ENTE BHRANTHUKAL (എന്റെ ഭ്രാന്തുകൾ)

നൂറ്  നിയമങ്ങളുണ്ടാകാം നിയമപാലക വൃന്ദവും ആയിരം ജനമുണ്ടാകാം... മൂർച്ചയേറിയ തൂലികകളും എന്നാലോർക്കുക.. ആണൊരുത്തനുണ്ടായാൽ അതിനൊപ്പമാകില്ലവൾക്ക് മറ്റൊന്നുമേ.... ------------------------------------------ അപശ്രുതികൾ               

ചാലയം ഓട്ടം •••••••••••••••••• മകരം, കുംഭം എന്നീ മാസങ്ങളുടെ മധ്യത്തിൽ ഹൈന്ദവരുടെ ആഘോഷമായ ശിവരാത്രിയോടനുബന്ധിച്ച് നടത്തപ്പെടുന്ന ഒരു ആചാരമാണ്‌ ""ശിവാലയ ഓട്ടം അഥവാ ചാലയം ഓട്ടം."" ശിവരാത്രി നാളിൽ ദ്വാദശ രുദ്രന്മാരെ വണങ്ങുക എന്നതാണ്‌ ഈ ആചാരത്തിന്റെ സവിശേഷത. തമിഴ്നാട്ടിലെ കന്യാകുമാരി ജില്ലയിൽ വിളവൻ‌കോട്, കൽക്കുളം താലൂക്കുകളിലായുള്ള 12 ശിവക്ഷേത്രങ്ങളിൽ ഒരു രാത്രിയും ഒരു പകലും കൊണ്ട് നടത്തുന്ന ദർശനമാണിത്. ഐതിഹ്യം. `````````````` മഹാഭാരത കഥയുമായി ബന്ധപ്പെട്ടാണ്‌ ശിവാലയഓട്ടത്തിനുപിന്നിലുള്ള ഐതിഹ്യം നിലനിൽക്കുന്നത്. പാണ്ഢവപക്ഷത്ത്  ധർമ്മപുത്രൻ നടത്തുന്ന യാഗത്തിൽ പങ്കെടുക്കുവാൻ ശ്രീകൃഷ്ണന്റെ നിർദ്ദേശപ്രകാരം "വ്യാഘ്രപാദ"മുനിയെ കൂട്ടിക്കൊണ്ടുവരുവാൻ ഭീമസേനൻ പോയി. കടുത്ത ശിവഭക്തനായ വ്യാഘ്രപാദമുനി തന്റെ തപസ്സിളക്കിയ ഭീമനെ ആട്ടിപ്പായിച്ചു. ശ്രീകൃഷ്ണൻ നൽകിയ 12 രുദ്രാക്ഷങ്ങളുമായി ഭീമൻ വീണ്ടും തിരുമലയിൽ തപസ്സനുഷ്ഠിക്കുകയായിരുന്ന വ്യാഘ്രപാദനു സമീപമെത്തി. മുനി കോപിതനായി ഭീമനുനേരെ തിരിയുകയും ഭീമൻ പിന്തിരിഞ്ഞ് "ഗോവിന്ദാ... ഗോപാലാ......." എന്നു വിളിച്ച് ഓടൻ തുടങ്ങു

