം. മുക്തം വാക്യരചനാവൈകൃതങ്ങൾ മുറ്റുംവാത്സല്യഭാവേന ചൊന്നുവെന്നാൽ ചിത്തം പതഞ്ഞവനെന്നു ചൊല്ലി ഉത്തമാംഗർ ചിലർ, വിലസുന്നു മുഖപുസ്തകത്തിൽ. സത്യം പലതു ചൊല്ലുവാനിത്ഥം ഭയമുണ്ടീ പുസ്തകത്തിൽ ചിത്രവധം ചെയ്തുകൂട്ടുന്നു ഭാഷയെയെന്നാലും കഷ്ടം കണ്ടുനില്പാണ് ഗതിയില്ല വേറേ! #ശ്രീ.. 3.6.22

സ്നേഹം ഇരുപാടും ശിഖരങ്ങൾപടർന്നൊരു വൻനുണയാണ്.. ഞാനുള്ളിൽ കരുതിയ കലങ്ങാത്ത പുഴകളോ, തുള്ളിയടർന്നുവീണൊരു പഞ്ചാരമണൽ ഘടികാരമോ അതിലില്ലാതെപോയി... പകുതിയിലസ്തമിച്ച പൗർണ്ണമിവെട്ടംപോലെ, പാതിയിലുപേക്ഷിച്ചുപോയൊരു നിഴലുപോലെ വ്യഥയറിയുന്ന സൂചികകളില്ലാത്തൊരു കളിപ്പാവയാണതിലെ  കാമിനി. ആകാശമെന്നും ഒരു സത്യമായെങ്കിലെന്ന വൃഥാമോഹം പേറുമ്പോൾ  കറുത്തവാവുകളെങ്ങനെയോ  നുണകളല്ലാതായിപ്പോകുന്നു...  കറുത്തഭൂപടംനോക്കി, വഴിവെട്ടുന്നവന്റെ  കുരുട്ടുകണ്ണുകളിലാണ് ഭ്രമമില്ലാത്ത ഭദ്രമായ പ്രണയം

സായംസന്ധ്യതൻ ശരപ്പൊളിമാലതൻ   ചായം, ശശിലേഖ കവർന്നെടുത്തു... ചാമരംവീശിയ കാറ്റുമറിഞ്ഞില്ല ചാരുത നക്ഷത്ര  ജാലവും കണ്ടില്ല രാവിൻമിഴി നാണം  ചിമ്മി നിന്നൂ...     (സായം സന്ധ്യതൻ) ദീപം സാക്ഷിയായ് കൈകൂപ്പിനിന്നൊരു പൂവിൻ തേന്മനം ആരെടുത്തൂ..... പൂമുടലായിരുന്നപ്പോൾ ഭവാനുമാ  പൂമിഴി മെല്ലെയടച്ചിരുന്നു... പായസനേദ്യം നുണഞ്ഞിരുന്നു....          (സായം സന്ധ്യതൻ...) കാലം സാക്ഷിയായ് നിൻകണ്ണിണകൾതൻ ജാലം കണ്ടുണർന്നീടുവാനായ് പാതിരാവായിട്ടും നീർമിഴിപൂട്ടാതെ പാരിജാതം പകൽ പാർത്തിരുന്നൂ.... പൂവിന്നിദൾ ദാഹ- മാർത്തുനിന്നൂ....   (സായം സന്ധ്യതൻ...) ശ്രീ

