ENTE BHRANTHUKAL (എന്റെ ഭ്രാന്തുകൾ)

അമ്മഭാഷ •••••••••••• ആദ്യക്ഷരം മുതൽ  പാലിക്കപൈതൃകം, കാക്കനീ മലയാളമാതാവിനമൃതമായ്... ആ, അമ്മയെന്ന് പഠിക്കുന്നഭാഷയീ- മാമലയാളത്തിൽ മാത്രമെന്നോർക്കനീ.. മാതാപിതാക്കളുമാചാര്യനും പിന്നെ ഈലോകപാലകനും നിന്നെമേൽക്കുമേൽ അന്പോടനുഗ്രഹമേകിനിൽക്കെ നല്ല ചന്തം തുളുമ്പുമീ ഭാഷ ഭുജിക്കനീ.. തുഞ്ചന്റെ കൊഞ്ചുംകിളിമൊഴിപോലെയാ- കുഞ്ചന്റെ വാഗ്മയവൈഭവംപോലെയും തഞ്ചത്തിൽ കൊഞ്ചുന്ന നിൻനാവിനെ ദിനം ചന്തം വരുത്തേണമീയമ്മഭാഷയാൽ ആദിസ്വരങ്ങളും വ്യഞ്ജനം, മുദ്രയു- മാവോളമിന്ന് ഹൃദിസ്ഥിതമാക്കുകിൽ ആകാം നിനക്കുമലയാളമങ്കതൻ മാനമുയർത്തുമഭിമാന നക്ഷത്രം. അമ്മയുമമ്മതൻ ഭാഷയുമൊന്നുപോൽ പുണ്യമാണെന്നതറിഞ്ഞു പഠിക്കനീ നന്മ നിറഞ്ഞ നിൻ ഭാഷ മറക്കാതെ തന്മയമായ്ത്തന്നെ ഭാഷിക്ക നിത്യവും.         Sreekumarsree 30/06/2016

പ്രാപ്യമായവയെമാത്രം സ്വന്തമാക്കലാണ് വിവേകിയുടെ വൃത്തി...  അതിനാലാവണം അപ്രാപ്യമായ മഹത്ത്വങ്ങൾ അവൻ അത്യുന്നതങ്ങളിലൊളിപ്പിച്ചത്.                              ശ്രീ.

നിശപാകിയ നിഴലിൽ തണലേറ്റൊരൂ ചെറു- പൂവിതളിൽ കൊതിതീരെ ചുടുചുംബനമേകീ.. കുളിരിൻ ഹിമമണികൾ.          Sree.

നിദ്രവന്നെൻ വിളക്കൂതിയണച്ചിതാ നിശയൊരു കട്ടിയിരുട്ടായിമാറുന്നു. പകലുപെറ്റുവളർത്താത്ത മോഹങ്ങ- ളിരവിലിന്നെന്റെ സ്വപ്നസഖികളായ്. -- സൗഹൃദമേ.. ശുഭനിദ്ര -- ശ്രീ.

സമയരേഖകൾ ============= ഞാനോ നീയോ..? ആരായിരുന്നാദ്യമെന്നോർമ്മയില്ല.. നിന്റെ സമയരേഖയിലേക്ക് ഞാനോ എന്റെ സമയരേഖയിലേക്കാ നീയോ ഏതാണാദ്യമെന്നുമറിയില്ല... എപ്പോഴോ  ഈ വായുദൂതുകൾ നിന്നെ എന്നിലേക്ക്, അല്ലെങ്കിൽ എന്നെ നിന്നിലേക്കെത്തിക്കയായിരുന്നു. ഇഷ്ടപ്പുളളിയടയാളങ്ങളിൽ നിന്ന് അഭിപ്രായങ്ങളിലേക്ക്... എന്റെ കുത്തിക്കുറിപ്പുകളിലെല്ലാം നിന്റെയിഷ്ടം നീ വരഞ്ഞിട്ടു.. എന്റെ സ്വരാക്ഷരങ്ങളെ സ്നേഹിച്ചനീ എന്റെ പ്രണയാക്ഷരങ്ങളുടെ സഖിയായി വായുദൂതുകളിലൂടെ നാമിണചേർന്നത്, ചാപിളളകളുടെ പിറവിക്കായിരുന്നോ.!? ഇനി,  കൂട്ടക്ഷരദൂതുകളാണാവശ്യം ഈ ചാപിളളകളെ ചുട്ടുതീരുംവരെ നിന്റെ സമയരേഖയിലെനിക്കിടം തരണം.                  Sreekumarsree 01/07/2016.