അമ്മത്തൊടിയിലെ പൂക്കൾ ~~~~~~~~~~~~~~~~~~ ഓർമ്മകളിടയ്ക്കിടെ കുത്തിനോവിക്കാറുണ്ടിപ്പോൾ.. തൈമാവിലളളിപ്പടർന്ന അരിമുല്ലവളളിയിലെ ചോനനുറുമ്പുകൾ, വിരൽതുമ്പിൽ കടിച്ചുതൂങ്ങുംപോലെ... സങ്കടങ്ങളിടനെഞ്ചിൽ നിശ്ശബ്ദം പിടയ്ക്കാറുണ്ട്. കുളിക്കടവിൽ വീശിയ ഒറ്റമുണ്ടിൽ കുടുങ്ങിപ്പോയ പാവം പരൽമീനിനെപ്പോലെ.. കണ്ണുകൾ നിറഞ്ഞൊഴിയാറുമുണ്ട് മണ്ണപ്പത്തിന് കരുതിയ ജലം കണ്ണാംചിരട്ടയടിയിലെ, മുക്കണ്ണോട്ടയിലൂടൊഴുകുംപോലെ.., ഓർക്കാതൊളിച്ചുനോക്കി പിന്നിലേക്കിന്ന്. പക്ഷേ, സാറ്റു കളിയിലെ ഒറ്റുകാരനെപ്പോലെ, ചൂണ്ടിയൊറ്റുന്നെന്റെ മനസ്സ്.              --------------- അമ്മത്തൊടിയിലിപ്പോഴും കണ്ണാന്തളികളുണ്ടാവും. കിങ്ങിണികെട്ടിയ പൂവാലിയുടെ കിടാവിനൊപ്പം കറുകവരമ്പിലൂടോടണം. പാൽനുരയുന്ന അവളുടെ നാവാൽ നീരടിഞ്ഞ സന്ധികളിലെ വേദന നക്കിത്തുടച്ചുമാറ്റണം....              ----------------- കരുതലുമായ് കൂടെനടന്ന കാലമേ... സങ്കല്പങ്ങളിൽനിന്ന് യഥാർത്ഥ്യങ്ങളിലേക്കെത്തിയ സങ്കടം തുടയ്ക്കാൻ നീയെനിക്കൊരു കൈലേസ് തരുമോ..? കഴിയില്ലെങ്കിൻ നിന്റെ മനസ്സിലെ ചക്കരമാവിൻചോട്ടിലൊത്തിരിയിടനേരം... ആരും കാണാതൊന്നു കരയണമെനിക്ക്.. എന്

മേഘവാതിലിനപ്പുറം സൂര്യതേജസ്സുകളുണ്ടെങ്കിൽ, ഞാനൊരു ചോദ്യം കൊണ്ടുപോകുന്നുണ്ട്.. ഭൂമിയിലാദ്യവസാനം മനുഷ്യനായി ജീവിച്ചവരുണ്ടോ. ?                ശ്രീ. -------------------------------------

രതിയുണർത്തുന്ന കാഴ്ചയല്ലെൻമനം, തുടിയുണർത്തുന്നു വാത്സല്യ രാഗങ്ങൾ..          ശ്രീ. `````````````````````````````````````````````````````````````````` (ചിത്രം-  പ്രശസ്തമായ ഒരു മാർബിൾ ശില്പം)

കൊട്ടാരക്കര ശ്രീ മഹാഗണപതി. ---------------------------- കൊല്ലത്ത് നിന്നും ഏകദേശം, ഇരുപത്തിയേഴ് കിലോമീറ്റർ അകലെ, കൊട്ടാരക്കരയിൽ സ്ഥിതി ചെയ്യുന്ന ക്ഷേത്രമാണ് കൊട്ടാരക്കര മഹാഗണപതി ക്ഷേത്രം.  യഥാർഥത്തിൽ ഇത് മണികണ്ഠേശ്വരം (കിഴക്കേക്കര) ശിവക്ഷേത്രം ആണ്. ശിവൻ ആണ് പ്രധാന പ്രതിഷ്ഠ. കിഴക്കോട്ട് ദർശനമായ മുഖ്യവിഗ്രഹം ശിവന്റേതാണ്. എന്നിരുന്നാലും ഉപദേവനായിരുന്ന ഗണപതിയുടെ പേരിൽ ആണു ദേവാലയത്തിന്റെ പ്രശസ്തി. ഐതിഹ്യം കൊട്ടാരക്കരയിൽ രണ്ട് ശിവക്ഷേത്രങ്ങളാണ്‌ പ്രധാനം. കിഴക്കേക്കര ശിവക്ഷേത്രവും പടിഞ്ഞാറ്റിൻകര ശിവക്ഷേത്രവും. കിഴക്കേക്കര ശിവക്ഷേത്രം അകവൂർ, ഊമൻപള്ളി എന്നീ നമ്പൂതിരിക്കുടുംബങ്ങളുടെ അധികാരത്തിലും പടിഞ്ഞാറ്റിൻ‌കര ശിവക്ഷേത്രം ഇളയിടത്ത് രാജകുടുംബത്തിന്റെയും അധികാരത്തിലായിരുന്നു. പടിഞ്ഞാറ്റിൻ‌കരക്ഷേത്രത്തിന്റെ നിർമ്മാണമേൽനോട്ടം ഉളിയന്നൂർ പെരുംതച്ചന് ആയിരുന്നു. ക്ഷേത്രനിർമ്മാണത്തിനിടയിൽ അദ്ദേഹം പ്ലാവിന്റെ തടിയിൽ ഒരു ചെറിയ ഗണപതിവിഗ്രഹം ഉണ്ടാക്കി,  അദ്ദേഹം ഈ വിഗ്രഹവുമായി പ്രധാനപുരോഹിതനെ സമീപിച്ച് ശിവപ്രതിഷ്ഠക്കുശേഷം ഈ ഗണപതിവിഗ്രഹംകൂടി പ്രതിഷ്ഠിക്കണം എന്ന് ആവശ്യപ്പെട്ടു. എന്നാൽ അദ്ദേഹം പെരുന്തച്ച

