ENTE BHRANTHUKAL (എന്റെ ഭ്രാന്തുകൾ)

വടിവാളേന്തിയ കരങ്ങളെ തേടിപ്പിടിക്കണം തെളിനീരിനാൽ മുഖം കഴുകിക്കണം ഇളനീർ പകർന്നുകൊടുക്കണം പിന്നെയാ കരമതിലേകണം ചൂട്ടുകറ്റ..  

നിറം മങ്ങിയ ബാല്യങ്ങൾക്ക് പോലും അകലെ ചക്രവാളമുണ്ടെന്നും നാളെ പ്രഭാതമുണരുമെന്നും കാട്ടികൊടുക്കുന്നവളാണമ്മ. ആ അമ്മയാണ് ആ ബാല്യങ്ങളുടെ നിത്യ പ്രകാശം... പകലുകളൊഴിയാതെ കൂട്ടിരിക്കുമത്.. പെരുമഴയിലും -----------------------------------------                                  ശ്രീ

മതമൊരു മദമാണ്. ÷÷÷÷÷÷÷÷÷÷÷÷÷÷ നിശ്ശബ്ദതയിന്നും ഒളിയിടം തേടിയലയുകയാണ്.. ശബ്ദമന്വേഷിച്ചവരെല്ലാം കണ്ടെത്തിയതവനെ..! മാനവികത തേടിയത് മാനവനെന്നതാണ് സത്യം. മരുഭൂമികൾക്കുമേൽ മണിസൗധങ്ങൾ തീർത്തവൻ പുരികക്കൊടികളിൽ ഇടംകൈവിരൽ ചേർത്ത്, അകലേക്കുറ്റുനോക്കിയത് മരുപ്പച്ചകളെയാണുപോലും...! മനുഷ്യൻ മാത്രം തേടിനടക്കുന്ന മരീചികയാണ് മനുഷ്യത്വം. മതം പറയാത്തവനുമൊരു- മതമുണ്ടെന്നറിയത്തവരോ അറിവൊരു പൊളളലാണെന്ന തിരിച്ചറിവേറിയവരോ.. മതമില്ലാത്തവനെ  കഴുവേറ്റുന്നുണ്ടിവിടെ.. തത്ത്വസംഹിതകളുടെ പുറംതാളുകളിൽ മതഭ്രാന്തിന്റെ ചാപ്പകുത്തിയിരിക്കുന്നു.. ഒരൊറ്റമതമാണ് സ്നേഹമെന്ന് പാടി, പാലൂട്ടിയ സർഗ്ഗഗായകന്റെ പിൻതലമുറയുടെ നെറുംതലയ്ക്കൽ വനനിഗൂഢതകളിലെവിടെയോ വെടിയുതിർക്കുന്നതവനാണ്... തൂലികയിലൂടൂറിവീണ് പടർന്ന, അക്ഷരങ്ങളെ ഭയന്നോടിയവൻ..                                                ശ്രീ.

സാളഗ്രാമം """"""""""""""" വിഷ്ണുവിന്റെ പ്രതിമ നിർമ്മിക്കുന്ന കല്ലാണ് സാളഗ്രാമം. ചക്രചിഹ്നങ്ങളോടുകൂടിയ സാളഗ്രാമം പൂജിക്കുന്ന മനുഷ്യന് പിന്നീട് ജന്മമെടുക്കേണ്ടിവരില്ലെന്നും അവർ സർവ്വഗുണങ്ങളും തികഞ്ഞവരായി തീരുന്നുവെന്നുമാണ്‌ ഹിന്ദുക്കളുടെ വിശ്വാസം. സ്ത്രീകൾ സാളഗ്രാമം തൊടുകയോ പൂജിക്കുകയോ ചെയ്യാൻ പാടുള്ളതല്ല എന്നും നിഷ്കർഷയുണ്ട്. മഹാവിഷ്ണുവിന്റെ അവതാരം എന്നു വിശ്വസിക്കപ്പെടുന്ന ഈ കല്ലുകൾ ശാസ്ത്രദൃഷ്ടിയിൽ അമോണൈറ്റ്‌ കല്ലുകളാണ്. കടലിനടിയിൽ ടെതിസ്‌ എന്ന ജുറാസിക്‌ യുഗത്തിൽ കാണപ്പെട്ടിരുന്ന ചുരുൾ പോലുള്ള ഫോസിലുകൾ ആണിവ. 1940-ൽ‌ സ്വാമി പ്രണവാനന്ദജി ഹിമാലയത്തിലെ കുടി എന്ന ഗ്രാമത്തിൽ നിന്നും ശേഖരിച്ച നിരവധി സാളഗ്രാമങ്ങളെ പഠനവിധേയമാക്കി. ഈ പ്രബന്ധത്തിൽ ബനാറസ്‌ സർവ്വകലാശാല സ്വാമിജിക്കു ഡോക്റ്ററേറ്റ്‌ നൽകിയിരുന്നു. ടിങ്കർ, ലിപു, കങ്കർ-ബിങ്കർ, നീതി എന്നീ ചുരങ്ങളിലും സാളഗ്രാമങ്ങൾ കാണപ്പെടുന്നു പത്തൊൻപത് വിധത്തിലുള്ള സാളഗ്രാമങ്ങളാണുള്ളത്.. 1. ലക്ഷ്മീജനാർദനം -കറുപ്പുനിറം 2. ലക്ഷ്മീനാരായണം- ഒരു സുഷിരം,  നാലുചക്രം, വനമാലപോലുള്ള

