ENTE BHRANTHUKAL (എന്റെ ഭ്രാന്തുകൾ)

ഉമ്മറത്തിണ്ണയിൽ അമ്മമടിയിലിരുന്നാണ് ഞാനാദ്യമായി ഒരു മുയലിനെ കണ്ടത്... അന്ന് മുയൽ അങ്ങുദൂരെ  അമ്പിളിമാമന്റെ മടിയിലായിരുന്നു. വെളുവെളുത്ത രോമക്കുപ്പായക്കാരനെ കാണുമ്പോഴെല്ലാം  ആ രാവുകളോർമ്മവരും അമ്മയെയും .... അവയ്ക്കാ പൂനിലാവിന്റെ വെന്മ, തീർച്ചയായും അമ്പിളിമാമന്റെ സമ്മാനമാണെന്ന് കരുതിപ്പോന്നു.. മധുരമായൊരോർമ്മയാണേവർക്കും ബാല്യം. അതിലെ അതിരസമാണ് അമ്മ.. ആ മടിത്തട്ടോളം വലുപ്പം ഒന്നിനുമുണ്ടാകില്ല ഈ പ്രപഞ്ചത്തിനു പോലും. ആ മടിത്തട്ടിലിരുന്ന് അറിഞ്ഞവ തന്നെയാണ്  ഏറ്റവും വലിയ അറിവുകളും                               ശ്രീ...

കുത്തനെനാട്ടിയ പായ്മരങ്ങളിലാണെന്റെ ജീവന്റെ നാരുകൾ തുന്നികെട്ടിയത്.. കീറപ്പായയും കാറ്റുമാണെന്റെ ഗതി നിർണ്ണയിച്ചത്. എന്നിട്ടും..... മഞ്ഞുരുകാത്ത തിരപുണരാത്ത തീരമണഞ്ഞുപോയി.. ഹിമവടുക്കളിലുറഞ്ഞു- പോയൊരു ജീവിതം... നെടുനിശ്വാസങ്ങളുടെ താപമൂറ്റി നീയീമഞ്ഞുരുക്കണം നിന്റെ തീരം വിട്ടകലാൻ.. തിരയുറങ്ങുന്ന എന്റെ തീരം പുൽകാൻ...!                   ശ്രീ.

തുലാമഴ ------------------------------------- തുലാമഴ, പ്രിയാക്ഷരങ്ങളായി പൊഴിയുകയാണിന്ന്. നിലാവ് വറ്റിയരാവിൽ. നിയോൺ ദീപങ്ങളിലെ പട്ടുപ്രകാശത്തിന്റെ നൂലിഴകളെപിന്നി നിപതിക്കുന്ന - വെളളിരേഖകൾ. തിരമാലകളുടെ താരാട്ടുപോലെ, മലയിറങ്ങിവന്നൊരു കുളിർകാറ്റിന്റെ പാഴ്ശ്രുതിപോലെ... അലസഗമനയാമൊരു നാടൻപെൺകൊടിപോലെ. പ്രിയസഖീ... ചെവിയോർക്കുക.. നാട്ടുമാവിന്റെ ചോട്ടിൽ, മുക്കുറ്റിപ്പൂക്കൾ തോരണമിട്ട പാതയിൽ, തേവരുറങ്ങിയ വഴിയമ്പലമുറ്റത്തെ കൽവിളക്കിനരികിൽ.. ചുണ്ടുവിതുമ്പിയ സന്ധ്യകളിലെന്നോ.. നാം പറയാൻ മറന്ന അക്ഷരങ്ങളാണിവ.. ചിതറിവീണ് മൃതിയാകുന്ന വാക്കുകൾ                   ശുഷ്കമാണിന്നെൻ വിരലുകളെങ്കിലും പെറുക്കിച്ചേർത്തൊരു മാലകോർക്കുകിൽ സ്വീകരിക്കുമോ നീയിനി..?                  ശ്രീ...

അപശ്രുതികൾ - 16. ----------------------------------------- കാലത്തിന്റെ കല്പനകളിൽ സ്വപ്നങ്ങൾ മെതിക്കപ്പെടാം വാക്കുകളുടഞ്ഞേയ്ക്കാം ചേർത്തവച്ചവയെല്ലാം ചോർന്നൊലിച്ചുപോകാം... എന്നിരിക്കലും പ്രതീക്ഷകളെ താലോലിക്കണം ത്രികാലങ്ങളിലൊന്ന്... ഭാവികാലമിനിയും നമ്മെ കാത്തിരിക്കുന്നുണ്ട്.               ശ്രീ.

