ഭ്രാന്ത്...

-

ഭ്രാന്താണ് ഈ ലോകത്തിന്,
അല്ലെങ്കിൽ എനിക്ക്.
ജനനം ആഘോഷിക്കുന്നവർ
മരണത്തെ ഭയക്കുന്നു;
മരണം ഉറപ്പാണെന്നറിഞ്ഞിട്ടും
നാളെക്കായി പണിയുന്നു..

നിഴലുകളെ സത്യമായി കരുതി
വെളിച്ചത്തെ ചോദ്യം ചെയ്യുന്നു;
കാലത്തിന്റെ ഒഴുക്കിൽ 
കുമിളകളായ ജീവിതം
ശാശ്വതമെന്ന് വ്യാമോഹിക്കുന്നു.

ഞാൻ കണ്ടത്
വന്നതെല്ലാം പോകുമെന്ന നിയമം;
ലോകം കാണുന്നത്,
പോകുന്നതെല്ലാം 
സ്വന്തമാക്കാമെന്ന സ്വപ്നം.

ഭ്രാന്താണ് ഈ ലോകത്തിന്,
അല്ലെങ്കിൽ എനിക്ക്.
കാരണം,
ഞാൻ എന്നെ അന്വേഷിക്കുമ്പോൾ
അവർ എന്നെ നഷ്ടപ്പെട്ടവനെന്ന് വിളിക്കുന്നു;
അവർ അവരെ നഷ്ടപ്പെടുത്തുമ്പോൾ
ലോകം അതിനെ 
വിജയമെന്ന് വിളിക്കുന്നു.

ഒടുവിൽ,
ആരുടേതാണ് ഭ്രാന്തെന്ന്
ഒരുകാലവും വിധിക്കുന്നില്ല
കാരണം,
സത്യത്തിനും മിഥ്യയ്ക്കുമിടയിൽ
ജീവിതം തന്നെയൊരു ഭ്രാന്താലയമാണ്.

ഓരോരുത്തരും 
അവരരുടെ ഭ്രമണങ്ങളെ
യാഥാർത്ഥ്യമെന്നാക്കി
അൽപനേരം വസിക്കുന്നു.
പിന്നെ നിശ്ശബ്ദമായി 
മടങ്ങിപ്പോകുന്നു,
എന്നിട്ടും......
Sreekumar Sree ✍️

Comments

Post a Comment

Popular posts from this blog

എക്സിറ്റ് പോൾ

-
Image
#എക്സിറ്റ്പോൾ_എന്താണ്? വോട്ടർമാർ പോളിംഗ് ബൂത്തിൽ നിന്ന് പുറത്തു വരുന്ന സമയത്ത് അവർ ആരെ വോട്ട് ചെയ്തു എന്ന് ചോദിച്ച് ശേഖരിക്കുന്ന വിവരങ്ങളുടെ അടിസ്ഥാനത്തിൽ തയ്യാറാക്കുന്ന പ്രവചനമാണ് എക്സിറ്റ് പോൾ. 📊 എങ്ങനെ നടത്തുന്നു? 1. സാമ്പിൾ തിരഞ്ഞെടുപ്പ് (Sampling): രാജ്യമൊട്ടാകെ എല്ലാ ബൂത്തുകളിലും ചോദിക്കാൻ കഴിയില്ല. അതിനാൽ ചില തിരഞ്ഞെടുക്കപ്പെട്ട ബൂത്തുകൾ മാത്രം (urban + rural mix) തിരഞ്ഞെടുക്കുന്നു. 2. വോട്ടർമാരോട് ചോദ്യം: വോട്ട് ചെയ്തതിന് ശേഷം പുറത്തു വരുന്ന ആളുകളോട്: ആരെ വോട്ട് ചെയ്തു? പ്രായം, ലിംഗം, സമൂഹ പശ്ചാത്തലം തുടങ്ങിയ വിവരങ്ങൾ ചോദിക്കും. പലപ്പോഴും “ഗോപ്യത” ഉറപ്പാക്കാൻ ചെറിയ മൊബൈൽ ഉപകരണങ്ങൾ ഉപയോഗിക്കും. 3. ഡാറ്റ ശേഖരണം: ഈ വിവരങ്ങൾ കേന്ദ്രത്തിലേക്ക് അയക്കപ്പെടും. 4. വിശകലനം (Analysis): സ്റ്റാറ്റിസ്റ്റിക്കൽ മോഡലുകൾ ഉപയോഗിച്ച്: ആകെ വോട്ടിന്റെ പ്രവണത സീറ്റുകൾ എങ്ങനെ മാറും എന്ന് കണക്കുകൂട്ടുന്നു. 🧠 ശാസ്ത്രീയ അടിസ്ഥാനം എക്സിറ്റ് പോൾ പ്രധാനമായും സാമ്പിൾ സർവേ ആണ്. ഇത് Sampling (statistics) എന്ന ആശയത്തിലും Margin of error എന്ന ആശയത്തിലും അധിഷ്ഠിതമാണ്. ⚠️ തെറ്റുകൾ വരാൻ കാരണങ്ങൾ 1. മറുപടി നിഷേധം...
Read more

ലക്ഷങ്ങൾ കിട്ടും പഴയ രൂപാനോട്ടുൾ കൈയിലുണ്ടോ..?

