ചിരിക്കാൻ കഴിയുന്ന ജീവി മനുഷ്യനാണ്.. മറ്റു അപൂര്വ്വം ജന്തുക്കൾക്ക് ചിരിക്കാനാകുമെങ്കിലും ആ ചിരികളെല്ലാംതന്നെ മനുഷ്യനെപ്പോലെ മനോവികാരവിചാരങ്ങളുടെ പ്രതിഫലനമല്ല. അതുകൊണ്ടു തന്നെയാകണം ആദിമകാലംമുതൽ അല്ലെങ്കിൽ ചിരി എന്ന സംവേദനത്തിലൂടെ പരസ്പരം അഭിവാദ്യം ചെയ്തു തുടങ്ങിയ കാലംമുതൽ മനുഷ്യൻ തന്റെ മുഖവും മനോഹരമാക്കാൻ ശ്രമിക്കുന്നത്... എന്തൊക്കെപ്പറഞ്ഞാലും എല്ലാ ചിരികളും സുന്ദരമാണ്. എന്നാൽ സൗന്ദര്യമുള്ള ഒരുമുഖത്തുനിന്നുണ്ടാകുന്ന ചിരി അതു മാതൃത്വത്തിന്റെ വാത്സല്യമാകാം, പിതൃത്വത്തിന്റെ കരുതലാകാം, സാഹോദര്യത്തിന്റെ സ്നേഹഭാഗമാകാം, സഹവർത്തിത്വത്തിന്റെ സഹകരണഭാവമാകാം, നിഷ്കളങ്കമായ പാൽച്ചിരിയാകാം, പ്രേമത്തിന്റെ വശ്യമാകാം.... ഇവയെല്ലാം മൃദുലമായ മനസ്സുകളിൽ അതിന്റെ തീവ്രത മുഖസൗന്ദര്യത്തെക്കൂടി ആശ്രയിച്ചിരിക്കുന്നു. എന്നാൽ സാമാന്യ ചിന്തക്കുപരി ചിരി വളരെയധികം അർത്ഥതലങ്ങൾ കുടികൊള്ളുന്ന ഒരു വികാരപ്രകടനമാണ്... അല്ലെങ്കിൽ പ്രകടിപ്പിക്കാവുന്ന വികാരങ്ങളിൽ ഏറ്റവും ഉദാത്തമാണ് ചിരി. ഒരു ചിരികൊണ്ട് കുഞ്ഞുപിണക്കംമുതൽ സാമ്രാജ്യത്വവൈരങ്ങൾ വരെ തുടച്ചുനീക്കപ്പെടാം.. അതുകൊണ്ടുതന്നെ ചിരി മുഖസൗന്ദര്യങ്ങൾക്കുമതീതവുമാണ്.. ചിരിയുടെ മറ്റൊരു സവിശേഷത എത്ര വിരൂപതയെയും ചിരിക്ക് മായ്ക്കാനോ വൈരൂപ്യത്തിന്റെ അളവു കുറയ്ക്കാനോ കഴിയുന്നു എന്നുള്ളതാണ്. എന്നാൽ എല്ലാ ചിരികളും മനോഹരവുമല്ല.. എത്ര മനോഹരമായ മുഖത്തായാലും വിടരുന്ന ചിരികൾ ഹൃദയത്തിൽ നിന്നു വിടർന്നതല്ലെങ്കിൽ വിരൂപമായേ മാറൂ...
അതിനാൽ ചുണ്ടുകൾ പിളർത്തി പല്ലുകാട്ടി ഒരു ചലഞ്ചിന് ചിരിക്കുകയല്ല വേണ്ടത്.. എപ്പോഴും ഓരോ പുഞ്ചിരിയും ഹൃദയത്തിൽ നിന്നാകണം എങ്കിൽ എങ്കിൽമാത്രം നമുക്ക് ചിരിക്കാൻ ഒരു #chirichallenge ന്റെ ആവശ്യമേ ഉണ്ടാകില്ല.. ഏവരിലും നന്മയുടെ പുഞ്ചിരിനിറയട്ടെ പ്രാർത്ഥനകൾ
sreesreekumar.blogspot.com
തൊഴിൽനികുതി, എന്ത് എന്തിന്
ജീവനക്കാർ തൊഴിൽ നികുതി അടക്കേണ്ടത് എന്തുകൊണ്ട്? പലർക്കും തോന്നുന്ന ഒരു സംശയമാണ് — “ഞങ്ങൾ സംസ്ഥാന സർക്കാരിന്റെ ജീവനക്കാരാണ്; പിന്നെ എന്തിനാണ് പഞ്ചായത്ത്/മുനിസിപ്പാലിറ്റിക്ക് തൊഴിൽ നികുതി നൽകുന്നത്?” ഇതിന് വ്യക്തമായ നിയമപരമായ ഉത്തരമുണ്ട്. 1\. ഭരണഘടന എന്ത് പറയുന്നു? ഇന്ത്യൻ ഭരണഘടനയുടെ അനുച്ഛേദം 276 (Article 276) സംസ്ഥാനങ്ങൾക്ക് തൊഴിൽ, ജോലി, വ്യാപാരം, ബിസിനസ് എന്നിവ ചെയ്യുന്ന വ്യക്തികളിൽ നിന്ന് നികുതി ഈടാക്കാൻ അധികാരം നൽകുന്നു. 2\. കേരളത്തിൽ ആരാണ് ഈടാക്കുന്നത്? കേരളത്തിൽ തൊഴിൽ നികുതി ഈടാക്കാനുള്ള അധികാരം നൽകിയിരിക്കുന്നത്: * കേരള പഞ്ചായത്ത് രാജ് ആക്ട്, 1994 * കേരള മുനിസിപ്പാലിറ്റി ആക്ട്, 1994 എന്നിവയിലൂടെയാണ്. അതിനാൽ നികുതി ഈടാക്കുന്നത് ഗ്രാമപഞ്ചായത്ത്, മുനിസിപ്പാലിറ്റി, കോർപ്പറേഷൻ എന്നിവയാണ്. 3\. സർക്കാർ ജീവനക്കാരനും എന്തുകൊണ്ട് ബാധകമാണ്? നിയമം സർക്കാർ ജീവനക്കാരെ ഒഴിവാക്കിയിട്ടില്ല. ഒരു വ്യക്തി: * ശമ്പളം ലഭിക്കുന്ന ജോലിയിൽ ഏർപ്പെട്ടിരിക്കുകയോ, * ആ തദ്ദേശ സ്ഥാപനത്തിന്റെ പരിധിയിൽ ജോലി ചെയ്യുകയോ ചെയ്താൽ, അദ്ദേഹത്തിന് തൊഴിൽ നികുതി ബാധകമാണ്. അതുകൊണ്ടാണ് ട്രഷറിയിലൂടെയോ DDO വഴിയോ ശമ്പളത്തിൽ...
Comments