ENTE BHRANTHUKAL (എന്റെ ഭ്രാന്തുകൾ)

    ●●● ഇരുട്ട്●●● നിലവിളക്കിനുമുന്നിൽ കൂപ്പുകൈകളാൽ സന്ധ്യാനാമം  ജപിക്കുമ്പോൾ നടവഴിതാണ്ടി തൊടിയേറി എത്രവേഗത്തിലാണ്..  നടുമുറ്റത്തേയ്ക്ക് "ഇരുട്ട്" കയറിവന്നത്. നമോ നാരായണപാടി മുത്തശ്ശിയ്ക്കൊപ്പം നാമജപമവസാനിപ്പിക്കുമ്പോൾ ക്ഷമയോടെ ചുറ്റിലും നില്ക്കയായിരുന്നവൻ. നിലവിളക്കണയവേ  ഉമ്മറവുമവനു സ്വന്തം.. പുലരവേ,  അമ്മയുടെ നിലവിളിയിലാണറിഞ്ഞ് മുത്തശ്ശിയുമിനിയവന് സ്വന്തമെന്ന്...  #ശ്രീ. 

നൂൽപ്പാലത്തിലെ കുഞ്ഞുറുമ്പുകൾ "നൂൽപ്പാലത്തിലൂടെയുള്ള യാത്രപോലാണ് എന്റെ  ജീവിതം..! പ്രാരാബ്ദങ്ങളുടെയും സങ്കടങ്ങളുടെയും ഒരു വലിയ ഭാണ്ഡവും പേറി ജീവിക്കുകയാണ് ഞാൻ...!! താൻ ചുമക്കുന്ന ഭാരമത്രയും ആ സൂഫി സന്യാസിയുടെ മുന്നിലിറക്കിവച്ചതുപോലെയാണ് പറഞ്ഞുതീർന്നപ്പോൾ  ചന്ദൻലാലിന് തോന്നിയത്  അതിന്റെ  പാർശ്വവത്ക്കരണംപോലെ അയാളിൽ നിന്നും ഒരു ദീർഘനിശ്വാസം കൂടിയുതിർന്നു. വളരെനാളായി അടക്കിപ്പിടിച്ച വിതുമ്പലുകളൊരു പൊട്ടിക്കരച്ചിലായവസാനിച്ചതുപോലെ തോന്നി ചന്ദന്.. തൊഴുകൈയോടെതന്നെ ചന്ദൻ സൂഫിവര്യനെ നോക്കി. ഒരു ഗാഢനിദ്രയിലെന്നപോലെ സൂഫി കണ്ണടച്ചിരിക്കയാണ്. നിമിഷങ്ങൾ കഴിയവേ വെളുത്ത താടിരോമങ്ങൾക്കിടയിലെ ആ ചുണ്ടിലൊരു ചെറുമന്ദഹാസമുതിരുന്നത് കാണായി. പിന്നെ സദാ വാത്സല്യം സ്ഫുരിക്കുന്ന ആ നയനങ്ങൾ തുറന്നു. ചുറ്റും കൂടിയിരുന്നവരെ കണ്ണാലൊന്നുഴിഞ്ഞ് സൂഫി ചന്ദൻലാലിനെ വീണ്ടും നോക്കി. " നോക്കൂ പ്രിയരെ ഈ പ്രിയപ്പെട്ടവൻ പറഞ്ഞത് നിങ്ങളേവരും കേട്ടിരിക്കും "നൂൽപ്പാലത്തിലെ യാത്രപോലുള്ള ജീവിതം"... ശരിയാണ് നൂൽപ്പാലത്തിലൂടുള്ള യാത്ര എത്ര പ്രയാസമേറിയതാണ്.... " സൂഫി ഒരുനിമിഷം പറഞ്ഞുനിർത്തി.. ഏവരുടെയും കണ്ണുക

#പനിമതിയുടെ_കാമുകി പൗർണ്ണമിചന്ദ്രൻ പെണ്ണുകണ്ടുമടങ്ങിയത്  പ്രഭാതത്തിലത്രെ... ഇടയിലൊരല്പനേരം കരിമേഘ തിരശ്ശീല മറയൊരുക്കിയത് ആർക്കുവേണ്ടി...!!? നിശയ്ക്കോ നിലാചന്ദ്രനുവേണ്ടിയോ... നീരുവീർത്തുനീലിച്ച, രാവിന്റെ മുലകളെ തലോടിയകാറ്റ്  താരകങ്ങളോടോതിപോലും  ആ രഹസ്യം..!. ഇനി പതിനാലുനാൾ.. നിശ നെടുവീർപ്പിടുന്നതാരറിയാൻ...                                #ശ്രീ.

  യുക്തിവാദം യുക്തമായത് തന്നെ ചമയ്ക്കുവാൻ യുക്തി തന്നതുമീശ്വരനാണെങ്കിൽ യുക്തിയില്ലാത്ത ചിത്തത്തെയെന്തിന് യുക്തിവാദിയെന്നാർക്കണം.. യുക്തമായ് ചിന്തയൊക്കേണമെങ്കിലോ ചിത്തമാദ്യമേ മുക്തമാക്കീടണം.. യുക്തിവാദിതാനെന്നെങ്ങുമാർക്കാതെ യുക്തിഭദ്രമായ് ചിന്തിച്ചുകൊള്ളുക യുക്തിചേരുന്ന ചിന്തയ്ക്കുതകുന്ന യുക്തത തന്നതാരെന്നുമോർക്കുക. #ശ്രീ