ബധിരകർണ്ണങ്ങളാണെനിക്കെന്റെ പിതാവേ.. നിന്റെ സ്പർശസാന്ത്വനമാണെന്റെ പ്രതീക്ഷ. പളുങ്കുപാത്രമാണെന്റെ  സമർപ്പിത ഹൃദയം പകർന്നുനൽകുവതിനുള്ള വീഞ്ഞതിൽ നിറയ്ക്കുക.. സ്വയം സ്നാനംചെയ്തു ശുദ്ധമാണെന്റെ ശരീരം പങ്കുവയ്ക്കുവതിനുളള അപ്പമതിൽ ചേർക്കുക.                                                     ശ്രീ...

ഋതുമതി യൗവ്വനയുക്തയാം പൗർണ്ണമി നറുനിലാപാലൊളി തൂകിച്ചിരിക്കവെ, തരളിതമോഹങ്ങളുണരാത്തകാമിത- ഹൃദയങ്ങളുണ്ടാകുമോയീയവനിയിൽ.                                ശ്രീ.

നീവരുമെന്നറിഞ്ഞിരുന്നെങ്കിലാ ചെമ്പനീർ പൂക്കുംവരെയെങ്കിലും ഞാൻ കാത്തിരുന്നേനെ.. ഇനി സമർപ്പിക്കുകയവ, ഞാനുപേക്ഷിച്ച നിർവ്വികാരതകൾക്ക്മേൽ.                                       ശ്രീ...

പ്രണയം.... അതിനെക്കുറിച്ച് പറയുമ്പോഴേക്കും  സ്ത്രീപുരുഷപ്രണയമാണ് നീ  ചിന്തിക്കുക... പ്രണയം.... സഹജീവിയോട്  ജന്തുജാലത്തോട് അവനവനോട്... പ്രവൃത്തികളോട്... ചിന്തകളോട്.. മനസ്സിനോട്.... നന്മകളോട്... അങ്ങനങ്ങിനെ നീണ്ട് നീണ്ട്..... സകലതിനെയും പ്രണയിക്കാനാകുക... അപ്പോൾ ഈശ്വരപ്രണയം സാധ്യമാകില്ല... എന്നാൽ നീയപ്പോഴേക്കും ഈശ്വരസമനാകും. അല്ലാതെയുളള പ്രണയങ്ങളെല്ലാം.... എന്റെ പ്രിയനേ... ആദ്യവസാനം, പുളിക്കുകതന്നെ ചെയ്യും.                         ശ്രീ..

തെറ്റാലിക്കല്ലുകളിൽ നിന്നൂർന്നുവരാം വിഷം പുരട്ടിയ അമ്പുകളിൽ നിന്നും, ശബ്ദവേഗ വെടിയുണ്ടകളും നിസ്സാരം... വാക്കുകൾ തീർക്കുന്ന അലോസരങ്ങളെ ചെറുക്കാൻ.... പരിചകളൊന്നുമില്ലെന്റെ കയ്യിൽ.                                       ശ്രീ

ജഢകെട്ടിയ ഓർമ്മകളെ കുഴിച്ചുമൂടണമിനി.. മറ്റുളളവർക്കത് അലോസരമാകുന്നത്രെ...! കുഴികുത്താനൊരിടവും വേണം... വാരിയെല്ലുകൾക്കു പുറത്ത്, പുറംപോക്കിലൊരു ശ്മശാനമൊരുക്കണം. ഇനി പുതിയ ജീവിതമാടണം... ഇനിമുതലെങ്കിലും നല്ലൊരു നടനാകണം... നീയാ തിരശ്ശീലക്കയർ അഴിച്ചുവിടുക...                                       ശ്രീ..

നിന്റെ സൗഹൃദം ഭയന്നാണ് ഞാനെന്റെ ഹൃദയം പൊത്തിലൊളിപ്പിച്ചത്... ആരുടെയാർത്തി തീർന്നാലാണ് എനിക്കതെന്റെ ഹൃദയത്തോട് ചേർത്തുവയ്ക്കാനാകുക...           ശ്രീ..