      നിശ്വാസങ്ങളുടെ  താപമേറ്റുരുകിയിറങ്ങിയ ജലബാഷ്പങ്ങൾ സ്ഫടികവാതിലിനപ്പുറം എന്റെ കാഴ്ചമറയ്ക്കുന്നു.. അപ്പോഴും  നിന്റെ ഉള്ളിലുരുകിയ കരിമഷികൊണ്ടാണ് കർക്കിടകമേഘങ്ങൾ കരിയെഴുതിയതെന്ന് ഞാനറിഞ്ഞിരുന്നില്ല. നഗ്നസത്യങ്ങളിലേക്ക്  കൺതുറക്കാൻ നീയെന്നെ അനുവദിച്ചിരുന്നില്ല. നഗ്നത നീ പാപമാക്കി വിലക്കിയിരുന്നല്ലോ..! ഓക്സിജൻ സിലിണ്ടറുകൾ  ഊഴംകാത്തിരിക്കുന്നപോലെ നീയും ഏവരോടുമൊപ്പമൊരു നിത്യസന്ദർശകമാത്രമാണിന്ന്. ഓരോ സന്ദർശനാനന്തരവും ഏതുസന്ദേശമയയ്ക്കാനാവും നിന്റെ വിരലുകൾ അക്ഷരങ്ങൾ തിരയുന്നത്.. ഉൾക്കാഴ്ചകളിലറിയുന്നു ഞാൻ നിന്റെ ശുഭാപ്തി സന്ദേശങ്ങൾ...,  എന്റെ അകങ്ങളൊഴിഞ്ഞിരിന്നിട്ടും ഇടംതേടി പറന്നുപോയവയാണവ ഇടംതേടി കുടിയിരിക്കാനാകട്ടെയിനിയതിന്... ഇടങ്ങളിഷ്ടമാകുന്നിടങ്ങളിൽ.         ...ശ്രീ...

അംഗുലീലാളന- മേറ്റുതളർന്നൊരു, ചെന്താർമുഖി രാധ ചെമ്മേ മയങ്ങവേ, കണ്ണനവൻ രാവിൽ കട്ടെടുത്താമലർ ചെഞ്ചുണ്ടിലന്നു വിരിഞ്ഞസൂനങ്ങളെ. പൊൻതാരകംമാഞ്ഞു രാവുവെളുത്തനാൾ രാജീവനെങ്ങുമറഞ്ഞു- വെന്നാർത്തവൾ ആകുലചിത്തമോ ടാധിപൂണ്ടീടിനാൽ മാനസേയേറെ വിഷാദിച്ചിരുന്നവൾ. നീലക്കടമ്പേറിയാ നീലവർണ്ണനൊരാനന്ദ സൂക്തം മുരളിയിലൂതവേ ആകുലചിന്തവെടിഞ്ഞവൾ കാമിനി, കാതരയായവൻചാരത്തു ചേർന്നുപോയ്... .... ശ്രീ.

  പനിമതിക്കുളിരൊഴുകുന്ന രാത്രിതൻ മടിയിലേറെക്കിനാക്കണ്ടു സുഗദമായ് ഒരുമയക്കത്തിനാലസ്യലഹരിയിൽ മധുസ്മിതംപേറി ഞാൻ കിടന്നീടവേ പെരുകുമീ മഴയ്ക്കഴകുതിരും സ്വരം ഒരുതലോടലായ് വന്നൂ നിറയവേ പ്രിയദെ, ഞാൻ മനനംചെയ്തചിത്തത്തി- ലരുമയാം നിന്റെ അതിമോഹനംമുഖം.. ഹൃദയമേറെ തുടിക്കുമീയോർമ്മതൻ പ്രിയദഭാവങ്ങളിൽ ഞാൻ മുഴുകവേ, പൂത്തിലഞ്ഞികൾ കാറ്റിൽ പരത്തുന്ന രാഗഗന്ധമൊന്നെന്നെ പുണരുന്നൂ... രാവുസംഗമ വേദിതീർത്തീടുന്നൂ.. ഓട്ടുരുളിയിൽ വീഴും ജലകണം തീർത്തെടുക്കും ഝണനാദമന്ത്രണം ഓർത്തുപോയിഞാനനഘേ പദസ്വനം, നേർത്തടക്കീനീയെത്തുന്നപോലെയും.... ലാസ്യനടനത്തിനുണരുന്നപോലെയും... ഒരുമഴക്കുളിർ നെറുകയിൽ പതിയവേ, തരളാമാ കരം ചേർത്തണച്ചൂ നീയീ - നെറുകയിൽ ചുണ്ടണച്ചുപുണർന്നപോ- ലമലേഞാൻ കണ്ണടച്ചുപോയപ്പൊഴോ.... കനവുകൾ കൂട്ടുവന്നൂനിറയുന്നൂ.. തനുവുറങ്ങിലുമറിയുനീ മനസ്സിനീ, ഹൃദയതന്ത്രികളെന്തിനായുച്ചത്തിൽ അരുമയാം നിന്റെ പദമുച്ചരിക്കുന്നൂ അതിവിശുദ്ധമായ് നിന്നെത്തിരയുന്നൂ..... അതിലുമേറെ നിൻസാമീപ്യമറിയുന്നൂ... ശ്രീ. 4/9/19

