ചിരിക്കുമ്പോൾ....

(ചിരിക്കിടയിൽ കരയാൻ,

 അതായത്, 

ചിരിച്ചുകൊണ്ട് കരയാൻ, 

നമുക്ക് പറ്റാറില്ല. 

എന്നാകിൽ കരഞ്ഞുകൊണ്ടും ചിരിക്കുക

       #ഒരുനിറകൺചിരി.)

എന്റെ മുഖചിത്രം

നിന്റെ നെറ്റി ചുളിക്കയാകാം

എന്റെ സ്മരണകൾ 

നിന്നിലലോസരവുമാകാം.

ചിലപ്പോൾ മറിച്ചുമാകാം

ഞാൻ നിന്നിൽ

ആരെങ്കിലുമാണെങ്കിൽ...

എന്നാലോർക്കനീ

നീയെന്നിൽ ഞാനാണ്

നാമാണ് നമ്മൾ

എന്താകിലും

എന്നെ നോക്കി ചിരിക്കണം നീ,

ഒരുപക്ഷെ നാളെ,

നമ്മിലൊരാൾ ഇല്ലാതെ പോകിലോ...?

#ശ്രീ.

(പിഞ്ചുകുഞ്ഞ് ഉറക്കത്തിലും വെറുതെ ചിരിക്കുന്നു. പിന്നെ, അമ്മ തുടയിൽ അമർത്തിയൊരു നുള്ളുകൊടുത്തതിനാൽ കണ്ണുനിറച്ചു നിൽക്കുന്നതിനിടയിൽ ഒരു അണ്ണാറക്കണ്ണനെ കണ്ടാൽ ആ കണ്ണീരിലൂടെ ചിരിക്കുന്നു. 

അത്രയുമേ എന്റെ ഈ ചിരിയിലുമുള്ളൂ. 

അത്രയുമുണ്ട്. 

      __സി രാധാകൃഷ്ണൻ__

ശ്രീ...