ENTE BHRANTHUKAL (എന്റെ ഭ്രാന്തുകൾ)

ചാതുർവർണ്ണ്യത്തിന്റെ കുഴലൂത്തുകാരാ... നീയെത്ര നന്നായി പുഞ്ചിരിക്കിലും.. മനസ്സിലാകുന്നുണ്ടെനിക്ക് നിന്റെ ശരീരഭാഷ.. തക്കംപാർക്കുകയാണ് നീ മാനവികതയുടെ ചങ്കിൽ ചാടിവീണമർത്തുവാൻ.

ശൂന്യതയിൽ നിന്നല്ല ഉത്ഭവിച്ചത്.. കേവലം ഇണചേരലിന്റെ ഫലവുമല്ല ആശിച്ചും കൊതിച്ചും ഈശ്വരനോട് കടംപറഞ്ഞും.. പത്തുമാസമവൾ വൃതമിരുന്നും നേടി.... കടക്കണ്ണിണകൾ കവിത ചമയ്ക്കുമ്പോൾ വാത്സല്ല്യമിഴികളിൽ  നനവു പടർത്തണോ.?

കുട്ടിത്തം കൗമാരത്തിനും നിഷ്കളങ്കത പ്രണയകൗതുകത്തിലേക്കും വഴിമാറുമെന്നത് സത്യം നിന്റെ കൈപിടിച്ചു നടത്തിയ കരങ്ങളെക്കാൾ ശ്രേഷ്ഠം നിന്റെ കരംഗ്രഹിക്കാനെത്തിയ കൈകളാണെന്ന് ധാരണയിലാണ് തോൽവി ആരംഭിക്കുന്നത്.

ഭൂമിയിൽ സന്മനസ്സുളളവർക്കായ് ~~~~~~~~~~~~~~~~~~~~ അത്യുന്നതങ്ങളിൽ ദൈവം മഹത്വമൊളിപ്പിരിക്കയത്രെ ഞാനവ കാണുന്നുണ്ട്. . തെളിഞ്ഞ ആകാശത്തിലൂടെ അവയും വഹിച്ചുകൊണ്ട് ദൈവപുത്രന്മാർ ചിറകുവീശി ചരിക്കുന്നത് ... അനുഗ്രഹങ്ങൾ വർഷിക്കാൻ, ശബ്ദങ്ങളെ തേടുന്നത്.

കൊട്ടിക്കലാശം അവസാനിച്ചത്രെ ഇനി കൊട്ടിക്കേറാനുണ്ട് ചിലർ.. പരസ്പരം വിളിച്ച ഓമനപ്പേരുകൾ വച്ചുനോക്കുമ്പോൾ നിയമസഭയുടെ പേര് മൃഗശാലയെന്നാക്കേണ്ടിവരുമോ ആവോ.?

ദുരവസ്ഥ കുഞ്ഞുടൽ പെണ്ണുടലാണെന്നറിയിച്ച- നാൾ മുതലമ്മപഠിപ്പിച്ച പാഠങ്ങൾ ചിന്നനുമൊത്തുകളിയ്ക്കേണ്ട,യെന്നതു- മച്ഛനൊരാണാണ്,  ചേട്ടനും മറ്റൊരാൾ ഒറ്റപറയേണ്ടയൊറ്റയുടുക്കേണ്ട.. ഒത്തിരി വായൊതുക്കൊത്തിരി വേണ്ടൊച്ച. ഒക്കെയൊതുക്കമായ് നാട്ടിൽ നടക്കണം മുറ്റുംവളർച്ചകളൊക്കെ മറയ്ക്കണം. കണ്ണുപതിയാതെ നോക്കണം കണ്ണുക- ളെല്ലായിടവും കരുതണമെപ്പൊഴും. അമ്മ പഠിപ്പിച്ച പാഠങ്ങളിലൂടെയമ്മ- പറഞ്ഞ നേർപെൺവഴികണ്ടവൾ മെല്ലച്ചരിച്ചതല്ലാശിച്ചതേയുളളു നല്ലവഴിയിലൂടേറെ നടക്കുവാൻ... പൊൻമകൾക്കായ് വാക്കു വാരിവിതറിയ നല്ലമ്മയോർത്തില്ല ചെറ്റവാതിൽ ഏതു ദുഷ്ടമൃഗത്തിനും ഭേദിക്കുവാനുളള ശക്തിയില്ലാത്തതാണെന്ന ദുരവസ്ഥ.        Sreekumarsree.12/05/2016 1:25 am

മുന്‍പും പിൻപും സൗന്ദര്യമുളളത് മരണത്തിനെന്ന് അവൾ... കാഴ്ചയ്ക്ക് വിരൂപമെന്ന് തോന്നിയാലും മരണത്തിന് മാത്രമാണ് സൗന്ദര്യമെന്ന് ഞാനും.. ഇനി നീ പറ.. ഏതാണ് ശരി.