പത്താമത്തെ പാത. °°°°°°°°°°°°°°°°°°°° പാതകൾ യാത്രപോകുകയില്ല. സ്വയം ചമയ്ക്കുന്നുമില്ല. വിദൂരങ്ങളിലേക്കവർ ആരേയും വിളിക്കില്ല പാലായനം ചെയ്യുവാൻ. എന്നിരിക്കലും പാതകൾ പാലായനം ചെയ്യിക്കാനൊരു- മാധ്യമം തന്നെയാണ്. ആട്ടിയോടിക്കാൻ അഭിനവ ആട്ടിടയർ ചാട്ടവാറേന്തിനിൽക്കെ, നിറമളന്നും മണമളന്നും കണക്കെടുക്കുന്ന തമ്പുകൾ- പതിരുപാറ്റിപ്പറത്തിടുമ്പോൾ, പാതകളിലൂടവനെത്തും ചാവേറായ പാഴ്ജന്മമായല്ല ഖഡ്ഖമേന്തി അശ്വാരൂഡനായി മഴുകൊണ്ട് മരതകഭൂമി ചമച്ചവന്റെയവസാനശിഷ്യൻ.. പതിരുംകതിരുമളന്നവന്റെ പറയുംകോലുമുടയ്ക്കാൻ പാതകളിലെ പത്താമനാകാൻ.                   Sreekumarsree.

