Short story- comedy

-

തമിഴ് വേദാന്തം
`````````````````````
നാക്ക് രാകാനുണ്ടോ... നാക്ക്...!!
നാക്ക് രാകാനുണ്ടോ...  നാക്ക്...!!
ഇടവഴിയിൽ  തമിഴൻ നല്ല മലയാളത്തിൽ കൂകിവിളിക്കുകയാണ്...
അല്ല ഇവനെങ്ങിനെ മനസ്സിലായി,  ന്റെ പെമ്പിറന്നോത്തീടെ നാവിനിപ്പോൾ മൂർച്ചയിത്തിരി  കുറഞ്ഞത് ...?
വിളിച്ചില്ല, മുഖത്ത് നോക്കിയതേയുളളൂ.. അവനിങ്ങ് കേറിപ്പോന്നു..
"ഇറുപത് രൂപാ സാർ... നന്നായിറിക്കും..  അമ്മാവെ വിളിക്ക് സാർ...!."
ഭഗവാനെ ഇവനവളുടെ കൈയീന്നിപ്പോ മേടിക്കുമല്ലോ... എന്ന് ചിന്തിച്ച് തിരിഞ്ഞുനോക്കവെ അവളതാ ഒരു ചിരവയുമെടുത്തു  പാഞ്ഞുവരുന്നു....!.
ഞൊടിയിട തടയാനൊന്നുമുളള ടൈം കെടയ്ക്കാത്... അവളാ ചിരവ അവന് നേരെ നീട്ടി.. അവനത് ഭയഭക്തി ബഹുമാനത്തോടെ വാങ്ങി തറയിൽ കുത്തിയിരുന്ന് " ചിരവനാക്ക്"  രാകാൻ തുടങ്ങി..
ശ്വാസം നേരെവീണ എന്നെ കടുപ്പിച്ചൊന്ന് നോക്കി അവളകത്തേയ്ക്ക് പാഞ്ഞു.  സ്വർണ്ണപ്പണിക്കാരന്റെ സൂഷ്മതയിൽ പണിയെടുക്കവെ അവൻ  തൊട്ടടുത്തുളള ജയിലിനെപ്പറ്റി ചില സംശയങ്ങൾ ചോദിക്കയാണ്..
"സാർ നീങ്ക കേരളാവില് ജയിലുക്കുള്ളെ ശപ്പാത്തിയാ ശാപ്പാട്...?"
"ശപ്പാത്തി മാത്രമല്ലടാ ശപ്പാ...  മട്ടനും ചിക്കനും മീനും ചോറും എല്ലാമെ കൊടയ്ക്കും എന്താ നെനക്കു പോണോ അങ്ങോട്ട്..
ഇതാണ് കേരളം ഇവിടെ  ജയിലിൽപോലും  ഡീസന്റാ...."
തമിഴനിട്ട് കൊട്ടി കേരളത്തിന്റെ പ്രതാപത്തിൽ നെളിഞ്ഞ്  തട്ടിവിട്ടു.
"അപ്പടിയാ സാർ... നീങ്ക കൊളന്തകള് സർക്കാർ സ്കൂളിലാ പഠിക്കുവത്.. "
ആ.. ഞാനേ ഒരു സർക്കാർ  ഉദ്ദ്യോഗസ്ഥൻ.. അതിനാൽ എന്റെ മക്കളും ഗവൺമെന്റ് സ്കൂളിലാ..
"സാർ... കൊളന്തകളുക്ക് ഉച്ചശാപ്പാട് എന്നത് കെടയ്ക്കും.."
ഡേയ് അവർക്ക് സ്കൂളിൽ ഉച്ചയ്ക്ക് കഞ്ഞി. ചോറ് സാമ്പാറ്.. ഇതെല്ലാം സർക്കാർ കൊടുക്കും...

"അപ്പ ശരി സാർ.. പഠിക്കപോണ കുളന്തകൾക്ക് കഞ്ഞി... തിരുട്ടുകൂട്ടത്തെ  അടച്ചിടണ നീങ്ക ജയിലില് തിരുടനുക്ക്  ചിക്കനും മട്ടനും ..