ഋതുഭേദങ്ങളിലെ ഞങ്ങൾ *തുലാസന്ധ്യയിലെ മഴ* നിറസന്ധ്യകളിൽ നിനക്കല്പം തോർന്നുകൂടെ..? ഈറൻ  മുടിക്കെട്ടുമായി ചെരാതിലെ ദീപം, തുളസ്സിത്തറയിലേക്ക് പകരുന്നവളോടൊപ്പം ഞാനൊന്ന്  പ്രാർത്ഥിച്ചോട്ടെ... *എരിവേനലിലെ കാറ്റ്* തീച്ചൂടിൽ നിനക്കല്പം കുളിർ പകർന്നൂടെ..? പുഞ്ചപ്പാടത്തെ കരിമുഖിയുടെ പിൻകഴുത്തിൽ ഞാറ്റുവേലയുടെ ഇടനേരത്ത്, ഞാനൊന്ന്  ചുംബിച്ചോട്ടെ. *ആതിര രാവിന്റെ തണുപ്പ്* ഈറൻ മാറിയിട്ടും പാതിരാവിൽ നീയിത്ര തണുപ്പിക്കുന്നതെന്തിനാണ്.. ? ആതിരപ്പാട്ടിന്റെ  താളം മുറിയാതെ- ആടിക്കുഴഞ്ഞവൾക്ക്, ഞാനൽപം ചൂട് പകരട്ടെ.            ഞാൻ മുഖപുസ്തകങ്ങളിലൂടെ ബ്ലോഗെഴുത്തുകളിലൂടെ ഇരവുപകലുകളിലെ, ഒഴിവുസമയങ്ങളുടെ ഓട്ടയടച്ചു..          അവൾ അടുക്കളയൊഴിവിൽ, സീരിയൽ നായികയുടെ ഒരിക്കലും നിലയ്ക്കാത്ത പുളിച്ച കണ്ണീരൊപ്പി.. ഇരുവർക്കുമിടയിലെവിടെയോ നിറസന്ധ്യകൾ, വേനൽത്തുമ്പികൾ, ആതിരക്കുളിരുകൾ, വന്നും പോയുമിരുന്നു. ഇടനേരത്തെ പരസ്യ- സംപ്രേഷണം പോലെ.                       Sreekumar sree.24/03/2016.

പ്രിയരെ.... ഇന്ന് ഓണം ആഘോഷിക്കുന്ന മുതിർന്നവർക്കെല്ലാം ദീപ്തമധുരമായ  ഓണസ്മരണകളുണ്ട്. നന്മയുടെയും സ്നേഹത്തിന്റെയും  ഒത്തൊരുമയുടെയും സമ്മേളനമായിരുന്നു ആ ഓണക്കാലം. ആ മധുരസ്മരണകളയവിറക്കുന്നവർക്കായി എന്റെ ഓണപ്പാട്ട് സമർപ്പിക്കുന്നു. മലയാളനാടെന്റെയോണം. °°°°°°°°°°°°°°°°°°°°°°°°°°° ഹൃദയതന്ത്രികൾ മീട്ടിയണഞ്ഞിതാ പ്രിയദിനങ്ങളാം പൊന്നോണനാളുകൾ ഹരിതകേരളം കാത്തുകാത്തെപ്പൊഴും സുകൃതമായ് തന്ന നന്മയാണെന്നോണം. ഇനിയൊരുത്സവമാണെന്റെ പുലരികൾ ഇനിയൊരാനന്ദമാണ് പത്തോണവും. അരിയപൊന്നോണശീലുകൾ പാടുന്ന അരുമയാംകിളിപ്പെണ്ണിന്റെ പാട്ടുകൾ ചൊടിയിലേറ്റു കളംവച്ചെഴുതണം പലനിറംചേർത്ത പൂക്കളവിസ്മയം. പകലുവാടാത്തപൂക്കളെ തേടണം വളകിലുക്കിയാ പൂവിളിപാടണം തൊടിയിലാകെപുതുവെന്മയേകുന്ന അരിയതുമ്പയെ പ്രിയമോടെകരുതണം. നാട്ടുമാവിൽ ചമച്ചപൊന്നൂഞ്ഞാലിൽ നറുനിലാവുമേറ്റായത്തിലാടണം. ആറ്റിറമ്പിലെ വെൺമണൽത്തിട്ടയിലേ- റ്റുപാടണം മാവേലിപ്പാട്ടുകൾ. ചെണ്ടവാദ്യമകമ്പടിതീർത്തുകൊണ്ടി- മ്പമോടെമുറ്റത്തവന്നെത്തുമാ, കുമ്പയാട്ടിതെങ്ങോലയിളക്കുന്ന തമ്പുരാനോണപ്പൊട്ടനെ കാണണം. തുമ്പിതുളളിക്കളിക്കണം മേളമായ് ചെമ്പഴുക്ക മറുകരമൊറ്റണം ചെങ്കതിർമുഖം ന

മിഴിനീർത്തുളളികൾ അമ്ളരസങ്ങളാണ്... പേമാരിവേണ്ട, ഒരുതുള്ളിമതി ഒരു പ്രപഞ്ചം അലിഞ്ഞില്ലാതാകാൻ... Sree. My Mood and Maaaaad

അംഗുലീലാളന- മേറ്റുതളർന്നൊരു, ചെന്താർമുഖി രാധ ചെമ്മേ മയങ്ങവെ കണ്ണനവൻ പണ്ടേ കട്ടെടുത്താമലർ ചെഞ്ചുണ്ടിലന്നു വിരിഞ്ഞസൂനങ്ങളെ           ശ്രീ. My Mood and Mad- 97

നെടുംചുമരുകളിൽ ഞാൻ പങ്കുവച്ച വേദനകൾ നിങ്ങളറിഞ്ഞിരുന്നില്ല