നൊമ്പരങ്ങൾ ------------------------------------ ആകാശം കാണാതെ, ഞാൻ കാത്ത മയിൽപ്പീലിത്തുണ്ട്, പെറ്റുപെരുകാത്ത എന്റെ നൊമ്പരം. മർമ്മരമില്ലാതെ പെയ്ത, വേനൽമഴയിൽ കുതിർന്ന് , ചൂടാതെപോയൊരു പനിനീർപ്പൂവ് നിന്റെ നൊമ്പരം.... ഇരു നൊമ്പരങ്ങൾക്കിടയിലെവിടെയോ... എന്നോ.. നമ്മളിലൊരാൾ മറന്നുവച്ചൊരു വാക്ക്... നിശ്ശബ്ദം കണ്ണീർ പൊഴിക്കുകയാവും. ________________________________ Sreekumarsree.

ഗിന്നസ് ബുക്ക് ~~~~~~~~~~ നഗരമദ്ധ്യത്തിലെ പുരാതനമായ പാർക്കിൽ പേരില്ലാത്ത ആ വൃക്ഷപിതാവിന്റെ ചുവട്ടിലിട്ട ഇരിപ്പിടങ്ങളിലിരുന്ന് അവരുടെ‍ ഗൗരവമായ ചർച്ച മുന്നേറുകയാണ്. " ഒരു മ്യൂസിക് ബാൻഡ് ആവാം 100000000 മണിക്കൂര്‍ നീളുന്ന പ്രകടനം... ഗിന്നസ് റിക്കാർഡ് അടിച്ചെടുക്കാം" " വേണ്ട ഒരു വലിയ കേക്കുണ്ടാക്കാം ഒരു വില്ലേജിന്റത്ര... ഉറപ്പായും ഗിന്നസ് കിട്ടും" " അതിനെക്കാൾ ഒറ്റ നിൽപിൽ ഒരായിരം ബിയറടിക്കാം" ഗിന്നസ്സിലെത്തിപ്പെടാനുളള ആ ചർച്ച വികസിക്കെ, സ്നാക്സിന്റെ വലിയ പാക്കറ്റ് ഒഴിഞ്ഞുവന്നു. പെട്ടെന്ന് ആ പാർക്കിനുളളിൽ  പട്ടിണികോലമായ ഒരു നയ്കുട്ടി പ്രത്യക്ഷനാകുകയും ആ യുവസംഘത്തിന് മുന്നില്‍ എത്തുകയും ചെയ്തു. വളരെ നേരം ആ ചർച്ചയുടെ പ്രക്ഷകനായിട്ടും അവര്‍ കൊറിച്ചിരുന്നതിൽ നിന്നും ഒരു കഷ്ണം പോലും ആ നയ്കുട്ടിക്ക് ലഭിച്ചില്ലെന്ന് മത്രമല്ല അവരിലൊരാളുടെ ബൂട്സിന്റെ പ്രഹരമേൽകാതിരിക്കാനും ഏറെ പണിപ്പട്ടു.     തുടർന്ന് മറ്റൊരു കോണില്‍ പോക്ക് വെയിലേറ്റുളള മറ്റൊരു സായാഹ്നകൂട്ടത്തിനു  മുന്നില്‍ നായ്കുട്ടി എത്തപ്പെട്ടു.അവിടെ മതഗ്ന്രഥങ്ങളിലെ നന്മയുടെ വെളിച്ചം വിശകലനം ചെയ്യുകയായിരുന്നു. ദ

സൗന്ദര്യങ്ങളെയാകമാനം ഉളിയിലൂടാവാഹിച്ച് ശിലകളിൽ തറയ്ക്കവെ ശില്പിയറിയുന്നുവോ... തളച്ചിടുകയാണവയെയെന്ന്...         ശ്രീ.

