ENTE BHRANTHUKAL (എന്റെ ഭ്രാന്തുകൾ)

      ഞാനുമെൻ കിനാക്കളും. ഇരുളും വെളിച്ചവു- മിണചേർന്ന നിമിഷത്തി- നിടവേളയൊന്നിൽ മറഞ്ഞുസൂര്യൻ.. നിഴലുമകന്നൊര- മാവാസിയായ് മന, മിരുളുഭുജിച്ചു- റങ്ങാൻ കിടന്നു. നിശപെറ്റമക്കളാം ഇരുളിൻ കിടാങ്ങളാ കനവുകൾ, പാത്തു- പാത്തരികിലെത്തി കഥപറഞ്ഞൊരുപാട് കളിചിരിയാടിയെൻ കരളിലൊരായിരം കുളിരുമേകി.. പുലരുവാൻ നാഴിക- യരനേരമുള്ളപ്പോൾ കനവിൻ കുരുന്നുകൾ യാത്രയായി. അരുതരുതെന്നു വിലക്കിഞാനാവതു, മവരേതുമല്പവും കേട്ടതില്ല. ഇനിവരും നിശയിലു മവരെത്തുമെങ്കിലെ- ന്നുയിരുപകുത്തു പകർന്നിടും ഞാൻ. പകലുവരുന്നേരമെന്ന- പ്പിരിയാതെ കരളിലൊരു സ്ഥിരം വേദിതീർക്കും. തളരുംവരെയവർ കളിയാടിടട്ടെഞാനവ- രിലൊരു കനവായിടട്ടെ.                      ശ്രീ.               

കുച്ച് കുച്ച് മാലൂം """""""""""""""""""""""" രണ്ടുദിവസംകൊണ്ടാണ്   വെടിവട്ടപഞ്ചായത്തിലൂടെ ആ വാർത്ത പുറത്തുവന്നത്. കേട്ടപാടേ ആരുമാദ്യം മൂക്കത്തു വിരൽവച്ചുപോയി... പുതിയൊരു സംഗതിയൊന്നുമല്ലെങ്കിലും കൊച്ചൗസേപ്പിൽനിന്ന്  ഇങ്ങനൊരു പ്രവൃത്തി ആരും നിനച്ചുകൂടിയില്ല.  എന്നിരുന്നാലും  പ്രമീളടീച്ചർക്കിതെന്തിന്റെ കേടാന്നാ മനസ്സിലാകാത്തത്. ഭർത്താവൊരുത്തൻ അന്യനാട്ടിലാണേലും മൂന്നുമാസംകൂടുമ്പോഴും മറ്റത്ത്യാവശ്യങ്ങൾക്കും വന്നുപോകുന്നുണ്ട്. തടിമിടുക്കായ രണ്ടാണ്മക്കളുള്ളതെങ്കിലും നോക്കണ്ടേ...  അതെല്ലാംപോകട്ടെ അങ്ങനെന്തേലും ആയാൽതന്നെ ഈ  അറുപത്തഞ്ചുകാരൻ  കൊച്ചൗസേപ്പിനെയേ കണ്ടുള്ളൂ.. അറിഞ്ഞവരറിഞ്ഞവർ ആത്മഗതമായും പരസ്പരം ചെവികടിച്ചതും ഈവിധചിന്തകളായിരുന്നു. എന്നിട്ടും കൊച്ചൗസേപ്പ് നാട്ടിൽ തനിക്കെതിരെവരുന്ന ആക്ഷേപസ്വരങ്ങളൊന്നും അറിഞ്ഞമട്ടില്ല പ്രമീളടീച്ചറും എന്നും തന്റെ ഹിന്ദിവിദ്യാലയത്തിലെത്തുന്നുണ്ട്.   എന്തൊക്കെയായാലും കൊച്ചൗസേപ്പിനെക്കുറിച്ച് മോശമായി ചിന്തിക്കാനേ കഴിയുന്നില്ല.  പക്ഷെ പത്ര

ഇരുളും വെളിച്ചവു- മിണചേർന്ന നിമിഷത്തി- നിടവേളയൊന്നിൽ മറഞ്ഞു സൂര്യൻ.. നിഴലുമകന്നൊര- മാവാസിയായ് മന,മിരുളുഭുജിച്ചു- റങ്ങാൻ കിടന്നു.               

അവിചാരിതമായി Facebook ലൂടെ ഉടലെടുത്ത ഒരജ്ഞാത സൗഹൃദവും അതിന്റെ വേദനാജനകമായ പരിസമാപ്തിയും തീർത്ത മനോവ്യാപാരങ്ങളിൽ  നിന്നാണ് ഈ രചന ഉടലെടുത്തത്. ദൈർഘ്യമേറിയതിനാൽ ഖണ്ഡശ്ശ: പ്രസിദ്ധീകരിക്കുന്നു.  പ്രതീക്ഷയോടെ. ഒന്നാംഭാഗം സമർപ്പിക്കുന്നു.  By sree   അവശേഷിച്ച വായുദൂതുകൾ. --------------------------- നഗരത്തിരക്കിൽനിന്നൊഴിഞ്ഞ് കാർ പതിയെ ഓടുകയാണ്.   ഇടയ്ക്കിടെ GPS ൽ സെറ്റ്ചെയ്തുവച്ച റൂട്ട് നോക്കി. പതിനെട്ടുകിലോമീറ്റർകൂടെ ബാക്കിയുണ്ട്. ഉച്ചവെയിലിന്റെ കാഠിന്യം കുറയാൻ തുടങ്ങി.    "ഋഷിപുരം" പേരിലൊരു പുതുമയുണ്ട്. ഒരന്വേഷണമാണീയാത്ര,  മനസ്സ് പലവട്ടം മടിച്ചിട്ടും ഒടുവിലന്വേഷിക്കുന്നയിടം ഋഷിപുരമാണെന്നറിഞ്ഞപ്പോൾ മുതൽ ത്രില്ലായി... ഋഷിപുരം  ഈ ജില്ലയിലായിട്ടുപോലും ഇങ്ങനൊരു സ്ഥലപേര്  ആദ്യം കേൾക്കുന്നു.  പേരിൽ ദുരൂഹതയൊന്നുമില്ലെങ്കിലും മനസ്സിലുറഞ്ഞ ഒരു ദുരൂഹത മാറ്റാനാണീയാത്ര. " ചെകുത്താന്റ കുഞ്ഞ്" അതാണാ ഫേയ്സ്ബുക്ക് അക്കൗണ്ടിന്റെ പേര്... about   തിരഞ്ഞാൽ ഋഷിപുരമെന്ന സ്ഥലനാമത്തിനപ്പുറമൊന്നും കിട്ടാത്തൊരക്കൗണ്ട്. " ഈശ്വരൻ മനസ്സുകൊണ്ട് സൃഷ്ടിക്കാത്തവയും ഈ ഭൂമിയിലുണ്ടെന്നതിന്റെ ദ