Poem - pizhakkatha pizha

-

പിഴയ്കാത്ത പിഴ
✝✝✝✝✝✝✝✝✝✝
അക്കല്ദാമയിലെ പുഷ്പങ്ങൾ
ചുവപ്പു നിറവും ത്യജിച്ചല്ലോ..
പുലർകോഴി ഒരുവട്ടം പോലും
കൂകാതിരിക്കാനാണ് ശ്രമിച്ചത്.
ഓരോ പരിത്യജിക്കലിനും
പത്തു വെളളിക്കാശു വീതം.
പുലരുന്നത്  വരെ നീയക്ഷമനായിരുന്നു.
മുപ്പത് വെള്ളിയെണ്ണാനുളള അക്ഷമ.
യൂദാസ്  നീയാണ് പരമസത്യം. . നിന്റെ  ഓരോ  കുമ്പസാരത്തിന് പോലും  നിന്റെ  വിവേകശൂന്യമായ ആർത്തി വിലതൂക്കി നോക്കുന്നു. . പക്ഷെ  നിന്റെ  വിലയിപ്പൊഴും
വെളളിക്കാശുകളാണ്
സ്വർണ്ണക്കാശുകളല്ല..
നീ വിറ്റ സത്യത്തിന്റെ പ്രതിഫലം   മുപ്പതു വെളളിക്കാശുകൾ
നിന്നെ  വിറ്റവന് കറുത്ത  തൂക്കം.
നിന്റെ  സ്വസ്ഥതയ്കുമേൽ
അഗ്നിച്ചിറകുളള ശലഭങ്ങള്‍,
വില തന്നവന്റെ ആരാമത്തിലോ...
ആ പൂക്കള്‍ മഞ്ഞനിറം പൂണ്ടിരിക്കുന്നു
അവന്റെ  ആകാശം നീലമല്ലായിരുന്നല്ലോ..
എന്നിരിക്കലും പന്ത്രണ്ടിലൊരുവനേ
നീയത് ചെയ്തല്ലോ. .
നിനക്കെങ്ങിനെ
ഇത്ര മധുരമായി ചുംബിക്കാനായി..
നിന്റെ  ചുംബനമേറ്റുവാങ്ങിയ
ആ കവിളുകളിലൂടൊലിച്ചിറങ്ങിയ
കണ്ണുനീര്‍  നിനക്കുകൂടിയായിരുന്നല്ലോ...

Comments

Post a Comment

Popular posts from this blog

കാളകൾ ഒരു പഠനം

-
Image
കാളകൾ വായിക്കുമ്പോൽ   "മറ്റൊരു വണ്ടിക്കാള മാനുഷാകാരം പൂണ്ടി ട്ടറ്റത്തു വണ്ടിക്കയ്യി ലിരിപ്പൂ കൂനിക്കൂടി...." നിസ്സഹായനായി അടിമത്തംപോലെ ജീവിതം തള്ളിനീക്കുന്ന മനുഷ്യന്റെ ദയനീയചിത്രം ഇതിനുമപ്പുറം വരച്ചിടുവതെങ്ങനെ..? അതും പാട്ടിന്റെ പാലാഴികൊണ്ട് മലയാളിയുടെ മനസ്സിന്റെ ലോലതന്ത്രികളിൽ കിന്നരഗാനംപാടിയൊരു ഭാവഗായകന്റെ തൂലികയിൽ നിന്നാണെന്നതാണ് ഏറെ അത്ഭുതം..  അതേ പറഞ്ഞുവരുന്നത് ശ്രീ. പി #ഭാസ്കരൻമാഷിന്റെ #കാളകൾ എന്ന കവിതയെയാണ്. ചെറിയക്ലാസ്സുകളിൽ നമ്മൾ ചൊല്ലിപ്പടിച്ചതാണാ കവിത.  "തോളത്തു ഘനം തൂങ്ങും വണ്ടിതന്‍ തണ്ടും പേറി ക്കാളകള്‍ മന്ദം മന്ദ മിഴഞ്ഞു നീങ്ങീടുമ്പോള്‍..."  എന്നുതുടങ്ങുന്ന കവിത തുടർന്ന് നുകം വലിക്കുന്ന കാളകളെക്കാൾ ദൈന്യമാണ് അധ്വാനിച്ചു ജീവിക്കുന്നവന്റെ അവസ്ഥയെന്ന് അടിവരയിട്ടു പറയുന്നു....    "തോളുകള്‍ കുനിഞ്ഞിട്ടു-- ണ്ടവന്നും, സ്വജീവിത-- നാളുകള്‍ തല്‍കണ്ഠത്തി-- ലേറ്റിയ നുകം പേറി. കാലുകള്‍ തേഞ്ഞിട്ടുണ്ടി-- ന്നവന്നും നെടുനാള-- ക്കാലത്തിന്‍ കരാളമാം പാതകള്‍ താണ്ടിത്താണ്ടി."... ജീവനത്തിനായുള്ള മനുഷ്യന്റെ തത്രപ്പാടുകളുടെയും നിരന്തരമായി തുടരുന്ന മനുഷ്യാധ്വാനത്തിന്റ
Read more

തൃപ്പിതിയായല്ലോ ല്ലേ...

