അങ്ങാടി

കച്ചവടം

ദു:ഖം വില്ക്കുന്ന 

കട തുടങ്ങാൻ തീരുമാനിച്ചു.... 

അതിനുമുമ്പ് 

സന്തോഷം വിലയ്ക്കുകിട്ടുന്നൊരു

സുപ്പർമാർക്കറ്റ് 

കണ്ടുപിടിക്കണം...

അതിനുമുന്നിലാവണം 

വാണിജ്യം...

വ്യസനമാണ് വ്യവഹാരവസ്തു

എന്നാകിലും

പുഞ്ചിരിക്ക് ഡിഗ്രിനേടിയവൾ വേണം,

മുൻസീറ്റിലൊരു ആതിഥേയത്വം..;

കണ്ണുകളിൽ കുസൃതിവേണം,

സെയിൽസ് ഗേളിനു യോഗ്യത..

അവശകാമുകനുണ്ടാവും

മൊത്തക്കച്ചവടത്തിന്,

നഷ്ടമാകുമാ വ്യവഹാരം

കീശയില്ലാത്ത കസ്റ്റമർ..

മോഹഭംഗകുമാരികളുണ്ട്

മോഹം വേണ്ടവിടെ നിശ്ചയം

നൈനിമിഷികമാണ് ,

സ്ഥിരമവിടില്ല ശോകങ്ങൾ

പുതിയ സന്തോഷങ്ങൾക്കുപിന്നാലെ

അവളോടുമുടനുടൻ...

കുടുംബങ്ങളാകണം 

ബെസ്റ്റ് കസ്റ്റമേഴ്സ്...

ഭാര്യ ഭർത്താവ് മക്കൾ,

അപ്പനപ്പൂപ്പൻ, 

മരുമകളമ്മായി,

ഏവരുമായി

മൊത്തക്കച്ചവടത്തിനു യുക്തം..

മേമ്പൊടി പരസ്യങ്ങളെന്തിന്

ജീവിതപുരാവൃത്തങ്ങളുടെ

തടവറയിലാണവർ

ഭാഗ്യം.

8.01.2021  Sree.