അപ്പടിയാനാ.. കൊളന്തകളെ ജയിലി വിടുവത് താൻ യോഗ്യം സാർ.. "

ഇരുപത് രൂപാവാങ്ങി പോക്കറ്റിൽ വച്ച് ഒരു വളിച്ച ചിരിയാലെ ഒരു വേദാന്തിയുടെ ഭാവത്തിൽ  പറഞ്ഞിറങ്ങി...
കൈയിലിരുന്ന ചിരവവാങ്ങി ഭാര്യ അകത്ത് കയറിയതോ മക്കൾ സ്കൂൾവിട്ട് വരുന്നതോ ശ്രദ്ധിക്കാനായില്ല.. ആ തമിഴൻ നടന്ന്മറഞ്ഞ വഴിയോരത്ത്നിന്ന്  തുടങ്ങുന്ന പൂജപ്പുര സെന്ട്രൽ ജയിലിന്റെ മതിലിലേക്ക് നോക്കി അറിയാതെ ദീർഘശ്വാസം വിട്ടു. അതവൾ കണ്ടിരിക്കണം ഉടനെത്തി മറുപടി
" ആ സോളാർ പാനൽ അകത്തുകിടക്ക്വാല്ലേ... അതോർത്താവും ഈ നെടുവീർപ്പ്.. "
തമിഴൻ ഇടറോഡിൽ വിളിക്കുന്നു....
" നാക്ക് രാകാനുണ്ടോ.. ചിരവ...  നാക്ക്..."
ശ്രീ. 23/8/16.

Comments

Post a Comment

Popular posts from this blog

കാളകൾ ഒരു പഠനം

-
Image
കാളകൾ വായിക്കുമ്പോൽ   "മറ്റൊരു വണ്ടിക്കാള മാനുഷാകാരം പൂണ്ടി ട്ടറ്റത്തു വണ്ടിക്കയ്യി ലിരിപ്പൂ കൂനിക്കൂടി...." നിസ്സഹായനായി അടിമത്തംപോലെ ജീവിതം തള്ളിനീക്കുന്ന മനുഷ്യന്റെ ദയനീയചിത്രം ഇതിനുമപ്പുറം വരച്ചിടുവതെങ്ങനെ..? അതും പാട്ടിന്റെ പാലാഴികൊണ്ട് മലയാളിയുടെ മനസ്സിന്റെ ലോലതന്ത്രികളിൽ കിന്നരഗാനംപാടിയൊരു ഭാവഗായകന്റെ തൂലികയിൽ നിന്നാണെന്നതാണ് ഏറെ അത്ഭുതം..  അതേ പറഞ്ഞുവരുന്നത് ശ്രീ. പി #ഭാസ്കരൻമാഷിന്റെ #കാളകൾ എന്ന കവിതയെയാണ്. ചെറിയക്ലാസ്സുകളിൽ നമ്മൾ ചൊല്ലിപ്പടിച്ചതാണാ കവിത.  "തോളത്തു ഘനം തൂങ്ങും വണ്ടിതന്‍ തണ്ടും പേറി ക്കാളകള്‍ മന്ദം മന്ദ മിഴഞ്ഞു നീങ്ങീടുമ്പോള്‍..."  എന്നുതുടങ്ങുന്ന കവിത തുടർന്ന് നുകം വലിക്കുന്ന കാളകളെക്കാൾ ദൈന്യമാണ് അധ്വാനിച്ചു ജീവിക്കുന്നവന്റെ അവസ്ഥയെന്ന് അടിവരയിട്ടു പറയുന്നു....    "തോളുകള്‍ കുനിഞ്ഞിട്ടു-- ണ്ടവന്നും, സ്വജീവിത-- നാളുകള്‍ തല്‍കണ്ഠത്തി-- ലേറ്റിയ നുകം പേറി. കാലുകള്‍ തേഞ്ഞിട്ടുണ്ടി-- ന്നവന്നും നെടുനാള-- ക്കാലത്തിന്‍ കരാളമാം പാതകള്‍ താണ്ടിത്താണ്ടി."... ജീവനത്തിനായുള്ള മനുഷ്യന്റെ തത്രപ്പാടുകളുടെയും നിരന്തരമായി തുടരുന്ന മനുഷ്യാധ്വാനത്തിന്റ
Read more

തൃപ്പിതിയായല്ലോ ല്ലേ...