-
Image
ലക്ഷങ്ങളുടെ വാഗ്ദാനം… വലയത്തിന്റെ നിഴൽ കാലം മാറിയതുപോലെ, വഞ്ചനയുടെ രൂപങ്ങളും മാറിക്കൊണ്ടിരിക്കുന്നു. ഒരിക്കൽ മുഖം നോക്കി പറഞ്ഞിരുന്ന കള്ളങ്ങൾ, ഇന്ന് സ്‌ക്രീനുകൾക്കപ്പുറം നിസ്സംഗമായി ഒഴുകിയെത്തുന്നു. “പഴയ നോട്ടുകൾക്ക് ലക്ഷങ്ങൾ…” എന്നൊരു വാക്ക് മാത്രം മതി— നമ്മുടെ ആഗ്രഹങ്ങളുടെ വാതിൽ തുറക്കാൻ. ഒരു 5 രൂപ നോട്ടോ, ഒരു പഴയ 1000 രൂപ നോട്ടോ, അല്ലെങ്കിൽ ഒരു 50 രൂപ നോട്ടിലെ അപൂർവ നമ്പറോ ഇവയെല്ലാം പെട്ടെന്ന് ‘അമൂല്യമായ നിധി’കളായി മാറുന്നു, സോഷ്യൽ മീഡിയയുടെ മായാജാലത്തിൽ. #വലയമാണിത് ആദ്യം ഒരു പരസ്യം. അത് ഒരു പ്രതീക്ഷ വിതയ്ക്കും. “ഞങ്ങൾ അപൂർവ നോട്ടുകൾ വാങ്ങുന്നു…” എന്ന് പറഞ്ഞ്, ഒരാൾ നിങ്ങളെ ബന്ധപ്പെടും. സംഭാഷണം വിശ്വാസമായി വളരും. പിന്നീട് ചെറിയൊരു അപേക്ഷ “റജിസ്ട്രേഷൻ ഫീസ്…” “കൂരിയർ ചാർജ്…” “സർവീസ് ചാർജ്…” അത് നൽകുമ്പോൾ, നമ്മൾ കാണാതെ പോകുന്നത് ആ വലയത്തിന്റെ അറ്റം തന്നെയാണ്. പണം പോയാൽ, അവർ അപ്രത്യക്ഷമാകും. നമ്മൾ മാത്രം ചോദ്യങ്ങളോടും നിസ്സഹായതയോടും. #സത്യമെന്ത് പഴയ നോട്ടുകൾക്ക് ഒരു ശേഖരണ മൂല്യം ഉണ്ടാകാം പക്ഷേ അത് കഥകളിലെ പോലെ ലക്ഷങ്ങളുടെ സ്വപ്നമല്ല. ഇത്തരത്തിൽ വൻ തുക നൽകുന്ന ഔദ്യോഗിക സംവിധാനങ്ങളൊന്നും ന...
Read more

കാളകൾ ഒരു പഠനം

-
Image
കാളകൾ വായിക്കുമ്പോൽ   "മറ്റൊരു വണ്ടിക്കാള മാനുഷാകാരം പൂണ്ടി ട്ടറ്റത്തു വണ്ടിക്കയ്യി ലിരിപ്പൂ കൂനിക്കൂടി...." നിസ്സഹായനായി അടിമത്തംപോലെ ജീവിതം തള്ളിനീക്കുന്ന മനുഷ്യന്റെ ദയനീയചിത്രം ഇതിനുമപ്പുറം വരച്ചിടുവതെങ്ങനെ..? അതും പാട്ടിന്റെ പാലാഴികൊണ്ട് മലയാളിയുടെ മനസ്സിന്റെ ലോലതന്ത്രികളിൽ കിന്നരഗാനംപാടിയൊരു ഭാവഗായകന്റെ തൂലികയിൽ നിന്നാണെന്നതാണ് ഏറെ അത്ഭുതം..  അതേ പറഞ്ഞുവരുന്നത് ശ്രീ. പി #ഭാസ്കരൻമാഷിന്റെ #കാളകൾ എന്ന കവിതയെയാണ്. ചെറിയക്ലാസ്സുകളിൽ നമ്മൾ ചൊല്ലിപ്പടിച്ചതാണാ കവിത.  "തോളത്തു ഘനം തൂങ്ങും വണ്ടിതന്‍ തണ്ടും പേറി ക്കാളകള്‍ മന്ദം മന്ദ മിഴഞ്ഞു നീങ്ങീടുമ്പോള്‍..."  എന്നുതുടങ്ങുന്ന കവിത തുടർന്ന് നുകം വലിക്കുന്ന കാളകളെക്കാൾ ദൈന്യമാണ് അധ്വാനിച്ചു ജീവിക്കുന്നവന്റെ അവസ്ഥയെന്ന് അടിവരയിട്ടു പറയുന്നു....    "തോളുകള്‍ കുനിഞ്ഞിട്ടു-- ണ്ടവന്നും, സ്വജീവിത-- നാളുകള്‍ തല്‍കണ്ഠത്തി-- ലേറ്റിയ നുകം പേറി. കാലുകള്‍ തേഞ്ഞിട്ടുണ്ടി-- ന്നവന്നും നെടുനാള-- ക്കാലത്തിന്‍ കരാളമാം പാതകള്‍ താണ്ടിത്താണ്ടി."... ജീവനത്തിനായുള്ള മനുഷ്യന്റെ തത്രപ്പാടുകളുടെയും നിരന്തരമായി തുടരുന്ന മനുഷ്യാധ്വാനത്തിന്റ...
Read more