ബലിപീഠങ്ങളിലേക്ക്
#ബലിപീഠങ്ങളിലേക്ക് ഇടനെഞ്ചിലൊരു ഭയം വല്ലാതെ വളരുന്നുണ്ടെന്നിൽ ചോനനുറുമ്പുകൾ പോലത് അരിച്ചരിച്ചു പരതുന്നു... ഇടയ്ക്കിടെ ചെറുമുറിവുതീർത്ത് രസിക്കുന്നുമുണ്ടവ. നോവുകളിൽ കിനിയുന്ന രുദിരബിന്ദുക്കളാൽ അമൃതേത്തുണ്ണുകയാവും. ഇരുൾമടക്കുകളിലെവിടെയോ ബലിപീഠമൊരുക്കുകയാവും... കാഴ്ചമറയ്ക്കുന്നൊരു തിരശ്ശീല ദാനംകിട്ടിയിരുന്നുവെങ്കിൽ പുറംകാഴ്ചകളിൽനിന്നകന്ന് സ്വയമുയിർചേർത്തുവയ്ക്കാം വിധിതീർക്കുന്ന ബലിപീഠമതിൽ. #ശ്രീ
