Short story- പു(തകാമേഷ്ടി

പു(തകാമേഷ്ടി
°°°°°°°°°°°°°°°°°°°°°
പരദേവതയുടെ കോപം!! പുതുജന്മങ്ങൾക്ക്മേൽ.. 

തിരിഞ്ഞു നോക്കണം പോൽ, 

കാവിലേക്ക് വിളക്ക്,... 

കുരുതി നൽകണം 

നാഗന് നൂറുംപാലും 

അന്തിവിളക്ക് നിത്യവും. 

നാല് നാഴിയരി 

ഇലക്കരയുളള തോർത്ത് 

അൻപതിന്റെ രൂപ 

അടയ്ക വെറ്റില

 പടിയിറങ്ങിപ്പോയ 

ജ്യോതിഷ കുടുംബം കാവിലേക്കുഴിഞ്ഞുനോക്കി പിന്നെ ഉമ്മറപ്പടിയിലെ ഭാര്യയേയും!!.

 "നന്നായി; മാറണം ശീലങ്ങള്‍ സന്ധ്യാനാമവും ജപിക്കണം" 

പരദേവതയ്ക് വിളക്ക് വച്ച് തിരിഞ്ഞു നോക്കാതെ ഉമ്മറവാതിലേറവേ അമ്മമ്മയുടെ ചിലമ്പൽ. ............. മൺകുടുക്കയിലെ ഭസ്മം തൊട്ട് നില്കെയാണ് അവളാ ശകുനം കണ്ടത്!? തിരിയണച്ചു നക്കുന്നു- 

വിളക്കിലെ വെളിച്ചെണ്ണ 

അരുമ കണ്ടൻപൂച്ച.. 

പരദേവതയുടെ വിളക്ക് പൂച്ചനക്കി !.. ദുശ്ശകുനം. വായന നിർത്തി 

മുത്തശ്ശി പിറുപിറുക്കുന്നു

. ...........

 പതിവു ശീലങ്ങളിൽ അവളുടെ ആത്മാർത്ഥത, ശുഭാപ്തിവിശ്വാസം:, കിതപ്പടങ്ങവെ മൊഴിഞ്ഞു "അവനെത്തി, കലം മോറുമ്പോൾ. തവിക്കണയ്ക് കൊടുത്തു. . ആ തിരിനക്കിക്ക്.."

 -------- 

"ഒരുപാട് വേദനിച്ചോ 

എന്തിനാതിരി നക്കീത്" 

യാമത്തിനൊടുവിൽ മച്ചിൽ 

ചക്കി കണ്ടനെ ആശ്വസിപ്പിക്കുന്നു. 

പരദേവത കോപിക്കില്ലേ 

നാവ് പൊളളിയറ്റുപോം. 

"തേവരില്ലാത്ത കാവിലെന്തിനാ അന്തിവിളക്ക്. . 

കാറ്റ് വിളക്കണച്ചു.. 

എനിക്ക് തിരിയെടുക്കാൻ." 

കണ്ടന്റെ (പതിവചനം... 

ഭാര്യ തളർന്ന് മയങ്ങുന്നു പാവം.... സന്താനലബ്ദിക്ക് ഇനിയെന്തു വേണം.... 

Note: തവിക്കണ=പണ്ട് ചിരട്ടതവിയ്ക് കമുകിന്റെ ചീളിൽ തീർക്കുന്ന പിടി. Sreekumar sree/www.sreesreekumar.blogspot.com.