Poem MALAYALAM

-

വഴികളവസാനിക്കുമ്പോൾ
````````````````````````````````````````
പ്രിയനേ...
ഏകനായുള്ള ഈ യാത്രയിൽ 
ഞാൻ തളർന്നിരിക്കുന്നു.
പാതിവഴിയിൽ വന്നെന്റെ
കരം ഗ്രഹിക്കുന്നതെപ്പോഴാണ്..?
ആപ്പിയാൻ വീതിയോരത്തുവച്ച്
പത്രോസിനെ ചേർത്തപോലെയും
യെരുശലേം പാതകളിൽവച്ച്
പൌലോസിനായ്
കരം നീട്ടിയപോലെയും
നീയെന്നാണെന്നെയറിയുക.. !
എന്റെ വിലാപസ്വരങ്ങൾ
ഈന്തപ്പനക്കാടുകളിലൂടൂർന്നിറങ്ങി,
മരുക്കാറ്റുകളിലലിഞ്ഞുപോകുന്നു..!
എന്റെ കണ്ണീരരുവികളെ
മണൽക്കാറ്റാർത്തിയിൽ
നക്കിത്തുടയ്ക്കുന്നു...
ദിക്കറിയാതെ തളർന്നുവീഴുമ്പോൾ
ഉപ്പുരസമുറ്റിയ ഗാത്രഭോജനത്തിന്
അക്ഷമനായൊരു കഴുകൾ
ധൃതികൂട്ടിനിൽക്കുന്നു.
ഇതെന്റെ ദേഹമാകുന്നു..
പ്രതീകമല്ലാത്ത എന്റെ ദേഹം..!
ഇതെന്റെ രക്തമാകുന്നു
മരുക്കാറ്റിന്റെ *മത്തുകൾ
സ്വേദരസങ്ങൾ
കടഞ്ഞെടുത്തതിന്റെ ശിഷ്ടം...
കാറ്റിനെയും കടലിനെയും
നിയന്ത്രിച്ചടക്കിയവനേ..
മരുഭൂവിലാണെന്റെ ഹൃദയം
അന്ത്യസ്പന്ദനങ്ങളേറ്റുവാങ്ങുക.
(*മത്ത്- തൈര് കടയാനുപയോഗിക്കുന്ന ഉപകരണം)
         #ശ്രീ 19/4/18.
ഈ രചന 30/12/18ന് മൊഴിമുറ്റം മിഴി പബ്ലിക്കേഷൻസ് പുറത്തിറക്കിയ നൂറ്റിപ്പതിനൊന്ന് കവിതകൾ എന്ന കവിതാസമാഹാരത്തിൽ പ്രസിദ്ധീകരിച്ചതാണ്.

Comments

Post a Comment

Popular posts from this blog

കാളകൾ ഒരു പഠനം

-
Image
കാളകൾ വായിക്കുമ്പോൽ   "മറ്റൊരു വണ്ടിക്കാള മാനുഷാകാരം പൂണ്ടി ട്ടറ്റത്തു വണ്ടിക്കയ്യി ലിരിപ്പൂ കൂനിക്കൂടി...." നിസ്സഹായനായി അടിമത്തംപോലെ ജീവിതം തള്ളിനീക്കുന്ന മനുഷ്യന്റെ ദയനീയചിത്രം ഇതിനുമപ്പുറം വരച്ചിടുവതെങ്ങനെ..? അതും പാട്ടിന്റെ പാലാഴികൊണ്ട് മലയാളിയുടെ മനസ്സിന്റെ ലോലതന്ത്രികളിൽ കിന്നരഗാനംപാടിയൊരു ഭാവഗായകന്റെ തൂലികയിൽ നിന്നാണെന്നതാണ് ഏറെ അത്ഭുതം..  അതേ പറഞ്ഞുവരുന്നത് ശ്രീ. പി #ഭാസ്കരൻമാഷിന്റെ #കാളകൾ എന്ന കവിതയെയാണ്. ചെറിയക്ലാസ്സുകളിൽ നമ്മൾ ചൊല്ലിപ്പടിച്ചതാണാ കവിത.  "തോളത്തു ഘനം തൂങ്ങും വണ്ടിതന്‍ തണ്ടും പേറി ക്കാളകള്‍ മന്ദം മന്ദ മിഴഞ്ഞു നീങ്ങീടുമ്പോള്‍..."  എന്നുതുടങ്ങുന്ന കവിത തുടർന്ന് നുകം വലിക്കുന്ന കാളകളെക്കാൾ ദൈന്യമാണ് അധ്വാനിച്ചു ജീവിക്കുന്നവന്റെ അവസ്ഥയെന്ന് അടിവരയിട്ടു പറയുന്നു....    "തോളുകള്‍ കുനിഞ്ഞിട്ടു-- ണ്ടവന്നും, സ്വജീവിത-- നാളുകള്‍ തല്‍കണ്ഠത്തി-- ലേറ്റിയ നുകം പേറി. കാലുകള്‍ തേഞ്ഞിട്ടുണ്ടി-- ന്നവന്നും നെടുനാള-- ക്കാലത്തിന്‍ കരാളമാം പാതകള്‍ താണ്ടിത്താണ്ടി."... ജീവനത്തിനായുള്ള മനുഷ്യന്റെ തത്രപ്പാടുകളുടെയും നിരന്തരമായി തുടരുന്ന മനുഷ്യാധ്വാനത്തിന്റ
Read more

തൃപ്പിതിയായല്ലോ ല്ലേ...