അപശ്രുതികൾ- 7 """""""""""'""""""""""""" മൊട്ടായിരിക്കെ, ഞാനെത്ര കൊതിച്ചൊന്നു പൊട്ടിവിടരുവാ- പൊട്ടിച്ചിരിക്കുവാൻ... വിടരുവാൻ ഭയമാണെനിക്കു- നിന്നിതളുകൾ പൊഴിയുന്ന കാഴ്ചയെന്തതിഭീതിദായകം.                             ശ്രീ..

കൊല്ലം ജില്ലയിലെ പത്തനാപുരം താലൂക്കിലെ പ്രശസ്തമായ ഒരു അയ്യപ്പക്ഷേത്രമാണ് കുളത്തൂപ്പുഴ ശ്രീധർമശാസ്തതാക്ഷേത്രം. ക്ഷേത്രത്തെചുറ്റി കിഴക്കൻമലനിരകൾ കോട്ടതീർക്കുന്നു.  ഇതിന്റെ ഒരു ഭാഗത്തുകൂടി കല്ലടയാർ ഒഴുകുന്നുമുണ്ട്.  പരശുരാമൻ പ്രതിഷ്ഠനടത്തിയ അഞ്ചുധർമ്മശാസ്താ ക്ഷേത്രങ്ങളിൽ ഒന്നാമത്തെ ക്ഷേത്രമെന്ന് കരുതപ്പെടുന്ന ക്ഷേത്രമാണു കുളത്തൂപ്പുഴ ശ്രീധർമ്മശാസ്താക്ഷേത്രം. ക്ഷേത്രത്തോടു ചേർ‌ന്നുള്ള സർപ്പക്കാവ് സംരക്ഷിതകാവുകളാണ്. കുളത്തുപ്പുഴയാറ്റിലെ ക്ഷേത്രകടവിലുള്ള മത്സ്യങ്ങളെ തിരുമക്കളെന്നാണ് അറിയുന്നത്. മീനുകൾക്ക് ഊട്ട് നല്കുന്ന പതിവുണ്ട്. രാസക്രീഡയിൽക്കൂടി തന്നെ വശീകരിക്കാൻ ശ്രമിച്ച ജലകന്യകയെ ശാസ്താവ് മത്സ്യരൂപത്തിൽ കിടന്നുകൊള്ളാൻ അനുവദിച്ചതായിട്ടാണ് സങ്കല്പം. തിരുവനന്തപുരത്തു നിന്ന് നെടുമങ്ങാട് - പാലോട് - മടത്തറവഴിയും , കൊല്ലത്തുനിന്ന് കൊട്ടാരക്കര - പുനലൂർ -അഞ്ചൽ വഴിയും, തമിഴ്നാട്ടിൽ നിന്നും തെങ്കാശി, ചെങ്കോട്ട, ആര്യങ്കാവ്, തെന്മല വഴിയും ക്ഷേത്രത്തിൽ എത്തിചേരാം. ബ്രഹ്മചര്യഭാവത്തിലുള്ള ബാലശാസ്താവാണ് കുളത്തുപ്പുഴ ശ്രീധർമ്മശാസ്ത്രാക്ഷത്രത്തിലെ പ്രതിഷ്ഠ. മനുഷ്യഹത്യ എന്ന പാപത്തിന് പരിഹാരമായി പരശുരാമൻ

അപശ്രുതികൾ - 6. •••••••••••••••••••••••• Everyone  makes mistakes in life, but that doesn't mean they have to pay for them the rest of their life. Sometimes good people make bad choices,  It  doesn't mean  they are  bad, It means they are HUMAN.                      sree..