-
Image
കഥയെഴുതുന്നില്ലേ..? കഥകൾ കാണുന്നില്ലല്ലോ...? ചോദ്യം ന്യായമാണ്.. അതും വായിക്കാനാഗ്രഹിക്കുന്നവരുടേതാകുമ്പോൾ... പക്ഷെ എന്തെഴുതാനെന്ന് ചിന്തിച്ചിരുന്ന് പനിപിടിച്ചപ്പോഴാ ഡോക്ടറെ കാണാൻപോയത്... കൺസൽട്ടിങ്ങിനു കാത്തിരിക്കുമ്പോൾ അടുത്തസീറ്റിലെ ദമ്പതികളെ ശ്രദ്ധിച്ച. അദ്ദേഹത്തിനു 60 കഴിഞ്ഞിട്ടുണ്ടാവും സുന്ദരിയായ അവർക്ക് 50-55. മനുഷ്യസഹജമായ പുഞ്ചിരി കൈമാറി.. "മൂന്ന് ദിവസംമുമ്പ് നിങ്ങളല്ലേ വീട്ടിൽ വന്നത്..." പൊടുന്നനെയുള്ള അദ്ദേഹത്തിന്റെ ചോദ്യം എന്നെ ഞെട്ടിച്ചു.. കാരണം ഞാനാദ്യമായാണ് അവരെ കാണുന്നത്. അടുത്തിരിക്കുന്ന നമ്മുടെ ഭാര്യ സംശയഭാവത്തിൽ ചുഴിഞ്ഞുനോക്കുന്നു... " ഇല്ല ചേട്ടാ.. നിങ്ങൾക്ക് ആളുമാറിയതാ.." എന്റെ മറുപടി അദ്ദേഹത്തെ തൃപ്തിപ്പെടുത്തിയില്ല. "ഇല്ലില്ല... നിങ്ങൾ വീട്ടിലിരുന്ന്... കട്ടനും കുടിച്ച് ഏറെ നേരം .... ഇവളുമായി സംസാരിച്ചിരുന്നതോ...? മൂന്ന് ദിവസംമുമ്പ്.." അമ്പരന്നിരിക്കുന്നുപോയി ഞാൻ.. എന്റെ ഭാര്യയുടെ മുഖത്ത് സംശയം നിഴലിച്ചുതുടങ്ങി... ഇയാൾക്കിതെന്തിന്റെ കേടാ... ആരാ ഇയാൾ... ഞാനയാളുടെ നല്ലപാതിയെ നോക്കി.. അവർ ദയനീയമായി എന്നെയും ഭാര്യയെയും നോക്കി ഒന്നുകൂടി
Read more

എന്റെപ്രായം_ചോദിക്കരുത്

-
Image
ഞാനിപ്പോൾ മച്ചിലെവിടെയും മാറാലതൂക്കാറില്ല.. തലതൂക്കിപക്ഷികൾക്ക് ഇപ്പോൾ എന്നെ ഭയവുമില്ല. ഭയമില്ലെങ്കിലും ബഹുമാനമുണ്ടെന്ന് അവർ ഭാവിക്കുന്നുണ്ട്.. മക്കൾ, അവരിപ്പോൾ നല്ല അഭിനേതാക്കളാണ്. ഒരുവിളിയിൽ ഒതുങ്ങിയടുത്തെത്തു- മായിരുന്നവൾ കൈയ്യാലപ്പുറത്തെ പരദൂഷണവട്ടത്തിലാണ് വിളികേൾക്കാറില്ലെപ്പൊഴും ചെകിടിയായത്രെ..! കണ്ണട പതിവായി കള്ളം കാണിക്കുന്നുണ്ടാവാം പത്രത്താളിലെ നല്ല വാർത്തകളെ അതു മറച്ചുപിടിക്കുന്നു. രോഗങ്ങളും സൗഹൃദവും ഒരുപോലെയാണ്... ചെറിയ സൗഹൃദങ്ങൾ പെട്ടെന്നവസാനിക്കുന്നു.. വലിയ സൗഹൃദങ്ങളും പെരിയ രോഗങ്ങളും കൂട്ടുകൂടിയാൽ ഒടുക്കംവരെ കൂടെക്കാണും.  അതുമാത്രമാണെന്നും കൂട്ട്.  Sree. 
Read more