ആരാമരോമാഞ്ചം

ആരാമരോമാഞ്ചം.

ആരാമസുന്ദരി നാണിച്ചുനില്പിതാ

ആരാകിലും വന്നു കണ്ടുകൊൾകാ..

നീരാടിവന്നവളീറൻ കളയാതെ,

വാർനെറ്റിചന്ദനം തൊട്ടപോലെ..

ഏറെക്കളയുവാനില്ലവൾക്കീദിനം

ദൂരത്തുനിന്നവനെത്തുമത്രേ...

മൂളിപ്പതിഞ്ഞൊരു കുഞ്ഞുപാട്ടും പിന്നെ

തൂമധു ചോർത്തുന്ന ചുണ്ടുമായി

ഏറെപ്പരിക്ഷീണനായണയെ പ്രിയ-

നേകണമീമധു വേണ്ടുവോളം..

നേരമായീപ്പകലിപ്പോൾ മരിച്ചിടാ-

മെന്നാലതിന്മുന്നമല്പമിരുന്നിടും

നന്നായ്ഭുജിക്കുമവനീ കുസുമ- 

സത്തുന്മാദമുറ്റം നിറഞ്ഞ

മധുകണം...

ആരാമരോമാഞ്ചമായുസ്സൊരുദിന-

മെന്നാലുമാവോളമൂട്ടിയവൾമധു

എന്നാൽ നിപതിച്ചവേളയിലാരുമേ

ഒന്നു ഗൗനിച്ചതില്ലോർക്കിലൊരു

വ്യഥ.

         ....... ശ്രീ. 17/5/19