ക്ഷേത്രങ്ങളെ അറിയുക --------------------- തിരുവട്ടാർ ആദികേശവക്ഷേത്രം ആദികേശവപെരുമാൾ ക്ഷേത്രം തിരുവനന്തപുരം-നാഗർകോവിൽ റൂട്ടിൽ തൊടുവെട്ടിയിൽ നിന്നും ഏകദേശം 10 കിലോമീറ്റർ ദൂരെ സ്ഥിതിചെയ്യുന്ന ഒരു പ്രദേശമായ തിരുവട്ടാർ എന്ന സ്ഥലത്താണ്‌ ആദികേശവപ്പെരുമാളിന്റെ (വിഷ്ണു) അമ്പലം. "ആദിധാമസ്ഥല"മെന്നും "ദക്ഷിണ വൈകുണ്ഡ"മെന്നും "ചേരനാട്ടിലെ ശ്രീരംഗ"മെന്നും "പരശുരാമസ്ഥല"മെന്നും ഈ സ്ഥലത്തെ വ്യത്യസ്ത പേരുകളിൽ വിശേഷിപ്പിക്കുന്നുണ്ട്. തിരുവനന്തപുരം പദ്മനാഭക്ഷേത്രത്തിലേതുപോലെ അനന്തശയനരൂപത്തിലാണ് ഇവിടുത്തെ വിഗ്രഹപ്രതിഷ്ഠ. തിരുവനന്തപുരത്തെ പ്രതിഷ്ഠ കിഴക്കോട്ട് അഭിമുഖമാണെങ്കിൽ ഇവിടുത്തേത് പടിഞ്ഞാറുദിശയിലേക്കാണെന്ന വ്യത്യാസമുണ്ട്. ലക്ഷ്മീ ദേവിയെ ഇവിടെ "മരഗതവല്ലി നാച്ചിയാർ " എന്ന പേരിലാണറിയപ്പെടുന്നത്. ലക്ഷ്മീദേവിയുടെ നിറം മഞ്ഞകലർന്ന ചുവപ്പാണെങ്കിലും ഇവിടെ പച്ചനിറത്തിലാണ് പ്രതിഷ്ഠിച്ചിരിക്കുന്നത്. മരഗതം, പച്ചനിറമാണ് അതായത് വൈഷ്ണവിദേവിയുടെ നിറം. അതുകൊണ്ട് തന്നെ ഇവിടെ ലക്ഷ്മീദേവിയ്ക്ക് വൈഷ്ണവിയുടെ ശക്തിയാണുള്ളത് എന്നാണ് ഐതിഹ്യം. തിരുവനന്തപുരത്ത് പദ്മനാഭസ്വാ

Black Money നിലവിലെ രാഷ്ട്രീയ സംവിധാനങ്ങളുടെ ജാരസന്തതിയാണ്  കള്ളപ്പണം... അതിന്റെ മാതാവ്  ഇന്ത്യൻ സാമൂഹികാവസ്ഥയാണ്,  പിതാവ് ജാതിമതപ്രസ്ഥാനരാഷ്ട്രീയവും.  പിതാവ് എപ്പോഴും തള്ളിപ്പറയുന്നതിനാലും മാതാവ് ചാപിള്ളകളെ പോറ്റാത്തതിനാലും നിർഭാഗ്യവശാൽ ഈ "സന്തതി" ഒളിവിലാണ് ജീവിക്കുക... അതിനാലാണ് ഇയാളെ ഒളിയിടങ്ങളിൽ അന്വേഷിക്കേണ്ടിവരുന്നത്..   രാഷ്ട്രീയക്കാരുടെ  ആസന്നത്തിലാണ് ഈ കളളപ്പണമെന്ന ആൽമരം വളരുന്നത്... വളർന്ന് വൻമരമാകുമ്പോഴേക്കും വളരാനിടം നൽകിയ രാഷ്ട്രീയം  കേവലമായി  മുതുകുവളച്ച്  മണ്ണിൽ കുഴികുത്തി മുഖം  മുട്ടിച്ചിരിപ്പാകും.. ഈ ആൽമരത്തിൽ പാർക്കുന്ന കിളി-കൃമി-കീടങ്ങളുടെ കാഷ്ഠം വീണ് രാഷ്ട്രീയത്തിന്റെ മുതുകിൽ ചൊറിപിടിക്കും... അവിടെ ചുരമാന്തിക്കൊടുത്ത് സഹകരിക്കണമെന്നാണ് ഇപ്പോൾ നോട്ടുനിരോധന- കള്ളപ്പണ നിർമ്മാർജ്ജന രാഷ്ട്രീയം സാധാരണക്കാരായ ഇന്ത്യാക്കാരോടാവശ്യപ്പെടുന്നത്.... ഈ ചുരമാന്തൽ എത്രകാലംവരെ വേണമെന്ന്  ഇനിയും...  പിന്നീട് പറയും.