-
Image
കഥയെഴുതുന്നില്ലേ..? കഥകൾ കാണുന്നില്ലല്ലോ...? ചോദ്യം ന്യായമാണ്.. അതും വായിക്കാനാഗ്രഹിക്കുന്നവരുടേതാകുമ്പോൾ... പക്ഷെ എന്തെഴുതാനെന്ന് ചിന്തിച്ചിരുന്ന് പനിപിടിച്ചപ്പോഴാ ഡോക്ടറെ കാണാൻപോയത്... കൺസൽട്ടിങ്ങിനു കാത്തിരിക്കുമ്പോൾ അടുത്തസീറ്റിലെ ദമ്പതികളെ ശ്രദ്ധിച്ച. അദ്ദേഹത്തിനു 60 കഴിഞ്ഞിട്ടുണ്ടാവും സുന്ദരിയായ അവർക്ക് 50-55. മനുഷ്യസഹജമായ പുഞ്ചിരി കൈമാറി.. "മൂന്ന് ദിവസംമുമ്പ് നിങ്ങളല്ലേ വീട്ടിൽ വന്നത്..." പൊടുന്നനെയുള്ള അദ്ദേഹത്തിന്റെ ചോദ്യം എന്നെ ഞെട്ടിച്ചു.. കാരണം ഞാനാദ്യമായാണ് അവരെ കാണുന്നത്. അടുത്തിരിക്കുന്ന നമ്മുടെ ഭാര്യ സംശയഭാവത്തിൽ ചുഴിഞ്ഞുനോക്കുന്നു... " ഇല്ല ചേട്ടാ.. നിങ്ങൾക്ക് ആളുമാറിയതാ.." എന്റെ മറുപടി അദ്ദേഹത്തെ തൃപ്തിപ്പെടുത്തിയില്ല. "ഇല്ലില്ല... നിങ്ങൾ വീട്ടിലിരുന്ന്... കട്ടനും കുടിച്ച് ഏറെ നേരം .... ഇവളുമായി സംസാരിച്ചിരുന്നതോ...? മൂന്ന് ദിവസംമുമ്പ്.." അമ്പരന്നിരിക്കുന്നുപോയി ഞാൻ.. എന്റെ ഭാര്യയുടെ മുഖത്ത് സംശയം നിഴലിച്ചുതുടങ്ങി... ഇയാൾക്കിതെന്തിന്റെ കേടാ... ആരാ ഇയാൾ... ഞാനയാളുടെ നല്ലപാതിയെ നോക്കി.. അവർ ദയനീയമായി എന്നെയും ഭാര്യയെയും നോക്കി ഒന്നുകൂടി
Read more

എന്റെപ്രായം_ചോദിക്കരുത്

-
Image
ഞാനിപ്പോൾ മച്ചിലെവിടെയും മാറാലതൂക്കാറില്ല.. തലതൂക്കിപക്ഷികൾക്ക് ഇപ്പോൾ എന്നെ ഭയവുമില്ല. ഭയമില്ലെങ്കിലും ബഹുമാനമുണ്ടെന്ന് അവർ ഭാവിക്കുന്നുണ്ട്.. മക്കൾ, അവരിപ്പോൾ നല്ല അഭിനേതാക്കളാണ്. ഒരുവിളിയിൽ ഒതുങ്ങിയടുത്തെത്തു- മായിരുന്നവൾ കൈയ്യാലപ്പുറത്തെ പരദൂഷണവട്ടത്തിലാണ് വിളികേൾക്കാറില്ലെപ്പൊഴും ചെകിടിയായത്രെ..! കണ്ണട പതിവായി കള്ളം കാണിക്കുന്നുണ്ടാവാം പത്രത്താളിലെ നല്ല വാർത്തകളെ അതു മറച്ചുപിടിക്കുന്നു. രോഗങ്ങളും സൗഹൃദവും ഒരുപോലെയാണ്... ചെറിയ സൗഹൃദങ്ങൾ പെട്ടെന്നവസാനിക്കുന്നു.. വലിയ സൗഹൃദങ്ങളും പെരിയ രോഗങ്ങളും കൂട്ടുകൂടിയാൽ ഒടുക്കംവരെ കൂടെക്കാണും.  അതുമാത്രമാണെന്നും കൂട്ട്.  Sree. 
Read more