കൊല്ലം ജില്ലയിലെ കൊട്ടാരക്കരയിൽ സ്ഥിതിചെയ്യുന്ന അതി പുരാതനവും വളരെപ്രസിദ്ധവുമായ ക്ഷേത്രമാണ് "കൊട്ടാരക്കര പടിഞ്ഞാറ്റിൻകര മഹാദേവക്ഷേത്രം".  കൊട്ടാരക്കര തമ്പുരാക്കന്മാരുടെ കാലത്താണ് ക്ഷേത്ര നിർമ്മാണം നടത്തിയത് എന്നുകരുതുന്നു.  കേരളത്തിലെ നൂറ്റെട്ട് ശിവക്ഷേത്രങ്ങളിൽ പ്രാധാന്യമേറിയ  ഈ ക്ഷേത്രത്തിലെ പ്രധാന പ്രതിഷ്ഠകൾ പരമശിവനും പാർവതിദേവിയുമാണ്. ശിവൻ പടിഞ്ഞാറുഭാഗത്തേക്കും പാർവതിദേവി കിഴക്കുഭാഗത്തേക്കും അനഭിമുഖമായി ഒരേ ശ്രീകോവിലിൽ പ്രതിഷ്ഠിച്ചിരിക്കുന്നു.  വൈഷ്ണവാശഭൂതനായ ശ്രീ പരശുരാമനാണ് പ്രതിഷ്ഠ നടത്തിയതെന്നാണ് ഐതിഹ്യം. ഐതിഹ്യം ജാതകവശാൽ തന്റെ ആയുസ്സു തീരാറായി എന്നു മനസ്സിലാക്കാൻ കഴിഞ്ഞ മലബാറുകാരനായ ബ്രാഹ്മണൻ പ്രായിശ്ചിത്തമായി ആറന്മുള പാർത്ഥസാരഥി ക്ഷേത്രത്തിൽ ഒരു മണ്ഡലക്കാലം (41 ദിവസം) ഭജനമിരുന്നു. 41-  ദിവസം സ്വപ്നത്തിൽ ഒരാൾ വന്ന് ഇനി ഇവിടെ ഇരുന്നിട്ടു കാര്യമില്ലന്നും കൊട്ടാരക്കര പടിഞ്ഞാറ്റിങ്കരയിൽ പോയി ഭജനമിരിയ്ക്കണമെന്നും ഉപദേശിച്ചു. അങ്ങനെ അദ്ദേഹം പടിഞ്ഞാറ്റിൻകരയിൽ പോകയും ഒരു മണ്ഡലകാലം ഇളയിടത്തപ്പന്റെ തിരുനടയിൽ ഭജനമിരിക്കുകയും ചെയ്തു. നാല്പത്തിയൊന്നാം ദിവസം സന്ധ്യക്ക് കിഴക്കേ ക

അപശ്രുതികൾ-30 ``````````````````````````` സിനിമാതീയറ്ററുകളിൽ ദേശീയഗാനം ശ്രവിപ്പിക്കുന്നത് നമ്മുടെ ദേശഭക്തി ഊട്ടിയുറപ്പിക്കാനാവും  നല്ലകാര്യം.... പഴമക്കാർ പറയുന്നത്പോലെ എല്ലാ നല്ലകാര്യം ചെയ്യുന്നതിന് മുന്പും അവരവരുടെ ഈശ്വരനെ സ്മരിക്കുന്നത് നന്നാണ്... അതിനാലാണ് വിദ്യ അഭ്യാസം തുടങ്ങുംമുന്പ് സ്കൂളിൽ  ദേശീയഗാനം പാടിപ്പിക്കുന്നത്.  പക്ഷെ ഈയുളളവനൊരു  സംശയം അവരവരുടെ  ദേശീയതയും ദേശഭക്തിയും സ്വയം സംരക്ഷിക്കപ്പെടേണ്ടതല്ലെ..  എന്നെപ്പോലെ തന്നെ ഒരു ശരാശരി ഇന്ത്യാക്കാരൻ അത് പാലിക്കയും ബഹുമാനിക്കയും ചെയ്യുന്നുണ്ട്. എന്നാൽ നമ്മുടെ സിനിമാസംസ്കാരം എന്താണ്..? നമ്മുടെ സിനിമകൾ  എത്രയെണ്ണമുണ്ട് നമ്മുടെ ദേശഭക്തിയെ.. ദേശത്തെ പ്രകീർത്തിക്കുന്നത്..( വളരെ നല്ല നിലയിൽ ദേശസ്നേഹമുയർത്തുന്ന സിനിമകൾ ഉണ്ട്.. അതിന്റെ അണിയറക്കാർ ക്ഷമിക്കുക  )  നിയമസംവിധാനത്തെയും സാമൂഹിക സന്തുലനാവസ്ഥയെയും ധിക്കരിച്ച് അതിനായകപ്രാധാന്യവും അരാജകത്വവും സാധൂകരിച്ച്..  നിയമവാഴ്ചയിലെ ന്യൂനതകളെ പർവ്വതീകരിച്ച് പ്രകടിപ്പിക്കുന്ന... യുവത്വങ്ങളെ ധിക്കാരികളാക്കാൻ.... ധിക്കാരത്തെ പരമവിജയിയായി പ്രഖ്യാപിക്കുന്ന ഇന്ത്യൻ സിനിമകളാണ് ബഹുഭൂരിപക്ഷം കച്ചവ