അപശ്രുതികൾ-5 ```````````````````````` പുലർകാല സ്വപ്നങ്ങളെ തല്ലികെടുത്തിയിരുന്ന പ്രഭാതങ്ങളാണ് കുട്ടിക്കാലം... സ്കൂൾ ബസ്സിന്റെ ഹോൺമുഴങ്ങുന്നതിന് മുമ്പ് തയ്യാറാകാൻ അമ്മ ഹോൺമുഴക്കുമ്പോൾ എല്ലാകുട്ടിമനസ്സിലും   നഷ്ടസ്വപ്നങ്ങളിൽ  കണ്ണുകളീറനാകും... ഏറെ സൂത്രവാക്യങ്ങളം ലസാഗുവും ഉസാഘയുമൊക്കെ പഠിക്കാനെന്തു തല്ലുകൊണ്ടു...!! ചെമ്പരത്തിപ്പൂവിനെ നെടുകെയും കുറുകെയും കീറിമുറിച്ചു..!! സ്ഫടികഭരണിയിലെ ആസിഡും ആൽക്കലീനുമൊക്കെ നോക്കികണ്ടു..! മഞ്ചരിയും കാകളിയുമൊക്കെ തങ്ങളാലാകുന്ന വിധം തല്ലുവാങ്ങിത്തന്നു..! നിത്യജീവിതത്തിൽ ഇവയൊന്നും പ്രാക്ടിക്കലാകുന്നില്ല...? പത്താംക്ലാസ്സുവരെ 150ലധികം പുസ്കങ്ങൾ!!!!. ഇവയിലൊന്നുപോലും   പിന്നീട് ഉപകരിക്കുന്നില്ല.... നന്നായി കാര്യങ്ങൾ ഗ്രഹിക്കാനുളള ശേഷിയല്ലെ വിദ്യാഭ്യാസത്തിൽ നിന്നും ആർജിക്കേണ്ടത്... മെമ്മറി നിറയെ വേണ്ടതും വേണ്ടാത്തതും കുത്തിനിറക്കുന്ന വിദ്യാഭ്യാസരീതി എന്നാവോ നമ്മൾ പരിഷ്കരിക്കുക... ആസൂത്രണമില്ലാത്ത സൂത്രപണികളാകുന്നു നമ്മുടെ ഹൈസ്കൂൾ വരെയുളള വിദ്യാഭ്യാസം... മനപാഠം + കാണാപാഠം = പൊതുവിദ്യാഭ്യാസം.     ശ്രീ...

ചിതറാലിനെ അറിയുക ``````````````°°°°````````````       "ചിതറാൽ" തിരുവനന്തപുരം - കന്യാകുമാരി ദേശീയ പാതയില്‍, മാര്‍ത്താണ്ഡത്തു നിന്നും തിരുനെല്‍വേലി റൂട്ടിലൂടെ ഏകദേശം നാലു കിലോമീറ്റര്‍ സഞ്ചരിച്ചാല്‍ ആറ്റൂര്‍ ഗ്രാമമായി. അവിടെ നിന്നും ഇടത്തോട്ടു 3 കിലോമീറ്റർ സഞ്ചരിച്ചാല്‍ ചിതറാല്‍ എത്തിചേരാം. ഇവിടെയുള്ള ഒരു കുന്നിന് മുകളിലാണ് ഒന്‍പതാം നൂറ്റാണ്ടിലേത് എന്നു കരുതപ്പെടുന്ന ജൈന സ്മാരകങ്ങള്‍ ഉള്ളത്. ഈ സ്ഥലം ചരിത്രപരമായി അറിയപ്പെടുന്നത് "തിരുച്ചരണാത്തുപള്ളി" എന്നാണു. സഞ്ചാരികള്‍ക്ക് കുന്നിന്റെ അടിഭാഗം വരെ വാഹനത്തില്‍ പോകാവുന്നതാണ്. വിശാലമായ പാര്‍ക്കിംഗ് സൗകര്യവും, പ്രാഥമിക ആവശ്യങ്ങള്‍ നിർവഹിക്കുവാനുള്ള സൗകര്യങ്ങളും ഇവിടെ ഉണ്ട്. എകദേശം 1.5 കിലോമീറ്റര്‍ മുകളിലേക്കു കയറിയാല്‍ കുന്നിന്റെ മുകളിലെത്താം. ഈ കുന്നിന്റെ നല്ലൊരു ഭാഗവും ഇപ്പൊള്‍ ആര്‍ക്കിയോളജിക്കല്‍ സർവേ ഓഫ് ഇന്ത്യയുടെ കീഴിലാണ്. ഈ സ്ഥലം വേലികെട്ടി സംരക്ഷിച്ചിരിക്കുന്നു. ഇവിടെയെത്തുന്ന സഞ്ചാരികള്‍ക്കും, ചരിത്രകുതുകികള്‍ക്കും വിപുലമായ സൗകര്യങ്ങളാണ് തമിഴ്‌നാട് സര്‍ക്കാര്‍ ഒരുക്കിയിരിക്കുന്നത്. വലിയ പാറക്കെട്ടുകള്‍ നിറഞ്ഞത