പകലിന്റെ ചിതയണഞ്ഞന്ധകാരം, പടരുന്ന സന്ധ്യയും വിടപറഞ്ഞു.. നിറയുമിരുളിടം നൽകാതെ മണ്ണിലെ പകലുകളാകെയടച്ചിരുട്ടാൽ.. ഒരുതരിവെട്ടവും പുലരാതിരിക്കുവാൻ കരിമുകിൽ മാനം മറച്ചിരുന്നു. പകലുവരാനിനിയൊരുപാടു നാഴിക.! അതുമാത്രമോർമ്മക്കു കൂട്ടായ് ഭയം ഇടയിലൊരുകൂമക്കുറുകലുപോലുമീ- ഇരുളിന്റെ വീഥിയിലില്ലനാളിൽ പകലിന്റെ സ്ഥലികളിൽ മുരളുന്ന ശബ്ദത്തിൻ നിറയൗവ്വനം രാവിലൊളിയിരുന്നു..  പകലുകൾ വഴിതെറ്റി- യലയുകയായിരുന്നുരിളിൽ കിതപ്പാറ്റിയോർത്തിരിക്കെ ഒരുകാര്യമോർമ്മയിൽ കിനിയുന്നു തേടിയ, വഴിയേതുമത്രയുമൊറ്റവഴി അതുനിന്നിലേക്കുള്ള വഴിയായിരുന്നുപോൽ അതുമാത്രമിതുവരെ കണ്ടതില്ല.. 

Nostalgia, ...   It's often   A delicate one   Crystal,   Bursting   It's like a pain ..   We are tolerant   Than other pains   It's different   In the inner core   Hitting ...   And always   Than other pains   And clear   It is hygienic ..   Of each   Homelessness   And sacred   One that does not touch the other foot   Like a virgin forest ..   That is why   Everyone   It is most sacred   Influenced.

'കർക്കിടക'രാവുകളിൽ മരക്കൂട്ടം മുടിയഴിച്ചുലയണം. 'ചിങ്ങ'നിലാവിൽ  കദളിവാഴത്തടങ്ങളിൽ നിഴലുകൾ നിലാവിനൊത്തു കളംവരച്ചാടണം. കറുകവിളയുന്ന വരമ്പുകളിൽ 'കന്നി'കൊയ്ത്താടണം. 'തുലാ'മഴയിൽ കരകവിഞ്ഞൊഴുകണം നീ. 'വൃശ്ചിക'ക്കുളിരിൽ തിരുനെറ്റിഭസ്മം ചൂടണം. ഉടലാകെയൊരു ചൂട്, 'ധനു'ത്തിരുവാതിരയാടി വിയർപ്പാറ്റുന്ന തണുത്തരാവിൽ. മാമ്പൂമണമുയരണം 'മകര'മഞ്ഞിനൊപ്പമരികിൽ. തീചെമ്പകം കുറിക്കണംകാവിൽ  'കുംഭ'മാസക്കുരുതികൾ. നിറതെയ്യങ്ങളാടണം 'മീന'സന്ധ്യാതടങ്ങളിൽ.. 'മേട'രാശിക്കുതിർക്കണം രാക്കുയിൽപ്പാട്ടിടയ്ക്കിടെ. ഇടയിലിടവേളയില്ലാതെ പെയ്യണം 'ഇടവ'മാസപ്പെരുമഴ.. ഇവിടെയെത്തുകെൻ പൂമുഖം അതിവിശാലമാണോമനേ വരികചേർന്നൊന്നിരിക്കുക 'മിഥുന'മാണിനി മാസവും.          #sree. (Picture courtesy-Social media)