ഉമ്മറത്തിണ്ണയിൽ അമ്മമടിയിലിരുന്നാണ് ഞാനാദ്യമായി ഒരു മുയലിനെ കണ്ടത്... അന്ന് മുയൽ അങ്ങുദൂരെ  അമ്പിളിമാമന്റെ മടിയിലായിരുന്നു. വെളുവെളുത്ത രോമക്കുപ്പായക്കാരനെ കാണുമ്പോഴെല്ലാം  ആ രാവുകളോർമ്മവരും അമ്മയെയും .... അവയ്ക്കാ പൂനിലാവിന്റെ വെന്മ, തീർച്ചയായും അമ്പിളിമാമന്റെ സമ്മാനമാണെന്ന് കരുതിപ്പോന്നു.. മധുരമായൊരോർമ്മയാണേവർക്കും ബാല്യം. അതിലെ അതിരസമാണ് അമ്മ.. ആ മടിത്തട്ടോളം വലുപ്പം ഒന്നിനുമുണ്ടാകില്ല ഈ പ്രപഞ്ചത്തിനു പോലും. ആ മടിത്തട്ടിലിരുന്ന് അറിഞ്ഞവ തന്നെയാണ്  ഏറ്റവും വലിയ അറിവുകളും                               ശ്രീ...

കുത്തനെനാട്ടിയ പായ്മരങ്ങളിലാണെന്റെ ജീവന്റെ നാരുകൾ തുന്നികെട്ടിയത്.. കീറപ്പായയും കാറ്റുമാണെന്റെ ഗതി നിർണ്ണയിച്ചത്. എന്നിട്ടും..... മഞ്ഞുരുകാത്ത തിരപുണരാത്ത തീരമണഞ്ഞുപോയി.. ഹിമവടുക്കളിലുറഞ്ഞു- പോയൊരു ജീവിതം... നെടുനിശ്വാസങ്ങളുടെ താപമൂറ്റി നീയീമഞ്ഞുരുക്കണം നിന്റെ തീരം വിട്ടകലാൻ.. തിരയുറങ്ങുന്ന എന്റെ തീരം പുൽകാൻ...!                   ശ്രീ.

തുലാമഴ ------------------------------------- തുലാമഴ, പ്രിയാക്ഷരങ്ങളായി പൊഴിയുകയാണിന്ന്. നിലാവ് വറ്റിയരാവിൽ. നിയോൺ ദീപങ്ങളിലെ പട്ടുപ്രകാശത്തിന്റെ നൂലിഴകളെപിന്നി നിപതിക്കുന്ന - വെളളിരേഖകൾ. തിരമാലകളുടെ താരാട്ടുപോലെ, മലയിറങ്ങിവന്നൊരു കുളിർകാറ്റിന്റെ പാഴ്ശ്രുതിപോലെ... അലസഗമനയാമൊരു നാടൻപെൺകൊടിപോലെ. പ്രിയസഖീ... ചെവിയോർക്കുക.. നാട്ടുമാവിന്റെ ചോട്ടിൽ, മുക്കുറ്റിപ്പൂക്കൾ തോരണമിട്ട പാതയിൽ, തേവരുറങ്ങിയ വഴിയമ്പലമുറ്റത്തെ കൽവിളക്കിനരികിൽ.. ചുണ്ടുവിതുമ്പിയ സന്ധ്യകളിലെന്നോ.. നാം പറയാൻ മറന്ന അക്ഷരങ്ങളാണിവ.. ചിതറിവീണ് മൃതിയാകുന്ന വാക്കുകൾ                   ശുഷ്കമാണിന്നെൻ വിരലുകളെങ്കിലും പെറുക്കിച്ചേർത്തൊരു മാലകോർക്കുകിൽ സ്വീകരിക്കുമോ നീയിനി..?                  ശ്രീ...