-
Image
കഥയെഴുതുന്നില്ലേ..? കഥകൾ കാണുന്നില്ലല്ലോ...? ചോദ്യം ന്യായമാണ്.. അതും വായിക്കാനാഗ്രഹിക്കുന്നവരുടേതാകുമ്പോൾ... പക്ഷെ എന്തെഴുതാനെന്ന് ചിന്തിച്ചിരുന്ന് പനിപിടിച്ചപ്പോഴാ ഡോക്ടറെ കാണാൻപോയത്... കൺസൽട്ടിങ്ങിനു കാത്തിരിക്കുമ്പോൾ അടുത്തസീറ്റിലെ ദമ്പതികളെ ശ്രദ്ധിച്ച. അദ്ദേഹത്തിനു 60 കഴിഞ്ഞിട്ടുണ്ടാവും സുന്ദരിയായ അവർക്ക് 50-55. മനുഷ്യസഹജമായ പുഞ്ചിരി കൈമാറി.. "മൂന്ന് ദിവസംമുമ്പ് നിങ്ങളല്ലേ വീട്ടിൽ വന്നത്..." പൊടുന്നനെയുള്ള അദ്ദേഹത്തിന്റെ ചോദ്യം എന്നെ ഞെട്ടിച്ചു.. കാരണം ഞാനാദ്യമായാണ് അവരെ കാണുന്നത്. അടുത്തിരിക്കുന്ന നമ്മുടെ ഭാര്യ സംശയഭാവത്തിൽ ചുഴിഞ്ഞുനോക്കുന്നു... " ഇല്ല ചേട്ടാ.. നിങ്ങൾക്ക് ആളുമാറിയതാ.." എന്റെ മറുപടി അദ്ദേഹത്തെ തൃപ്തിപ്പെടുത്തിയില്ല. "ഇല്ലില്ല... നിങ്ങൾ വീട്ടിലിരുന്ന്... കട്ടനും കുടിച്ച് ഏറെ നേരം .... ഇവളുമായി സംസാരിച്ചിരുന്നതോ...? മൂന്ന് ദിവസംമുമ്പ്.." അമ്പരന്നിരിക്കുന്നുപോയി ഞാൻ.. എന്റെ ഭാര്യയുടെ മുഖത്ത് സംശയം നിഴലിച്ചുതുടങ്ങി... ഇയാൾക്കിതെന്തിന്റെ കേടാ... ആരാ ഇയാൾ... ഞാനയാളുടെ നല്ലപാതിയെ നോക്കി.. അവർ ദയനീയമായി എന്നെയും ഭാര്യയെയും നോക്കി ഒന്നുകൂടി
Read more

എന്റെപ്രായം_ചോദിക്കരുത്

-
Image
ഞാനിപ്പോൾ മച്ചിലെവിടെയും മാറാലതൂക്കാറില്ല.. തലതൂക്കിപക്ഷികൾക്ക് ഇപ്പോൾ എന്നെ ഭയവുമില്ല. ഭയമില്ലെങ്കിലും ബഹുമാനമുണ്ടെന്ന് അവർ ഭാവിക്കുന്നുണ്ട്.. മക്കൾ, അവരിപ്പോൾ നല്ല അഭിനേതാക്കളാണ്. ഒരുവിളിയിൽ ഒതുങ്ങിയടുത്തെത്തു- മായിരുന്നവൾ കൈയ്യാലപ്പുറത്തെ പരദൂഷണവട്ടത്തിലാണ് വിളികേൾക്കാറില്ലെപ്പൊഴും ചെകിടിയായത്രെ..! കണ്ണട പതിവായി കള്ളം കാണിക്കുന്നുണ്ടാവാം പത്രത്താളിലെ നല്ല വാർത്തകളെ അതു മറച്ചുപിടിക്കുന്നു. രോഗങ്ങളും സൗഹൃദവും ഒരുപോലെയാണ്... ചെറിയ സൗഹൃദങ്ങൾ പെട്ടെന്നവസാനിക്കുന്നു.. വലിയ സൗഹൃദങ്ങളും പെരിയ രോഗങ്ങളും കൂട്ടുകൂടിയാൽ ഒടുക്കംവരെ കൂടെക്കാണും.  അതുമാത്രമാണെന്നും കൂട്ട്.  Sree. 
Read more