ENTE BHRANTHUKAL (എന്റെ ഭ്രാന്തുകൾ)

ചീഞ്ഞമീനല്പവും കടലിലേയില്ലെന്നും വാങ്ങാൻ മടിച്ചാണ്  ചീഞ്ഞതെന്നും മീൻകാരനിന്നും  പതിവുകാരോടായി ചുമ്മാ വിടുന്നുണ്ട് മീൻവേദാന്തം. കൈയ്യോടെ വാങ്ങിയാൽ വിലകൂട്ടുകില്ലേന്ന് പതിവുകാരിക്കൊരു മറുസന്ദേഹം ഇല്ല ചേച്ചി ഞങ്ങൾ "പെട്രോളു"കാരല്ല പച്ചമീനാണെ ഞാൻ, ചുമ്മാ വലക്കണ വെലപേശില്ല.  അല്ലേലുമീതർക്കം കണ്ടു ഞാൻ മിണ്ടില്ല അമ്മേണെ ഞാനിവിടുത്തതല്ല. -sree-

മലയാളം ദാവണി ചുറ്റുന്ന നാള് തിരുവോണ തിരുനാള്.... മലയാളമനസ്സിനെ പുളകിതമാക്കുവാൻ മാവേലിയെത്തുന്ന നാള് തിരുവോണ തിരുനാള്... ഒരുകുമ്പിൾപൂവിനാലൊരുകളം തീർക്കവേ, പൊലിയേ പൊലി പാടിയാടുന്ന ബാല്യം പടികേറിവരുമോണപൊട്ടന്റെ നാള് തിരുവോണത്തിരുനാള്... ഇലകൂട്ടിയമ്മവിളമ്പിയ നന്മ നറുപായസത്താൽ നുകർന്ന കാലം പഴയ കിനാവിന്റെ നറുവള്ളിയിൽ ഞാനും ചെറിയൊരു കളിയൂഞ്ഞാൽ കെട്ടിടും നാള്...  തിരുവോണ തിരുനാള്.... Sree. 23.09.2021

"സാർ ഇവിടംകൂടിയേ ഇനി ആശയുള്ളൂ..  മറ്റുമാർഗ്ഗങ്ങളില്ലാത്തതിനാലാണ്... ഇവിടുന്നും കൈവിട്ടാൽ..."  അതു പറയുമ്പോഴേക്കും അവരുടെ കണ്ണുകളിലൂറിയ ചെറുനനവിന് ചുവപ്പുനിറമാണെന്ന് തോന്നി..  തുളസീധരൻ ആകെ വിഷണ്ണനായി ഈ സ്ത്രീ ഇതു എത്രാമതാണ് ഈ ആവശ്യവുമായി എന്റെ മുന്നിൽ വരുന്നത്...   Legal heir certificate നൽകേണ്ടത്  തഹസീൽദാർ എന്നനിലയ്ക്ക് എന്റെ അധികാരത്തിൽ വരുന്നതാണെങ്കിലും അതിന്റെ അന്വേഷണ ചുമതല സ്ഥലം വില്ലേജാഫീസർക്കാണ്. അയാളെ നേരാംവണ്ണം കാണാത്തതുകൊണ്ടാണ് അയാൾ Report വൈകിപ്പിക്കുന്നതെന്നത് സെഷൻ ക്ലർക്ക് പറഞ്ഞത് സത്യമാണോ.... നാശം ഗവൺമെന്റ് ജീവനക്കാരെ ആകെ നാറ്റിക്കുന്നത് ഇവനെപ്പോലെയുള്ള ന്യൂനപക്ഷം നാറികളാ...  നിത്യവൃത്തിക്കു ദൈവത്തിനോട് സമരംചെയ്യുന്ന ഇവരെങ്ങനെയാണ് കൈക്കൂലി കൊടുത്ത് ഉദ്യോഗസ്ഥദൈവത്തെ പ്രീതിപ്പെടുത്തുക..  ഇവരുടെ സങ്കടം കണ്ടാണ്  വില്ലേജോഫീസറെ നേരിട്ട് വിളിച്ചു ചോദിച്ചത്... ഉച്ചസമയത്തായതിനാലാകും പലതവണ വിളിച്ചശേഷമാണ് ഒരു കോട്ടുവായുടെ അകമ്പടിയോടെ അയാൾ സംസാരിച്ചത്  അതയാൾക്ക് ദഹിച്ചുമില്ല, അതുകൊണ്ടാണല്ലോ യൂണിയൻ നേതാവ് വിളിച്ചു പരുഷമായി സംസാരിച്ചത്.. കഷ്ടം... ആലോചന കാടുകയറുകയാണ് പാവം സ്ത്ര...

എന്റെ കവിത...., കൂത്തമ്പലമച്ചിലെ വെള്ളരിപ്രാവാണത്.. ഞാനുറങ്ങുമ്പോഴും ഞാനുണർന്നിരിക്കിലും ഇടനെഞ്ചിലതു  കുറുകികൊണ്ടേയിരിക്കുന്നു. നിത്യം കേട്ടുപരിചരിച്ചൊരു- സോപാനസംഗീതതാളത്തിൽ. എന്റെ കവിത.... ഇളം തളിർപ്പടർപ്പുകളിലാണ് അതിന്റെ വാസം. വേനലറുതികാത്തുഴറി ഞാനാ- ചെറുവള്ളിപ്പടർപ്പുകളിലഭയം തേടുമ്പോൾ... നനുത്ത തൂവലുകളാൽ മഴമേഘങ്ങളെ ഘനീഭവിപ്പിച്ച് എന്നിലേക്കൊരുമഴ സന്നിവേശിപ്പിക്കുമത്... എന്റെ കവിത... മഴമേഘങ്ങളിലൊളിച്ചിരിക്കുന്ന ഇടിമുഴക്കങ്ങളേയല്ല... വേനൽ മഴയ്ക്കുശേഷം ഇളംതളിരുകളിലിരുന്ന് കുറുകുന്നൊരു കുരുന്നു കുരുവിയുടെ  കുറുമ്പാണത്... ശ്രീ

തീർച്ചയായും നാം ഓർമ്മനശിച്ചവർ പുരപൊളിച്ചേറിയോൻ കലമുടയ്ക്കുമെന്നതും പുരപണിയാനെന്തും പണയമാക്കുമെന്നുമോർക്കാത്തവർ... തീർച്ചയായും നാം പ്രതിഷേധം മറന്നവർ  മുതുകിൽ  സൗജന്യസഞ്ചികളാൽ നുകംകെട്ടിയ കാളകൾ തീർച്ചയായും നമ്മൾ അൾഷിമേഴ്സ് ബാധിതർ മറവികൾ മഹാഭാഗ്യമായ് പേറുവോർ.. തീർച്ചയായും നമ്മൾ പെരുവിരലുകൾ ഡിജിറ്റലൈസ് ചെയ്ത്, മെമ്മറിക്കാർഡുകളിലൊളിച്ചവർ.. തീർച്ചയായും നമ്മൾ ചൂണ്ടുവിരലുകൾ  ചൂണ്ടാൻ മറന്നവർ കാലാകാലങ്ങളിൽ ചൂണ്ടും വികാരങ്ങളെ നീലമഷികളാൽ മുക്കിയാറ്റുന്നവർ.. #ശ്രീ