ദലമർമ്മരസ്മരണകൾ. --------------------- അശ്വഗന്ധം പേറിയൊരു ഭൂതകാലം  ഈ മുണ്ഡിതശിരസ്സിലുണ്ട്.  പാച്ചോറ്റിത്തണലിൽ പായ് വിരിച്ച- മാൻപേടകളുടെ  പ്രണയകേളികളോർമ്മകൾ... നാഗഗന്ധ ചുറ്റിപ്പടർന്നൊരു, രുദ്രാക്ഷവൃക്ഷം, മകുടമായ് ചൂടിയ- പഴയൊരു  ഹരിതകാലം. നീരുവറ്റിയ തായ് വേരുകൾ  ഉദരത്തിലിനിയും ബാക്കി.... ചക്രവാതങ്ങളേറ്റ്, വിയർക്കുന്നുണ്ട്  വാർദ്ധക്യം. മുഖത്തേയ്ക്കുയർന്നുവരുന്ന യന്ത്രകൈപ്പത്തിയൊരു മൂർഖഫണംപോലെ മുരളുന്നു. അരുത്ചൊല്ലുവാൻ, ശബ്ദമില്ലാത്തയക്ഷരങ്ങൾ... തണലുതേടിയലയാൻ, അഭയസങ്കേതമണയാൻ, പാദങ്ങളില്ലാത്ത നൈരാശ്യം...                                    ശ്രീകുമാർശ്രീ.

നറുതേൻ നുകർന്നൊരു കരിവണ്ടു പൂവിന്റെ ഇതളിൻ തണലിൽ മയങ്ങുന്നപോലവെ, ദളശല്ക്കമിളകാതെ നില്ക്കുമാ പൂവിന്റെ മനമെത്രധന്യമായ് പൂത്തു നിൽപ്പൂ... ---------------------------------------- അപശ്രുതികൾ 58.                                       ശ്രീ

എന്റെ പിഴകൾ ഹിമക്കാറ്റായി ആഞ്ഞുവീശവെ.. നീയേറ്റുവാങ്ങിയ മരക്കുരിശുപോലും തണുത്തുറയുന്നു.. സ്നാനത്തിലലിയാത്ത പാപമാണെന്റെ ജീവൻ.                                   ശ്രീ

യുക്തമായത് ചമയ്ക്കുവാനുളള യുക്തി തന്നതുമീശ്വരനാണെങ്കിൽ യുക്തിയില്ലാത്ത ചിത്തത്തെയെന്തിന് യുക്തിവാദിയെന്നാർക്കണം.. യുക്തമായ് ചിത്തമൊക്കണമെങ്കിലോ ചിത്തമാദ്യമേ യുക്തമാക്കീടണം.. ----------------------------------------- അപശ്രുതി                                    

പ്രിയവർഷമേ... പിരിയുന്നവേളയിൽ ലാഭനഷ്ടങ്ങളുടെ കണക്കടുത്തില്ല... എങ്കിലും പിരിയുമ്പോൾ ഞാനുണ്ടായിരുന്നു യാത്രാമംഗളങ്ങളുമായി മുന്നിൽ തന്നെ.. നിന്നെ യാത്രയാക്കുന്നവേളയിലാണ് പുതുവർഷത്തെ സ്വീകരിച്ചതും.  നീ വിടപറഞ്ഞകലുന്ന വേദന നീർമണികളായി കാഴ്ചമറച്ചിരുന്നു.. പുതിയൊരാഘോഷതിമിർപ്പിൽ നീ പിന്തിരിഞ്ഞുനോക്കിയത് മറ്റാരും  ഗൗനിച്ചില്ല.   എന്നാലും നിനക്ക് യാത്രാമൊഴിയുമായി  നീയവസാനിക്കുന്നിടംവരെ ഞാൻ മിഴിനട്ടുനിന്നിരുന്നു. ----------------------------------- അപശ്രുതികൾ 51                        ശ്രീ...